Алтын күз тақырыбындағы тәрбие сағаты 3-сыныпқа

Тақырыбы: «Күз – мереке, күз - береке»

Мақсаты:1. Жас ұрпаққа қоршаған ортадағы түрлі құбылыстарды және күз кереметтілігін нақты айқындап ашуға, табиғатты сүюге,сақтауға үйрету.2. Оқушылардың әртістік қабілеті дамыту, сахна мәдениетіне тәрбиелеу

Көрнекіліктер: Сахнада күз көріністері, «Күз кереметтері» көрмесі, күзге арналған оқушылардың салған суреттері, нақыл сөздер, шарлар.

Тәрбие сағаты барысы:

Бұлттар төніп,

Жерге шөгіп,

Дымқыл тұман басады.

Шөп сарғайып,

Өңі тайып,

Дала сұры қашады.

Бой жаза алмай,

Ойнай алмай,

Денең мұздап тоңады.

Достар, айтыңдаршы,

Бұл қай кезде болады?

Күз – адам баласына молшылық, береке әкелетін мезгіл. Сондықтан да адамдар күзге берекелі күз, алтын күз деп баға берген. Алтын, себебі, біріншіден, айналаның бәрі сап-сары бояуға малынған, екіншіден, алтын – байлықтың белгісі. Екеуін астастырып Алтын күз деп атаған.

Ән: «Көңілді күн» Орындайтын Ілияс Айым

Мұғалім: Балалар, ортамызға Күз келіпті. Қошеметтеп қарсы алайық.

Күз:

-Мен күзбін . Өте еркемін . Сәл нәрсеге ренжіп. Бұртыйып қабағымды түйе қаламын. Кейде болмашыға өкпелеп , көз жасымды алмай төгіп-төгіп жіберемін. Әйтсе де менің жомарттығымды бәрі ұнатады.

Отан қоймасы , алтын астыққа толады. Күз -береке айы , берекесін тойлайтын , мереке айы . Сондықтан да мені жұрт « Алтын күз» деп теңейді.

-Күзге арналған тақпақтарымызды оқиық.

Жаным: Береке, бақ, дарыған

Жомарт көңіл жарқын жаз,

Сары алтынға малынған

Жетті міне алтын күз!

Мадина: Берекесін сыйлауға,

Өлкемізге күз келді.

Жемістерін жинауға,

Шақырады біздерді.

Айсұлу: Құстар қайтты ән салып

Бұлт торлады аспаңды.

Қыс келеді жар салып,

Күзгі суық басталды.

Жібек: Жайдары күз, жарқын күз,

Аяулы күз, алтын күз.

Мейірлі күз, мырза күз

Сыйлығына ырзамыз.

-Балалар, күз айларын атайықшы. Осы күз айларының мән мағынасы жайлы балалар айтып берсін

Қыркүйек (Ердос) - күздің бірінші айы. Қыркүйекте егін жиналып бітеді, адамдар барлық жеміс- жидектерін жинап, қыс қамын ойлай бастайды.

Қазан (Ерназар) -күздің екінші айы. Күн салқындайды. Құстар жылы жаққа ұшып кетеді. Жаңбыр көп жауады. Кейде алғашқы қар ұшқыны да біліне бастайды. Бұлт қоюланады. Су қатады.

Қараша (Ақзере) - күздің соңғы айы. Бұл айда мал семіреді. Қарашада күн суыйды. Қар түсе бастайды, мұны халық қарашаның қары деп атайды.

-Жақсы, балалар, күз – мереке, күз – береке дейді халық. Осының сыры неде?

Нұрасыл: -Күзді береке дейміз. Өйткені күзде барлық жеміс -жидектер ,егін пісіп , мал семіреді.

Дидар: Күзді-байлық дейміз. Өйткені піскен егін , жеміс-жидектер дүкендерге толады. Молшылық болады.

Ақжан: -Күзді мереке дейміз-адамдар өз еңбегінің жемісін көріп қуанады , мерекелейді.

Иа, балалар, дұрыс айтасыңдар. Күзде барлық жеміс-жидек пісіп, қамбалар астыққа толады. Бізге де сол жемістер мен көкеністер қонаққа келіпті. Қарсы алайық!

Әліби: Асханадан шықпаймын,Атым пияз, бұқпаймын. Көзден жасты шығарам.Тұмаудан бірақ сақтаймын.

Диана: Тал шыбығым бұралып,Бақшаларда қызарыпТұрған ол мен қызанақ Күнге қарап ұялып.

Едіге: Картоп біздің атымызЖер астында жатырмыз Бір тамырдан тараған,Ағайынбыз бәріміз.

Айерке: Өсіретін бойыңдыДамытатын ойыңды Қоянға да азықпыз,Сәбіздерміз жазықсыз.

Еркежан: Пісіп тұрған алмамын,Тамсандырар бал дәмімЖерге сілкіп түсірме Ісіп кетер маңдайым.