Ақтөбедегі руханият мұражайына саяхат туралы материал

Ақтөбе қаласындағы «Руханият» мұражайына саяхат.

Ақтөбе қаласы,№4 « Көктем» бөбекжай бақшасы

Айтжанова Гульнар Амангельдиевна

тәрбиеші

Мақсаты: балаларға мұражайы туралы мәлімет беру,көне жәдігерлерімізді жас ұрпаққа көрсету, дәріптеу. Балалардың Отанға, еліне, жеріне деген сүйіспеншіліктерін арттыру, патриоттыққа тәрбиелеу.

Балаларға оқу қызметінен тыс уақытта патриоттық тәрбие беру мақсатында ата-аналармен бірлескен «Руханият» мұражайына саяхат ұйымдастырдым.

Ақтөбе облыстық «Руханият» мұражайы 2011жылдың 8 желтоқсанында Қазақстан Республикасы Тәуелсіздігінің 20 жылдығы қарсаңында ашылды.«Руханият» музейінің экспозициясы Орталық «Нұр Ғасыр» мешітінің төменгі қабатында орналасқан.Музей қазақ халқының әдет-ғұрпы, салт-дәстүрімен байланысу ерекшеліктерін көрсете отырып, халықтың мәдени және рухани жағынан жетілуіне мүмкіндік береді.Музейдің мәдени құндылықтары барлық келушілердің қызығушылығын тудырады. Музей қорында Ислам діни сенімінің негізі болып есептелетін Құранның ХІХ- ХХ ғасырлардағы Қазан баспасынан шығарылған үлгілері, қолжазбалар мен заманауи түрлері, шариғат, тафсир, хадис кітаптары, теріден, матадан, ағаштан, күмістен, мыс пен темірден жасалған ислам дінінің негіздерін түсіндіретін түрлі заттар орын алған.Сонымен қоса музей экспозициясынан жергілікті қолөнер шеберлерінің қолынан шыққан түрлі заттардың көшірмелерін, атап айтқанда Мұхаммед пайғамбардың хаттары мен шежіресін, ағаш тақтайшаларға ойып жазылған Құран аяттары мен сүрелерін, Бекет атаның Көк асасын және әр түрлі мешіттердің макеттерін көруіңізге болады. Әшекейленіп асыл тастармен безендірілген құмандар мен таспихтар, Қасиетті Қағбаның макеті көрермен назарына ұсынылға