Ана өмірімнің шуағы тақырыбындағы тәрбие сағаты

БҚО Теректі ауданы Подстепный ЖОББМ

Бастауыш сынып мұғалімі

Жунусова Шолпан Тыныштыбаевна

Тәрбие сағаты

05.03.21ж

Тақырыбы: Анам өмірімнің шуағы.

Мақсаты:

Оқушыларды мейірімділікке , аналардың өлшеусіз еңбегін бағалай

білуге үйрету. Анасын сүю арқылы еліне , жеріне деген сүіспеншілігін

арттыру.Дүниедегі жақсылық атаулының бәрі күннің нұрынан , ананың

мейірімінен тарайтынын ұғындыру.

Ана тілінен оқып үйренген өлең ,тақпақтарын мәнерлеп айтуға

машықтандыру,сөз қадірін түсінуге тәрбиелеу.

Көрнекілігі:Сынып мерекеге сай әсем безендірілген. Шарлар, слайд.

Барысы: Ұйымдастыру бөліміМұғалім: Адам бойындағы жақсы қасиет күннің нұрынан, ананың ақ сүтінен жаралған.Сондықтан құрметті аяулы аналар, асыл әжелер бүгінгі «Анам өмірімнің шуағы» атты мерекелік сынып сағаты аналарыңның құрметіне арналады.

«Ана» деген кім ? топтастыру

кішіпейіл мейірімді бауырмал

сыпайы Ана кешірімді

әдепті жақсы жанашыр

1. Көктемдегі мерекелерді ата? 8-наурыз, 22-наурыз 14 –наурыз 1-мамыр, 9-мамыр

2. Бесік жыры өлеңін кім жазды? (М.Жұмабаев)

3. Көктемде ең алғаш шығатын гүл? (Бәйшешек)

4 Анаң сені қалай еркелетеді?

5 . Анаңның сүйікті тағамы?

6 Мақалды жалғастыр...

Ана сүтін ақтамағанды.......

Ешкім мақтамайды.

Кәусар

Ана, Ана, Ана! Не деген мейірлі, не деген шапағатты сөз еді. Осынау үш әріптен құралған қасиетті сөздің түбінде ұлы сезім жатыр десеңізші! Сезім мен қасиетті, бар махаббат пен шапағатты сыйдырып тұрған ұлы ана сезімін қадірлемейтін жан бар ма екен өмірде?! Жақсылық атаулының барлығы да ананың сүтімен жаралған.

Салидат Ардақты ана сөзі: Әнуарбек Дүйсенбиев

Ардақты ана, аяулы ана, қымбаттым,

Тәтті ұйқыңды бөліп талай түн қаттың.

Өміріме нәрін берді ақ сүтің,

Кең құшағың – аясындай гүл – бақтың

Мен өзіңмен қайда болсам біргемін,

Махаббатым жүрегімде жүр менің.

Күн нұрындай – жадырай бір күлгенің

Қандай жақсы ортамызда жүргенің!

Ер жеткізіп, елге берген баласын,

Ақылдысың, ардақтысың, данасың.

Қарайтыным қас – қабағың бір сенің

Қайратыңнан қайта көрме, анашым!

Назира

Наурыз мейрам жүректерге нұр сепкен

Маңдайымнан сүйіп жатыр нұр көктем

Жарығыңмен, шуағыңмен күн –Ана,

Алып келдің жер бетіне гүл көктем

Аягөз

Ана -жарық сыйлаған жан екенсің,

Ана шуақ шашатын таң екенсің,

Ана өмір, ана бақыт, ана жүрек,

Деп соққан жүрегімнің әні екенсің.

Бейбарыс АнамаАсыл анам, нұр шашқандай келбетің,Сенсіз басып жүре алам ба жер бетін?Бір қолыңмен балаң жатқан бесікті,Бір қолыңмен ұлы әлемді тербеттің