Алтын күз мерекесіне арналған сценарий мектепке дейінгі балалар

МКҚ «Ақшағала» балабақшасы

«Бекітемін»

Балабақша меңгерушісі

Сәдуова М.

2018 ж.

Ертеңгілік

Тақырыбы: «Алтын күз»

Өткізген: Табылдықызы Г.

Мақсаты: Балаларға күз мезгілінің ерекшеліктерін ұғындыру. Шығармашылық ой – қиялдарыныңдамуына ықпал ету. Түрлі іс – әрекеттерге тарту, бейімділіктерін арттыру. Мерекелік көңіл күй орнату. Ата – аналар кауымымен тығыз қарым – қатынас орнату.

Жүргізуші: Армысыздар құрметті ұстаздар, ата аналар Ұлыстың ұлы күні наурызга арналған құлыншақ тобының « Алтын күз» атты ертеңгілігіне қош келдініздер. Осынау мерекеге арнайы дайындалып келген ортаңғы топ бүлдіршіндерінің жыр шумақтарымен бүгінгі ертеңгілігімізді бастаймыз.

Өркен:

Қоңыр салқын тарады,

Қойнаулар мен сайлардан.

Қаздар қайтып барады,

Қайтқан елдей жайлаудан.

Асылай:

Соңғы шуақ төгіліп ,

Салқынданып тұр аймақ.

Ақ сәулеге шомылып,

Жапырақтар жүр ойнап.

Ақжол:

Күз келді алақай!

Алтын келді далаға.

Дәні бітік бидайды,

Құйып жатыр қамбаға.

Әзиза:

Келді міне күз.

Айнала сары түс.

Керемет, тамаша,

Қандай әсем күз.

Ерасыл:

Көктен көзін бір алмай,

Қызғылт тартты кәрі күз.

Жер қызығын қия алмай,

Маужырап тұр сары күз.

Әуенмен ортаға Күз ханшайымы келеді:

Уа, халайық, дархан далам армысың,

Табиғатым жаны жайсан тал мүсін.

Ханшайымы Күздің бүгін келіп тұр,

Алмақ болып бар халқымның алғысын.

Жүргізуші: - Сәлеметсізбе, Күз ханшайымы, қош келдіңіз! Сізді көптен күткен балалар сағынышын сазды сәлеммен жеткізбек. Қабыл алыңыз.

Ән: Күзгі әуен.

Күз ханшайымы: Балалар, көп рахмет. Өнерлерің өрге жүзсін! Ал қазір сендермен ойын ойнағым келіп тұр.

Ойын: Бұл қай жеміс?

Би: Саңырауқұлақтар.

Ақторғын:

Әуенге бөлеп сиқылы,

Айтылды ән боп сыр қилы.

Күзгі әуен жастардың,

Жүрегіне нұр құйды.

Әмірбек:

Думан толы асқарлы,

Күз мезгілі басталды.

Күз әуені кеп жетті,

Әнге бөлеп жастарды.

Ұлболсын:

Жеміс – жидек пісті,

Қамбаға астық түсті.

Қызу жұмыс басталып,

Жинап алды жан салып.

Аягөз:

Нұрға бөлеп өмірді,

Жырға бөлеп көңілді.

Жарқыраған сәулелі,

Күз әуені төгілді.

Әулет:

Шөп сарғайып,

Ағаш қурап.

Гүлдер де солады,

Жаңбыр жауып, жел соғады,

Бұзылады табиғат.

Нұрсәт:

Молшылыққа бөлеген,

Күз дос екен бізбенен.

Біздерді қауыштыратын,

Ыстық ұя мектеппен.