Әміре Қашаубаев атындағы кабинет ашылуы туралы мақала

«№8 мектеп-лицей» ШЖҚ МКК

Музыка пәнінің мұғалімі

Сарин Нурбол Айымгазинулы

Әлемді әнмен тербеткен ұлы дала дүлдүлі Әміре Қашаубаев атында кабинет ашылуы

21.02.2025 күні біздің мектебімізде қазақ музыка мәдениетінің көрнекті өкілдерінің бірі, әнші Әміре Қашаубаевтың атындағы арнайы кабинет ашылуына орай маңызды шара өткізілді. Әміре Қашаубаев — қазақтың классикалық ән өнерінің аңызы, оның өнері мен ғажап дауысы халық жадында мәңгі сақталады. Қазақстанның ғана емес, бүкіл дүниежүзіне танымал тұлға болды. Әміре Қашаубаевтың есімдерін ұлықтап, тағылымды мұрасын мәңгілікке сақтау мақсатында ашылып отырған жаңа оқу бөлмелерінің ашылу салтанатына байланысты танымал тұлғалар қонаққа шақырылды.

Қазақстанның еңбек сіңірген қайраткері Құрманбек Қалқатай, Дәстүрлі әнші, "Ерен еңбегі үшін" медалінің иегері, мәдениет саласының үздігі Омаров Берік Құдайбергенұлы,Қазақстан Республикасының еңбек сіңірген қайраткері, «Дарын» мемлекеттік жастар сыйлығының лауреаты, «Құрмет» орденінің иегері Айгүл Қосанова Қазақстан Республикасының еңбек сіңірген қайраткері, Қазақ ұлттық өнер Университетінің доценті, Ә.Қашаубаев атындағы конкурстың лауреаты Гүлмира Сарина,ақын, Төлеген Айбергенов атындағы әдеби жастар сыйлығының лауреаты, Республикалық жыр мүшәйраларының жүлдегері Жұлдызай Ысқақ жүрек жарды тілектерін айтылып,өлеңдер оқылып әндер шырқалды.

Әміре Қашаубаевтың өмірі мен шығармашылығы қазақ өнерінің алтын қорына қосылған орасан байлық.Әміре Қашаубаевтың орындауындағы «Елім-ай», «Ағаштан жасалған бесік» және басқа да көптеген халық әндері қазақ халқының ғасырлар бойғы музыкалық мұрасының жарқын үлгілері ретінде бағаланады. Қазіргі таңда Әміре Қашаубаевтың атындағы кабинет мектеп оқушыларына тек әнші мен музыканттың шығармашылығын ғана танытып қоймай, оларды қазақ өнерінің тарихымен танысуға, қазақтың ұлттық музыкалық мәдениетінің маңызды құрамдас бөліктерін тереңірек меңгеруге мүмкіндік береді.

Бұл кабинет мектептің мәдени өмірін байытып, оқушыларды ұлттық өнеріміздің асыл мұраларымен таныстыруда зор роль атқаратына сенміз. Кабинетте Әміре Қашаубаевтың өмірі мен шығармашылығын көрсететін фотосуреттер, жазбалар, музыкалық шығармаларының жазбалары және оның өнерінің маңыздылығын дәріптейтін түрлі экспонаттар қойылады.

Оқушылар осы кабинет арқылы Әміре Қашаубаевтың музыкалық мұрасын зерттеп, оның әндерін орындау арқылы өнерге деген қызығушылықтарын арттыра алады. Бұл кабинет — қазақтың ұлттық мәдениетін, өнерін құрметтейтін болашақ ұрпақ үшін маңызды орталық болары сөзсіз. Әміре Қашаубаевтың есімі біздің жүрегімізде әрқашан сақталып, қазақ…