Алтын күз тақырыбындағы тәрбие сағаты, 1-сынып

Тәрбие сағаты: « Жомарт жүрек, жарқын күз!»

Мақсаттары:Оқушылардың күз туралы білімдерін кеңейту. Күз мезгілінің қыр-сырын жете меңгеріп ерекшеліктерін есте сақтауға үйрету.

Оқушы өзін еркін ұстауға, өз ойын толық жеткізе білуге дағдыландыру, шығармашылықпен жұмыс істеуін дамыту.

Өз беттерімен ерінбей еңбек етуге үйрету және өз еңбегін бағалай білуге тәрбиелеу,табиғатты аялауға, өз өлкесін сүюге тәрбиелеу.

Көрнекіліктер:Табиғат көрінісі,қанатты нақыл сөздер,мақал-мәтелдер,табиғи заттардан қолөнер көрмесі,жапырақтар,гүлдер.

Қатысушылар: 2 «б» сынып «Сәбіздер» тобы

2 «в» сынып «Қиярлар» тобы

3 «б» сынып «Қауындар» тобы

4 «б» сынып «Алмалар» тобы

4 «в» сынып «Қызанақтар» тобы

Мұғалім сөзі: Береке бақ дарыған,жомарт көңіл жарқын күз.

Сары алтынға малынған,жетті міне алтын күз.

Жомарт жүрек жарқын күз, берекесі елімнің

Қош келіпсің алтын күз,құт қонағы төрімнің.

( үш айын ертіп ортаға күз ханшайымы шығады)

Күз ханшайымы:Толтырып дәнге қырманды,бастадым қырда думанды

Мәуемді терген бағбанның жанарынан нұр жауды

Ырысқа толы қоймалар, сабан тойы тойланар

Берекелі күз болам,байлыққа мұрты майланар.

Қадірлімін халқыма,баламас бекер алтынға

Өн бойым тұнған ырыс-құт,көңілім жомарт салтым да.

Астық,жеміс, алмаға толып қойма,қамбалар

Байлығыммен ұлы елім алты ай қысқа қамданар.

Қыркүйек: Бірінші қыркүйек

Білімге бастады

Мал мен аң жүр билеп,

Құс шарлап аспанды.

Қазан:Жаңартқан ғаламды

Жаңбырлы ғажап ай

Осынау заманды

Орнатқан қазан ай.

Қараша: Мол байлық тергені

Шаттығы қаншалық

Қарашы өрледі

Қараша ән салып.

Күз ханшайымы:Ал, қыркүйек қазаным

Қолқанатым қараша

Орындалсын талабың,

Іс істеңдер тамаша!

Мұғалім:Қалың астық жиылды, қамбамызға құйылды

Ардақты күз мың алғыс,алдық өнім сыйыңды-деп Күз ханшайымы мен айларын мерекеміздің құтты қонағы болыңыздар деп төрден орын беріледі.

Тойға шашу: 1-сынып оқушысы ән айтады.

Мұғалім: Ән тербетіп әлемді

Шарықтасын күлкі-ойын

Қарсы алайық ал енді

Қонақтарын бұл тойдың.

Құрметті ұстаздар, оқушылар бүгінгі «Жомарт жүрек, жарқын күз» атты сайысымызды бастауға рұқсат етіңіздер.

Сайысымызды бастамас бұрын әділқазылар алқасымен таныстырып өтейін.

1.Мектебіміздің тәрбие ісінің орынбасары:

2.Қазақ тілі пәнінің мұғалімі:

І- Топты таныстыру.

Өнер қуып қонақтар өтер деймін

Бір басына өнері жетер деймін

Бәске түсіп ал,қане кезектесіп

Таныстырып өздерін өтер деймін.

(сайыскерлер өздерінің топтарын таныстырып өтеді)

ІІ- Сурет сайысы:

Шіркін сурет сабағы, ауылды еске салады

Мың құбылтып бояймын туып өскен даламды-деп осы туып өскен далаларыңның күзгі бейнесін бейнелейсіңдер.

ІІІ- Өнерлі өрге жүзер.

Өнерлі өрге жүзер талаптанып

Қыран биік самғайды қанаттанып