Алтын күз мерекесіне арналған мектепке дейінгі сценарий

«Алтын күз!» ертеңгілігінің сценарийі.

Жүргізуші:Армысыздар, құрметті ата - аналар мен ардақты қонақтар! Бүгінгі «Алтын күз» мерекелік ертеңгілігіне қош келдіңіздер!

(Музыка әуенімен бүлдіршіндеріміз қолдарында жапырақтармен залға келіп жарты шеңберге тұрады, билейді.)

«Жапырақтармен би»

Жүргізуші:Өрік, алма,

Шие, алша,

Жидек, жүзім піседі.

Қауын, қарбыз,

Қияр, сәбіз,

Дүкендерге түседі.

Астық пісіп,

Орақ түсіп,

Қырман дәнге толады.

Бөбектерім, айтындаршы,

Бұл қай кезде болады?

Балалардың жауабы: Күзде, күз мезгілінде.

Дұрыс айтасыңдар, балалар, күз мезгілінде. Күз айналаға көрік беріп, жан-жағын сары алтынға бояп құлпыртып, құбылта білетін жыл мезгілінің бірі. Ендеше осы әдемі де, көрікті күзді әнге қосып, жырлайық.

Бүлдіршіндердің орындауында «Күз ырғағы» әнін қабыл алыңыздар!

«Күз ырғағы»

Қолымыздан ұстайық, Орындыққа отырайық!

Жүргізуші: -Балалар, бізге қонаққа Күз ханшайымы келемін деп еді, енді мерекеміз қызықты өту үшін ортамызға Күз ханшайымын шақырайық!

Балалардың барлығы : - Келші, келші алтын күз,

Келші, келші жарқын күз.

Мерекені жалғастырып,

Ойнап, күлші алтын күз!

Балалар қарап, Күз ханшайымын қол соғып қарсы алады.

Музыка ырғағымен ішке сары киім киген Күз ханшайымы қолындағы алмалармен кіріп келеді).

Күз ханшайымы: Алтын түске боялды,

Тау мен қырда, дала, түз.

Келдім міне ортаңа,

Менің атым Алтын күз!

- Сәлеметсіздер ме, қонақтар! Cәлеметсіңдер ме, балалар! Мен Күз ханшайымы боламын, сендердің күз мерекелеріңе қонаққа келдім.Қараңдаршы, айналаның бәрін алтын түске бояп та қойдым. Қандай тамаша! Барлығы сары түске боялған.

Жүргізуші: - Қош келдің, Күз ханшайымы. Өзіңмен бірге береке, байлық, молшылық, тоқшылық ала келдің. Оған біз өте қуаныштымыз. Мына сыйды балаларға таратып берсек бола ма?

Күз ханшайымы: - Жоқ, бұл сыйды балалар еңбек етіп, тер төгіп, өнерлерін көрсетіп, алулары қажет. Өйткені күздің сыйлары тек адамның еңбегінің арқасында болады.

Жүргізуші: Олай болса Күз ханшайымы, біздің балалар саған арнап тақпақ айтып береді, тамашала.

Тақпақтар: Күз туралы.......

1.Берекесін сыйлауға,

Өлкемізге күз келді.

Жемістерін жинауға,

Шақырады біздерді.

2.Жемісі мол теретін,

Күз дос екен бізбенен.

Бәрін тауып беретін,

Жомарт екен күз деген.

3.Жайдарлы күз, жарқын күз,

Аяулы күз алтын күз.

Дәнге толы кең далам,

Сары алтын айналам.

4.Қамба толды астыққа,

Алғыс саған алтын күз.

Бір уыс дән шаштықта,

Қап-қап бидай алдық біз.

5.Ақтарады мырза күз,

Уылжыған жемісін.

Күзге бізде ризамыз,

Аянбаған ел үшін.

6.Сары ала тон жамылған,

Күз атамыз секілді.

Қойны толы дәмді нан,

Тәттісі көп не түрлі.

7.Алқаптан бидайды

Қоймаға ел жинайды.

Тырнасы тізілген,

Ұнатамын күзді мен.

8.Астық, жеміс жиналды,

Қамбамызға құйылды.

Ардақты күз мың алғыс,

Алдық өнім, сыйыңды.

9.Көбейіп құт-береке,

Астық толы қамбамыз.

Құтты болсын мереке

Алтын күзді тойлаймыз.

10.Сары алтындай сары күз,

Қамбадағы дәніміз.

Шелек-шелек балымыз,

Ағыл тегіл дәніміз.

11.Күзім-ау, күзім-ау,

Мінезің бұзық-ау.

Жаңбырың сіркіреп.

Келгенің қызық-ау.

12.Жапырақтың сарғайғаны-

Келген күздің сәні ме?

Қайтқан құстың шалғайдағы

Әлде мұңлы әні ме?

13.Қайтқан құсты көрдің бе,

Қаптай ұшқан әуелеп.

Күткен күзім келдің бе?

Сыңсып бағың мәуелеп.

14.Тырна көкте тыраулап,

Қош, қош айтты,«кеттім»-деп

Шөптің басына қыраулап,

Күзде келіп «жеттім» деп,

15. Ой, балалар, балалар,

Қоңырқай күз болыпты

Қурап жапырақ солыпты

Ел егінін алыпты.

16. Астық, жеміс жиналды,

Қамбаларға құйылды.

Ардақты күз, мың алғыс,

Алдым өнім-сыйымды.

17. Толтырыпты алтын күз!

Уылжыған жемісін.

Күзге бізде ризамыз.

Аянбаған ел үшін!

18.Бұтағындай емініп,

Күзде жеміс піседі.

Сабағынан жел үзіп,

Жерге топ-топ түседі.

19. Күн суытып келеді,

Жапырақтар түседі.

Астық жеміс жиылды.

Қамбамызға құйылды.

20.Түрлі-түсті бояуын,

Жер бетіне кестелеп,

Күз келгенде егінші,

Егін жинар дестелеп.

21.Қуандырып біздерді,

Берекелі күз келді.

Кел, жемісті алтын күз,

Кемелденсін халқымыз!

Күз ханшайымы: Сендерге рахмет! Өздерің қандай әдемісіңдер. Балалар, менің сендерге бір жұмбақ жасырғым келеді.

Ортасында ұзын таяқ,

Төбенді торлайды.

Жазылса жаңбырдан,

Үйіндей қорғайды.

Балалар жұмбақтың шешуін табады.

Балалар жауабын айтады: Қолшатыр

Жүргізуші:Аспанды бұлт торлайды,

Жаңбыр жаумай қоймайды.

Құйса жауын нөсерлеп,

Қолшатыр бәріңді жаңбырдан қорғайды.

Қолыңдағы қолшатырды жазып, балаларға көрсетіп: