Алтын күз мерекесіне арналған сценарий мектепке дейінгі топ

«Күздің әсем сыйлары» бірінші кіші тобына арналған ертеңгілігінің сценарийі.

Жүргізуші: Армысыздар, құрметті ата - аналар мен ардақты қонақтар! Бүгінгі «Күздің әсем сыйлары» атты ертеңгілігіне қош келдіңіздер!

(Музыка әуенімен бүлдіршіндеріміз залға келіп жарты шеңберге тұрады.)

Жүргізуші:Ұшты талдан жапырақ,

Сары көбелек секілді.

Аспанда жай шатырлап,

Тамшы жерге секірді.

Бүлдіршіндердің орындауында «Күз» әнін қабыл алыңыздар!

Ән: «Күз»

Жүргізуші: -Балалар, бізге қонаққа Күз ханшайымы келемін деп еді, қараңдаршы келе жатыр ма екен? Балалар қарап, Күз ханшайымын қол соғып қарсы алады.(Ішке сары киім киген түрлі-түсті жапырақтар тағынған Күз ханшайымы музыка әуенімен кіреді.)

Күз ханшайымы: - Cәлеметсіңдер ме, балалар! Мен Күз ханшайымы боламын, сендердің күз мерекелеріңе қонаққа келдім. Балалар, менің жұмбағымды шешсеңдер, мен сендерге әкелген сыйымды беремін.

Қызыл-сары кемелер,

Су бетінде қалқиды.

Соқса егер салқын жел,

Ырғалады, толқиды.(Жапырақ)

Ой, бәрекелді, дұрыс айтасыңдар!Өздерің қандай әдемісіңдер.Менің сендерге әкелген сиқырлы жапырақтарым да бар.Ол жапырақтарды ұстаған сәтте билей жөңнелесіңдер.Оған қазір өздерің куә болысыңдар.Қане, қызық келіңдер мына жапырақтармен би билеп, көңіл көтерейік.

Би: «Сиқырлы жапырақтар» биі. (Балалар Күз ханшайымын ортаға алып шеңбер құрып тұрады, музыкалық ырғақтық қимылдармен орындайды.)

Жүргізуші: Алтын, сары, қызыл, көк,

Алуан-алуан жапырақ.

Ағаштардан жамырап,

Ұшты кенет жапырақ.

Күз ханшайымы: - Балалар, енді осы жапырақтармен ойын ойнағыларың келе ме? Ойын: «Жапырақтарды жинаймыз!» Ойынға екі баладан шығып, ойынның шарты бойынша жапырақтарды жылдам жинау керек. Кім көп жинаса, сол жеңіске жетеді.

Жүргізуші:Тырна көкте тыраулап,

Қош, қош айтты,«кеттім»-деп

Шөптің басына қыраулап,

Күзде келіп, «жеттім» деп, бүгінгі ертеңгілігімізге дайындап келген бүлдіршіндеріміздің тақпақтарын тыңдайық.

Тақпақтар:

1.Жайдары күз, жомарт күз,

Аяулы күз, алтын күз,

2.Тырнасы тізілген,

Ұнатамын күзді мен.

4. Сары алтындай сары күз,

Қамбадағы дәніміз.

5. Ардақты күз мың алғыс,

Алдық өнім, сыйыңды.

6. Құтты болсын мереке

Алтын күзді тойлаймыз.

7.Санай бер, қарай бер.

Бояуы жүз, келді күз!

8. Ой, алақай тамаша.

Шашу шашты жапырақ!

9.Мерекелі күз келді,

Берекелі күз келді.

10Ағаштардан желбіреп,

Жапырақтар түседі.

11.Күзім-ау, күзім-ау,

Мінезің бұзық-ау.

Жаңбырың сіркіреп.

Келгенің қызық-ау.

Жүргізуші:Күз ханшайымы, «Жылауық күз» деп аталуыңыздың себебін айтыңызшы?

Күз ханшайымы: Күзде жаңбыр көп жауатындықтан мені жалауық күз деп те атайды.Келер жылы егін мол болуы үшін жаңбырдың көп жауғаны да дұрыс.

Жүргізуші: - Олай болса, Күз ханшайымы, балалар саған арнап би билеп береді, отырып, тамашала. (Күз ханшайымы отырады.)

Сары жібек көйлегін желбіретіп,

Жапырағын ағаштың селдіретіп.

Тойға бөлеп елімді күзім келді,

Нұр тамшысын аспанның мөлдіретіп.

Би: «Тамшылар» биі. Қыздарымызды қошеметтеп қарсы алыңыздар!

Күз ханшайымы: Астық жеміс береке,

Барымды мен сыйлаймын.

Менде көп-ақ мереке .

Барлығыңды қимаймын.