Ақтөбелік қаламгер Тахауи Ахтанов туралы танымдық материал

Ақтөбелік шоқ жұлдыз- Тахауи Ахтанов

​ ​ ​ ​ Ақтөбе облысы, Шалқар ауданының топырағында аунап өскен қаламгер әрі көркем шығарманың майталманының есімі-Тахауи Ахтанов.1923 жылы туылып 70 жылдан астам уақыт өмір сүрген жерлесіміздің аты ардақтауға әбден лайық. Жас жазушының өмірі, яғни студенттік шағы екінші дүниежүзілік соғыспен тұспа-тұс келді. Қаламгеріміз қаламын әлде де шыңдау үшін, білім мен ғылым іздеп Алматы қаласындағы алғашқы жоғарғы оқу орны Абай атындағы Қазақ Ұлттық педагогикалық университетінің филология факультетіне оқуға түседі. Тахауи ілім алып ізденісте болуды жаны сүйсе де, ел басына күн туған сәтте нағыз елдің баласы екендігін дәлелдеп екінші курс оқып жүрген сәтінде өз қалауымен, бар өжеттігін бойына жиып майдан алаңына аттанып кетеді.

​ ​ ​ Соғыс жылдарында өз күш жігерін майданға арнап, ойдағыдай міндетін атқарып келгеннен кейін көркем әдебиетпен айналысып, жазушылық жолын дамытуға кірісіп кетеді. «Шығармашылық» атты ұлы таудың ұшар басына шығу үшін әр түрлі тақырыпта романдар, әңгімелер, повестер мен очерктерді жаза бастады. Алғашқы романы «Қаһарлы күндер» атымен елге 1956 жылы танымал болды. Ұлы Отан соғыс жылдарын негізге ала отырып жазған бұл романның басты көрінісі Мәскеу түбіндегі шайқас. Мақсаттары бір жауынгерлердің ерлігі мен ел үшін жанын отқа тастауға әзір батыл командирлердің қызметін шынайы баяндап әрі дәлелдеген. Оған қоса, генерал Панфиловтың бастауымен Отанды жаудан қорғау үшін жанын саудалаған дивизияның күш біріктіре жасаған амалдарын суреттеген болатын. Бұл романнан кейін жазушының шабыты, сарқырап аққан сарқырамадай таси жөнелді.1960 жылы​ «Махаббат мұңы»,1968 жылы «Көкқұтан»,1971 жылғы «Үндістан хикаясы» секілді шығармаларымен оқырмандардың көңілінен шыға бастады.

​ ​ ​ Жазушының өмірбаянынан сыр шерткен сәтте, алғаш жарық көрген туындысы «Күй аңызы» жөнінде сөз қозғамай кету мүмкін емес. Аңыз адамның ең алғашқы аңыз әңгімесі арқылы Естемес атты күйші әрі тағдырына ыза болған жанның өмірін баяндайды. Ахтановтың бұл әңгімесінде бой көрсеткен Естемес, оның шәкірті Оразымбет және мінезді қыз Жаңылды сипаттап, бейнелеуінде сөз жоқ. Бұл жас жазушының өнер мен жазу әлеміне басқан қадамының нық екендігін айқындайды.