Алтын балық ұйымдастырылған оқу қызметі, балабақша

Білім беру саласы: Таным. Қатынас.

Бөлімі: Экология негіздері.

Тақырыбы: Алтын балық.

Мақсаты: 1. Аквариумда тіршілік ететін алтын балық туралы тү-сіндіру.

2. Балықты қалай қоректендіру керектігін түсіндіру және көрсету арқылы есте сақтау қабілеттерін дамыту.

3. Жанды табиғат мүшелеріне қамқор болуға тәрбиелеу.

Қолданылатын көрнекі құралдар: алтын балығы бар аквариум үлестірмелі материалдар.

Сөздік жұмыс: қабыршақ.

Билингвальды компонент: балық – рыба, су – вода.

Оқу іс-әрекетінің кезеңдері

Педагогтің іс-әрекеті

Балалардың

іс-әрекеті

Мотивациялық-қозғаушылық

«Мұхит дыбысы» үнтаспадан тыңдатылады.

– Бүгінгі сабақ өте қызықты болмақ. Сабақтың тақырыбын білу үшін жұмбақты шешіп көрейік.

– Сусыз өмір сүре алмайды,

Аяғы жоқ, жүре алмайды. (Балық – рыба)

Жұмбақты шешеді.

– Шешуі: балық.

Ұйымдастырушылық-ізденістік

1. Білімді өзектендіру.

– Балықтар қай жерде тіршілік етеді? (Өзен, көл, мұхит).

– Балықтың денесі немен қапталған?

Қабыршақ сөзін бірнеше рет қайталату. Осы сөзге сөздік жұмысын жүргізу.

Қабыршақ – балық денесін жа­уып тұратын, бөлек-бөлек жұқа, қатты қабықша.

2. Билингвальды компонент:

балық – рыба, су – вода.

3. Аквариуммен танысу және бақылау. Педагог балалардың назарына алтын балығы бар аквариумды көрсетеді.

– Балалар, мынау не? (Балық)

– Аквариум – су жануарлары мен өсімдіктерін өсіруге және зерттеуге арналған шыны ыдыс. Оның кейбір түрлерін дельфинарий, океанариум деп те атайды. Олардың пішіні мен құрылысы әртүрлі болып келеді. Аквариумдер балықтардың табиғи жағдайына сәйкес жабдықталады. Онда өсімдіктер де өсіріледі. Әдетте арнаулы құралмен аквариумге ауа да жіберіледі. Суы мезгіл-мезгіл ауыстырылып тұрады.Балықтың денесін қабыршақ жапқан, бірақ қабыршақсыз немесе сүйекті қылтан жапқан түрлері де бар. Желбезектерімен судағы еріген ауамен тыныс алады.

Сұрақтарға жауап береді

– Суда (вода) тіршілік етеді.

– Қабыршақпен қапталған.

Аквариумды қарастырады, балықты бақылайды. Сұрақтарға жауап береді.

Қайталайды.

– Аквариум.

– Балық.

Тыңдайды.

Ұйымдастырушылық-ізденістік

4. Саусаққа арналған “Балық” жаттығуы.

Балық жүзді, сүңгіді,

Таза суды бүлдірді.

Бір көрінді, жоқ болды,

Әдемілеп секірді.

5. Үлестірмелі материалдармен жұмыс. Тапсырманы қалай орындау керектігін түсіндіреді.

6. Жеке жұмыс. «Аквариумдағы және өзен-көл­дер­дегі балықтардың тіршілігіндегі айырмашылықтар қандай?» сұрағын бірнеше балаға қояды.