Алтын сақа ұлттық зияткерлік ойыны, балабақшаға

Дүзенова Гүлдана Өмірқызы

№31 «Алтын кілт» балабақшасы

«Алтын сақа»

(Интеллектуалды сайыс)

Мақсаты: Балаларды заман талабына сай әр саладағы білімдерін кеңейте отырып, білім дейгейін байқау.Ұлттық мәдениет құндылықтарын бойларына сіңіре отырып, тұлғалардың тапқырлығын, шеберлігін, танымдық қабілетін айқындау.Сұрақтарға толық жауап беру дағдысын қадағалау.Ойлау қабілетін дамыта отырып, сөйлеу шеберлігін жетілдіру, белсенділігін арттыру.Жарысуға, жарыста жеңімпаз болуға ұмтылдыру.Көшбасшылық қабілетін ояту, білімді, дарынды, озық болуға, алған білімдерін қолдана білуге тәрбиелеу.

Керекті құралдар: алтын сақа тақтасы, тапсырмалар бойынша слайдтар, суреттер, математикаға арналған карточкалар, әуенді музыкалар, құмсағат.

Ұйымдастыру барысы:

- Сәлеметсіздер ме құрметті сайыс қонақтары, балалар !! . Бүгінгі «Алтын сақа» интеллектуалдық сайысына қош келдіңіздер. .Адал еңбек алғыр ой, анық досың біліп қой. «Білімді ұрпақ - ел тірегі»- дегендей бүгінгі «Жауқазын» ересек топ балалары арасындағы білім додасын бастауға рұқсат етіңіздер.

-Балалар біздің сайысымыз ата-салтын дәріптеген ұлт жанды өрендерге арналған.Олай болса уақытты созбай ұшқыр ойлы достарымызбен таныс болайық

Сайысқа қатысушыларды топтарды қарсы алайық.

Білімдері ақылына сай -«Білгірлер» тобы Ұраны: Білімді біздер баламыз,

Білгірлер тобы боламыз

-Көңіл-күйлерің қалай балалар?

-Еліміздің қандай батырларын білеміз?

Келесі тобымыз жүзден жүйрік, мыңнан тұлпар -«Алғырлар» тобы. Ұраны: Жарыс десе жанамыз,

Біздер алғыр баламыз!!

-Балалар сайысқа дайынбыз ба?

-Балалар қандай ертегілерді білеміз?

-Балалар бүгінгі сайысқа мен сендерге көмектесу үшін ертегілердің кейіпкерлерін шақырдым.

Олар біздің ертегідегі ержүрек батырымыз Ертөстік және жеті қат жердің астындағы дыбысты ести алатын Саққұлақ

-Қане бәріміз бірге қарсы алайық

-Қош келдіңдер Ертөстік және Саққұлақ

-Көңіл-күйлерің қалай? Олай болса балалардың жандарына баруларыңызға болады.

Балалар біздің бүгінгі сайысымыз 5 бөлімнен тұрады:І бөлім «Бәйге» (капитандар сайысы)ІІ бөлім «Жеті жұрттың тілін біл» (үш тілде жұмбақтар шешу)ІІІ бөлім «Көкпар» (әріптерге байланысты сөздерді табу)

IV бөлім «Жүзден жүйрік» (математикалық тапсырмалар)

VI бөлім «Жорға » (ертегілерден үзінді)

Ал олай болса Ертөстік, Саққұлақ ортаға келсеңіздер, қазір қай топ ойынды бірінші бастайтынын мына қоржынның ішіндегі алтын асық және жәй асық арқылы білеміз.Алтын асық алған топ ойынды бірінші болып бастайды, ал жәй асықты алған топ ойынды екінші болып жалғастырады.Сайысымызды бастамас бұрын сайыскерлерімізге баға беретін әділқазылар алқасын сайлап алайық әр бір бөлім бойынша балалардың алған ұпай сандарын есептеп отырады.

Жүргізуші:Адам меңгермейтін білім бар ма?Жойқын күшті тындырар күшің барда.Оқы, үйрен, жас ұрпақ, бәрін меңгерАлға қойған мақсатың, ісің барда! – деп сайысымызды бастаймыз.

-Балалар барлықтарыңызға сәттілік тілеймін.

Әр бөлімнің шартымен ойын барысында таныстырып отырамынҚарап тұрмай бәйгіге еріңіз,Шәкірттерге әділ баға беріңіз.Жүзден жүйрік, мыңнан тұлпар шығарар,Бәйге, бәйге, бәйгелерді көріңіз.Бұл бөлімде топ капитандары қойылған сұрақтарға тез және нақты дұрыс жауабын беру керек... .Бұл бөлімде құмсағат арқылы 1 минут ішінде неше сұраққа жауап беретінін анықтаймыз. Сарапшылар назарына әр дұрыс нақты жауап үшін 5 ұпайдан беріледі. Ендеше сендердің білімге деген құштарлықтарыңызды дәлелдейтін «Бәйге» сайысын бастаймыз. Дайынбыз ба?

1. Біз қай Республикада тұрамыз? (Қазақстан Республикасында)2. Бағдаршамның көздерін ата? (Қызыл, сары, жасыл.)3. Бір аптада неше күн бар? (жеті)4. Республикамыздың бас қаласы қалай аталады? (Астана)5. 16 желтоқсан қандай мереке? (Тәуелсіздік алған күн)6. Біз қай қалада тұрамыз? (Қызылорда )

7.Ұлттық ойындарды ата? ( қыз қуу, көкпар, сақина салу, тымпи-тымпи)8. Алма, алмұрт, жүзім, өрік бұлар нелер, қалай аталады? (жеміс - жидектер)9. Қияр,…