Ана өмірдің шуағы тәрбие сағаты 2 сыныпқа арналған

Тақырыбы: « Ана-өмірдің шуағы» Мақсаты: а)Ананың балаға деген махаббатының шексіздігі, оның арман-тілегі туралы түсіндіру ә)Отбасындағы ана мен бала арасындағы қарым- қатынасты нығайту, оқушының шығармашылық ойын, тіл байлығын, сөздік қорын дамыту, балалардың аналарға деген сүйіспеншілік сезімін ояту б)Ана еңбегін ардақтап, құрметтеуге тәрбиелеу. Көрнекілік: Ана туралы нақыл сөздер,оқушылардың аналарына жасаған сыйлықтары.. Сабақтың барысы: 1-жүргізуші: Армысыздар, аналар, ұстаздар, ! Міне, жыл аралатып көктемнің алғашқы күндерімен келетін 8-наурыз Халықаралық әйелдер күні де келіп жетті. Жер бетіндегі тіршіліктің өзегін келешекке жалғаған, өсер ұрпағына құндақтағы шағынан ізгіліктің дәнін еккен аналар мерекесі Сіздерге әрқашан сыр бермес денсаулық, өмірдің шапағатын тілейміз. Бұл күні өздеріңізге бағытталған тілектер періштенің құлағына шалынсын. Әрдайым мейірім шуағын шашып жүре беріңіздер.

Ана әрбір адамның жарық дүниедегі ең жақыны, жанашыры, қадірлісі, қамқоршысы, ақ сүтін емізіп аялаған, жанын да аямаған ардақтысы. Мен ана деген сөзді қанша айтсам да жалықпаймын. Өйткені ол дүниедегі ең ардақты жан. Ана баланы тоғыз ай көтеріп, толғатып, дүниеге келтіріп қана қоймайды, оны көзінің қарашығындай қорғап, аялап өсіріп аяғынан тік тұрғызады. Өмір есігін жаңа ашқан баланың бойына елінің рухын сіңіретін, жылауын қойғызатын ана. Ана баланың амандығын бақытты, абыройлы болуын тілейді. Бойымыздағы ең жақсы қасиеттер бізге алдымен анадан тарайды. Қайран ана, өз перзентін әдемі не ұсқынсыз, ақылды не ақымақ, мейірімді не рақымсыз, кесір-қырсық болса да бәрібір шексіз сүйеді. Дүниеде ананың көз жасынан салмақты, одан ауыр таразы басын басатын ештеңе жоқ. Өйткені ананың көз жасы өзінің киесімен ауыр. Алайда «Ананың көңілі-балада, баланың көңілі -далада» демекші, өзінің перзентік борышын ұмытқан, сөйтіп ата-анасын сыйламайтын адамдарды да өмірден кездестіруге болады. Ана- тіршіліктің гүлі, отбасының берекесі, бүкіл адамзаттың тәрбиешісі. Анасы жоқ балалар да аз емес. Олар ананың мейірімін, аялағанын ешқашан сезген емес. Ендеше, анамызды сыйлап, құрметтейікші достар!

 Ең асыл жан кім?  Қызығыңды да, бұзығыңды да көтеретін кім?

 Үнемі жаныңда періштедей қорғаштап, демеу беретін кім?  Аналарың сендерді қалай еркелетеді?  Өзің анаңды қалай жақсы көресің?  Ұстаз аналарды қалай қадірлейсіңдер?

Оқушылардың өлеі шумақтарына назар аударайық Өркен Ардақты ана, аяулы ана, қымбаттым, Тәтті ұйқыңды бөліп талай түн қаттың. Өміріме нәрін берді ақ сүтің, Кең құшағың аясындай гүл бақтың. Ер жеткізіп елге берген баласын, Ақылдысың, ардақтысың, данасың! Қарайтыным қас-қабағың бір сенің, Қайратыңнан қайта көрме, анашым.

Ләзина Анам менің, асылым, лағыл әнім, Кең кеудеңе гүл болып тағыламын, Жұлдызындай көгінде жағыламын. Алыс кетсем аңсаймын сағынамын, Анам менің, асылым, лағыл әнім. Би :Итібай Еркемай Мұғалім: Қазірет пайғамбарға бір адам келіп: -Мен бір зор күнә істедім. Енді мен үшін тәубе ету мүмкін бе?-деп сұрайды. Сонда пайғамбар: -Анаң бар ма? -деп сұрайды. -Бар,-дейді әлгі адам. -Онда анаңа қызмет көрсет,-деген екен пайғамбар. Олай болса шәкірттеріңіздің аналар жайлы өлең шумақтарын тыңдайық. (Арнау өлеңдер оқылады).

Ләзина Дүниедегі ең кемеңгер дананы Ана тауып, аялайды, бағады. Сол үшін де құдіретіне бас иіп, Құрметтейік қасиетті ананы. . . Әлемнің жарығын, Сыйладың сен маған. Даланың әр гүлін, Жинадың сен маған.