Ән-күй үйірмесі қазақ тілі пәнінен сабақ жоспары 3 сынып

Күні: 20.12.2016

Сыныбы: 3 «В,Е»

Сабақтың тақырыбы: Ән-күй үйірмесі

Сабақтың мақсаты:

Білімділік: Оқушылардың білімдерін тақырып бойынша жетілдіру, бос уақытын үнемді жұмсау дағдысын қалыптастыруды жалғастыру; Сыныптан тыс өткізілетін қосымша жұмыстар мен үйірмелерге деген қызығушылықтарын арттыру.

Дамытушылық: Берілген тақырып көлемінде оқушылардың коммуникативтік компетенцияларын, ой-өрістерін, сөздік қорын молайту арқылы, күнделікті және ауыз-екі сөйлеуде пайдалануын дамыту.

Тәрбиелік: Мәтін және берілген тапсырмалар арқылы адамгершілік, ізгілік, парасаттылыққа тәрбиелеу, өнерді сүюге тәрбиелеу.

Сабақтың түрі: жаңа сабақ

Сабақтың әдіс-тәсілдері: сұрақ- жауап, қайталау, баяндау, жазбаша жұмыс, шығармашылық жұмыс.

Сабақтың көрнекіліктері. жаңа сөздер, суреттер.

Сабақтың барысы:

Ұйымдастыру кезеңі

1. Оқушылармен сәлемдесу.

2. Сыныпты түгендеу.

ІІ. Жаңа сабақ:

Оқушылар, бүгінгі сабағымыздың тақырыбы «Ән-күй үйірмесі». Тақырыбымызды бастамас бұрын алдымен мынадай сұрақтарға жауап берейік:

Сен мектепте қандай үйірмеге қатысасың?

Хор мен ән айту үйірмесіне.

Хор құрамында қанша оқушы бар?

20 оқушы, ер балалар хоры.

Үйірмеге қатысушылар нешінші сынып оқушылары?

3-4-сыныптың оқушылары.

Байқауларға қатысасыңдар ма?

Облыстық, қалалық және мектепішілік іс-шараларға өте белсенді қатысып жүрміз.

Үйірмеге нешінші сыныптан бері қатысып жүрсің?

Үшінші сыныптан бастап.

Оқылым тапсырмасы:

1-тапсырма. Мәтін бойынша диалог құрып, сөйлесіңдер.

Ән-күй үйірмесі

Музыка кабинетінде хор сабақтары қызығушылықпен өтеді. Оқушылар хор сабақтарын ұнатады. Репертуарды музыка жетекшісі бағалайды. Хормен өлең айту адамға пайдалы.

Айтылым тапсырмасы: Мәтін бойынша сұрақтарға жауап беріңдер.

Музыка кабинетінде қандай сабақтар өтеді?

Репертуарды кім бағалайды?

Хормен өлең айтудың қандай артықшылығы бар?

Жазылым тапсырмасы:

Сөздік.

құрам – состав

байқау – конкурс

облыстық – областной (-ая)

қалалық – городской (-ая)

бағалау – оценить

қатысушы - участник

2-тапсырма. Сөздерге фонетикалық талдау жаса.

Музыка, қатысушы, құрамы, өлең

3-тапсырма. Сөйлем құрап үйрен.

Ән.

Жақсы ән.

Жақсы ән айтамын.

Байқауда жақсы ән айтамын.

Күй.

Тамаша күй.

Тамаша күй шертемін.

Үйірмеде тамаша күй шертемін.

ІІІ. Білімді бекіту. Оқушылардың жаңа тақырып бойынша алған білімдерін тексеру мақсатында бірнеше сұрақтар қойылады.

«Үйірме» дегенді қалай түсінеміз?

Үйірменің маңызы қандай?

IV. Бағалау. Сабаққа белсене қатысқан оқушылар бағаланады.

V. Үйге тапсырма. 4-тапсырма. Сөйлем құрап үйрен.