Алтын күз мерекесіне арналған ертеңгілік сценарийі

Аймагамбетова Айнаш Кайржановна

ІІ санатты тәрбиеші

БҚО, Бөрлі ауданы, Ақсай қаласы

№7 «Айналайын» бөбекжайы.

Тақырыбы : «Алтын күз»

Әсем әуенмен балалар залға кіреді.

Би: «Қолшатыр»

Жүргізуші:

Береке бақ дарыған,

Жомарт көңіл жарқын жүз.

Сары алтынға малынған,

Жетті міне алтын күз!

Жүргізуші: Сәлеметсіздерме балалар, сәлеметсіздерме барша қонақтар! Бүгінгі ортаңғы «Айжанай» тобының «Алтын күз» атты ертеңгілігімізге қош келдіңіздер. Балалар қараңдаршы бүгін біздің залымыз қандай әдемі, қаншама түрлі-түсті жапырақтарға толы.

Жүргізуші: Балалар айтыңдаршы қазір жылдың қай мезгілі?

Балала: күз мезгілі

Жүргізуші:Күзде қандай өзгерістер болады?

Балалар: жапырақтар сарғайады, құстар жылы жаққа ұшады, жаңбыр жауып, күн суытады. Жан-жануарлар ұйқыға кетеді. Жеміс-жидектер, көкіністер піседі.

Жүргізуші: Жарайсыңдар күз мезгілі туралы біраз мәлімет біледі екенсіңдер олай болса балалар, бүгінгі ертеңгілігімізді әсем әнмен бастайық.

Ән: «Бұл алтын күз»

Өлкеміз түрленеді

Әсем бәр күйге енеді.

Жапырақтар сарғайады,

Сұр бұлттар көшеді.

Қ-сы Бұл алтын, бұл алтын,

Бұл алтын күз, күз

Бұл сары, бұл сары

Жомарт сары күз,күз

Жүргізуші:Әнмен қоса балаларымыздың күз туралы өлең шумақтарын тыңдайық.

Ямур: Ән салыңдар, күліңдер,

Жайнап гүлдей жүріңдер.

Күздің тойын тойлайық,

Би билейік ойнайық.

Мадина: Құтты болсын алтын күз,

Берекесі халқымның

Күзгі байлық тамаша

Шашуы көп салтымның

Азиза: Осень, осень, погади!

И с дождями не спеши.

Дай нам еще лета,

Солнышка и света.

Жүргізуші: Жарайсыңдар балалар. Ал енді ұл-қыздарымыздың күзгі «Блюз» биін тамашалайық.

Би: «Блюз»

(Сырттан желдің, жаңбырдың және әдемі әуеннін дыбысы естіліп, ішке

Күз ханшайымы келеді)

Күз ханшайымы:

Уа ,халайық, дархан далам армысың!

Табиғатым жаны жайсан тал мүсін,

Ханшайымы Күздің бүгін келіп тұр,

Алмақ болып бар халқымның алғысын.

-Сәлеметсіздер ме балалар, қонақтар!

-Мен Күз ханшайымымын. Сендерді көргеніме өте қуаныштымын.

Жүргізуші: Қош келдің, Күз ханшайымы! Төрлетіңіз! Сізді мерекемізге күтіп отыр едік. Біздің балаларымыздың сізге арнап жаттаған өлең жолдарын тыңдаңыз.

Күз ханшайымы: Балалар өлең жолдарына рахмет, мен қуанып отырмын. Балалар күзде барлық көкіністер мен жемістер піседі. Мен қыдырып жүремін деп сол көкіністерім мен жемістерімді жинап үлгірмедім. Жинауға көмектесесіңдер ме?

Жүргізуші: Әрине, күз ханшайымы біздің балаларымыз өте ембекқор, олар өздерінің көкіністері мен жемістерін әлдеқашан жинап алған болатын. Сізгеде көмектеседі. Солай ма балалар?

Ойын: «Көкіністер мен жемістер»

Шарты: әуен ырғағымен ортада жатқан көкіністер мен жемістерді ажыратып екі себетке жинайды.

Күз ханшайымы: Балалар, сендер ойынды жақсы ойнадыңдар рахмет. Ал енді мен сендерге «Үйшік саңырауқұлақ» атты ертегіні тамашалауға шақырамын.

Ерте, ерте, ертеде орманда бір саңырауқұлақ өсіп тұрыпты. Күз мезгілі келіп, ауа райы өзгеріпті. Бір күні жаңбыр қатты жауып кетеді. Құмырсқа қайда тығыларын білмей сол саңырауқұлақтың астына жасырынады.

Көрініс: «Үйшік саңрауқұлақ»

(Осы кезде оған көбелек келеді)

Көбелек: Құмырсқа, құмырсқа мені саңырауқұлақ астына кіргізші, жауырап қалдым, ұшалмаймын.

Құмырсқа: Сені қалай кіргіземін өзім әрең сыйып тұрмын.

Көбелек: Ештеңе етпейді таршылыққа ренжімеймін. (Көбелекті кіргізеді)

Құмырсқа: Жарайды кел қасыма. (Осы кезде тышқан келеді)

Тышқан: Мені кіргізіңдерші, жаңбырға жауырап қалдым.

Құмырсқа: қайда кіргіземіз мына жерде орын жоқ.

Тышқан: кішкене ысырылсаңдаршы.

Құмырсқа: жарайды (Бір – біріне тығылысып орын береді) (Торғай келеді.)

Торғай: Мамықтарым су болды, қанатым талды мені кіргізіңдерші, кішкене үстімді құрғатып, демалып алайын.