Алюминийдің қосылыстары бойынша 10-сынып материалы

Сабақтың тақырыбы: Алюминийдің қосылыстары

Сабақтың мақсаты : 1. Алюминийдің маңызды қосылыстары туралы жан жақты мәлімет бере отырып олардың екі жақты қасиет көрсететін мәнін ашу .

2. Оқушылардың зейінін, танымдық белсенділігін, өзіндік пікірін қалыптастыру, тұлғалық қасиеттерін дамыту.

3.Оқушыларды сабақтың мазмұны бойынша алғырттыққа, өз бетінше, топпен жұмыс жүргізулеріне, ізденімпаздыққа және өзгенің пікірімен санасуға тәрбиелеу.

Күтілетін нәтиже:

Алюминийдің периодтық жүйедегі орны мен атом құрылысын сипаттай алады;

Табиғаттағы қосылыстары мен Қазақстан аумағындағы кен орындарымен танысады;

Қасиеттерін ажырата алады;

Қолданылуы мен басты қосылыстарын біледі;

Тақырыпқа сәйкес тапсырмалар орындай алады;

Түйінді идея:

Асыл тастан шығады,

Ақыл жастан шығады.

Сабақ барысы:

Ұйымдастыру: Көңіл-күй экранын толтыру

Бағалы тастар бейнесімен топқа бөліну:

Аметис

Бұл аңшылықтарда және спорттық жарыстарда сәттілік әкелетін әдемі күлгін түсті тас. Сонымен қатар дау жан-жалдарды реттеп, жүйкені тыныштанды-ратын қасиеті бар деп есептелінеді. Бұл тас түнгі үрейленуден сақтап, тыныш ұйқы әкеледі, кекештікті емдейді. Алтынға қондырылған аметист рухани күш береді және болашақты болжау қабілетін тудырады. Мұндай бұйым-дарды ертеде астрологтар мен көріпкерлер таққан.

Рубин

Латын тілінен аударғанда “rubeus” қызыл дегенді білдіреді. Тастың көне орыс атаулары яхонт және карбонкул. Рубин түсі ашық қызғылт түстен қанық күлгін қызылға дейін түрленеді. Ертедегі сенімдер бойынша ол “өмір тасы” деп аталған. Себебі бұл тас жын шайтандар мен жұқпалы аурулардан қорғайды деп есептеген. Рубинның ең тылсым қасиеті – ұлы істерге бастама жасатуы болып табылады.

Сапфир

Сапфир – ең құнды асыл тас, адалдық, тазалық, кішіпейілдік белгісі. Сонымен қатар білімге құштарлық тудырып, зерделік пен ақылдылықты күшейтеді. Жала мен қызғаныштан қорғайтын, татулық пен ынтымаққа шақыратын қасиеті бар. Жүрек, астма және невралгия ауруына шалдыққан адамдарға сол қолына сапфиры бар жүзік немесе білезік тағып жүруге кеңес беріледі.

Жаңа сабақты меңгеру:

1.Химиялық таңбасы – Al

2.Реттік нөмірі – 13

3. Ar (Al) - 27

4.Период нөмірі - III

5.Топ нөмірі – III

6.Ядро заряды – 13

7.Электрон саны - 13

8.Валенттілігі – 3

9.Протон саны – 13

10.Нейтрон саны – 14

Алюминий кендері Хибин тауларында, Оралда, Сібірде, Қазақстанда Торғайда, Мұғалжарда, Арқалықта көптеп кездеседі.

Алынуы: