Алтын күзі тәрбие сағаты 1 сыныпқа арналған

Танагузова Гульсара Аутжановна

«№ 5 жалпы білім беретін орта мектеп» КММ, Қарағанды қ.

Тәрбие сағатының тақырыбы: Берекелі алтын күз!

Тәрбие сағатының мақсаты: Оқушыларға күзгі табиғаттағы ерекшеліктері туралы түсінік беру.Оқушылардың күз байлықтары: астық,көкөніс,жеміс-жидектер туралы білімдерін кеңейту.Алтын күздің адамға берер пайдасын түсіндіружәне табиғатты сүйюге тәрбиелеу.

Тәрбие сағаттың көрнекіліктері: Күз туралы суреттер мен даналық сөздер, күзгі ағаш, күз көкөністері, жеміс-жидектері, жапырақтар және музыкалық аспаптар.

1. Кіріспе сөз:

Табиғат-күллі тіршілік атаулының құтты қонысы, алтын ұя бесігі, құт берекесі. Осы табиғаттың төрт мезгілінің ерекшелігі мен есте қалатыны қазан айы. Айнала сары түске боялып, сары алтындай жалтырап көздің жауын алары сөзсіз.

-Міне,сары алтындай күзіміздің қуанышты бір күні.Күз айы ерекше берекелі,мерекелі ай.Әрбір үйдің дастарханын дәмге,еліміздің қоймасын дәнге толтыратын Алтын да,жомарт күзімізді жеміс-жидектерімен ортамызға шақырайық.

Амина- Қараңдаршы, бүгін біздің сыныбымыз қандай әдемі болып кеткен.

(Сырттан бір дыбыс естіледі,желдің шуы)

- Балалар, тыңдаңыздаршы бұл не шу?

(Осы кезде әдемі әуенмен Күз ханзадасы келеді)

Күз ханзадасы: Сәлеметсіздер ме, балалар!

Балалар: Сәлеметсіз бе!

Азат:

Уа, халайық, дархан далам армысың,

Табиғатым жаны жайсаң тал мүсін

Ханзадасы күздің бүгін келіп тұр,

Алмақ болып бар халқымның алғысын.

Мен – Күз ханзадасымын. Сендерді көргеніме қуаныштымын.

КӨКӨНІСТЕР (хормен):

Жиналып қаппыз бәріміз,

Қайсымыз ең дәмдіміз?

Ішімізден адамға

Тиеді көп пайдамыз?

(Қызылша)

Мен де бір сөз айтайын

Мақтанайын сіздерге.

Менсіз борщ болмайды

Винегрет те үстелде.

Ақ түсім бар қант алар,

Қызыл түсім бар қанға - нәр.

Зияным жоқ біліп қой -

Қызылшамын, пайдам бар.

(Сәбіз)

Өсіретін бойыңды,

Дамытатын ойыңды,

Қоянға да азықпыз –

Сәбіздерміз жазықсыз

Кім бар сәбіз шырынын

Жастайынан ішпеген?

Мені жеген адамдар

Кем болмайды күшке де!

Көкөністердің пайдалы кеңестері:

Асылхан:Қауын құрамында қант көп.Ол бүйрек,асқазан ауруларына ем.Беттегі безеуді,секпілдерді кетіруге көмектеседі.Ет қайнап жатқанда қауынның қабығын салса жұмсақ болады .

Ислам :Пияз тамаққа ерекше дәм береді.Жұқпалы аурулардың микробын өлтіреді.Сарымсақ пен жуа өкпеге салқын тигенде,жөтелгенде емге қолданылады.

Амина:Аскөк өт жолын,бүйректі тазалайды.Ағзадағы зат алмасуға көмектеседі.