Аналарға сыйлаймыз ертеңгілігінің ойындар жинағы

«Аналарға сыйлаймыз» атты

8 наурыз аналар күніне арналған ертеңгілігі

Музыка залы мерекеге сай безендірілген. Аналар өздерінің балапандарын асыға күтуде. Алғашқы сөзге тәрбиешілер шығады. Музыка.

Тәрбиеші: Қош келдіңіздер! Аяулы әжелер, аналар, қызғалдақ қыздар, қадірлі тәрбиешілер! Олар өмірдің гүлі, көңілдің жыры, әр отбасының алтын діңгегі. Бүгінгі «Аналарға сыйлаймыз» атты ертеңгілігіміз сіздерге арналады.

Тәрбиеші: Той тойлап дала мен қалаларым,

Мерекең құтты болсын аналарым!

Қара көз, абзал ана мерекесін,

Құттықтауға келе жатыр балаларың.

Ортаға балаларды құттықтауларымен қарсы алайық.

Ұлдар мен қыздар кезекпен шығады. Би соңында 5 бала тақпақ айтады.

Тақпақтар:

Дайлина

Үн қатасын бал тілмен,

Еркелеймін әр күн мен.

Құттықтаймын анашым,

Сегізінші наурызбен.

Альтаир

Ана әнмен тербетеді,

Күйге бөлеп жаныңды.

Көңіліңді сергітеді

Балбыратып тәніңді.

Аружан

Әр сөзімді жаттаған,

Жүрегімде сақтаған.

Анашым деп мақтанам,

Айналайын ақ мамам!

Жалғас

Анам менің қымбатты,

Анам менің сымбатты.

Бізге деген ісімен,

Таң ағарып, күн батты.

Айша

Бүгін Наурыздың сегізі

Сұлулықтың егізі

Әдемі сөз адамның

Анаға айтар лебізі.

Ән: «Анашым анам» балалардың орындауында.

Музыка ырғағымен орындарына отырады.

Тәрбиеші: Бүгінгі мереке аналардың мерекесі, ұлдарымыз үйде аналарына көмектеседі ме?

Балалар: Иә

Олай болса ойын ойнайық және ұлдардың пысықтығын байқайық. Кәнекей, ортаға шығайық.

Ойын: «Анамызға көмек»

Ойын шарты: ұлдардың қолдарына күрек беріледі, қоқысты кезекпен барып шелектерге жинау керек.

Ойын соңында Қуыршақ шығады.

Қуыршақ: Қандай ұқыпты балалар, сендердей көмекшілер барда ештеңеден де қорқуға болмайды екен.

Сәлеметсіздер ме!

Тәрбиеші мен Балалар: Сәлеметсіз бе!

Қуыршақ: Мені танып тұрсыздар ғой?

Балалар: Иә.

Қуыршақ: Мен қуыршақ Барбимін. Олай болса келіңдер қуыршақтарым биге кезек берейік.

Би: «Қуыршақтар»

Тәрбиеші: Ана деп жыр жырласақ, Ана деп ән айтсақ, Аналардың анасы ақ жаулықты әжелерімізді де құрметтейміз.

Тақпақтар:

Диара

Апам мені айым дейді,

Мен мұңайсам уайым жейді.

Апам мені күнім дейді,

Мен қуансам күлімдейді.

Арнұр

Жақсы көреді әжелерін,

Ойыншықтар да әпереді.

Балабақшаға да әкеледі,

Жақсы қандай әжелері.

Ниара

Әже деген көп шығар,

Әжемдей менің жоқ шығар.

Мейірімді ол кісі,

Қандай ғажап күлкісі.

Айым

Менің әжем, ақ әжем,

Ұл мен қыздың бағы әжем.

Ертегі айтып бер десең,

Айтып берер тағы әжем.

Айина

Әжем өрнек тереді,

Сырмақ сырып оюлап.

Басы ауыра береді,

Шай ішпесе қоюлап.

Айнара

Әжемдей данадан

Ертекке қанамын.

Шақырса даладан

Жүгіріп барамын.

Т.Амир

Аналарды сүйеміз,

Ақылын ойға түйеміз.

Әжені де ардақтап,

Әдеппен бас иеміз.

Ән: «Әжемнің шәйі» балалардың орындауында.

Тентек бала келеді.

Тентек бала: Қандай керемет ән десеңші? /қыздарға қарай келе жатады. Қуыршақ Барби ортаға тұрып алады/

Барби: Жо-жо-жоқ. Сен қыздарға бұл күні ештеңе айтып бұйыра алмайсың, бүгін мына біздердің мерекеміз ғой.

Тентек бала: Қайдағы мереке осы бітпейтін а? /Қуыршаққа қарайды/