Ақылды ұлдар мен қыздар мектепке дейінгі балаларға

«Ақылды ұлдар мен қыздар»

Мақсаты: Ойын арқылы балалардың ой-өрісін, тілін дамыту. Өз ойларын толық айта білуге үйрету. Көкөністермен жемістерді ажырата білуге баулу. Сұрақтарға толық жауап беруге дағдыландыру.

Қолданылатын көрнекі –құралдар: Бейне таспадан слайд, жемістермен көкөністердің суреттері, күз мезгілдерінің суреттері.

Шаттық шеңбері: Армысың шапағатты Алтын Күн!

Армысың қайрымды Көк Аспан!

Армысың мейрімді Жер Ана!

Армысыңдар кең пейілді достарым.

Балалар бүгін біз ерекше қызықты оқу іс-әрекетін өткелі отырмыз. Сондықтан бізге көптеген қонақтар келіп отыр. Қанекей олай болса қонақтармен де амандасайық.

Сәлеметсіздер ме? «Қарлығаш» тобына қош келдіңіздер!

Ғажайып сәт: Осы кезде есік қағылып тосыннан бір қонақ кіріп келеді.

Сәлеметсіндер ме, балалар , мен сендерге бүгін білгіштер бекетінен қонаққа келдім. Менің атым

Білгішбек. Мен сендерге көптеген тапсырмалар ала келдім,сол тапсырмалар арқылы мен сендердің білімдерің мен тәртіптеріңді байқаймын.

Тәрбиеші: Қош келдіңіз Білгішбек сізбен танысқанымызға қуаныштымыз төрлетіңіз. Мен сіздің алып келген тапсырмаларыңызбен таныстырайын. Ал балалар тапсырмаларды мұқият тыңдайық. Білгішбектің алып келген тапсырмалары төрт бөлімнен тұрады екен.

Бірінші бөлім: «Ұшқыр ой» тапсырмасы сұрақ-жауаптар, және жұмбақтар шешу.

Екіші бөлім: «Құпия сандық» тапсырмасы «Не екенін тап».

Үшінші бөлім: «Білгенге маржан» тапсырмасы күз мезгілі туралы тақпақтар айту.

Төртінші бөлім: «Ойлан тап» тапсырмасы «Қайсы қайда өседі?» ойыны.

Бесінші бөлім: қорытынды.

Балалар сендер Білгішбектің тапсырмаларын орындай аласыңда ма?

Олай болса екі топқа бөлініп, жарыса отырып Білгішбектің тапсырмаларын орындайық.

Сендер келісесіңдер ме? Мен сендердің топқа бөлінулеріңе көмектесейін.

Менің оң жағымдағы балалар бірінші топ, ал сол жағымдағы балалар екінші топ болсын.

Бірінші тобымызды «Тұлпар» тобы.

Екінші тобымызды «Сұңқар» тобы –деп ат қояйық.

Білгішбек : балалар седер әрбір тапсырманы толық орындау арқылы,өз қоржындарыңа мынадай жұлдызшалар жинайсыңдар. Осы жұлдызшаларды қайсы топ көп жинаған болса, сол топ жеңіске жетті деп есептейміз.Ескерту тәртіпті бұзбай, қол көтеріп, орнымыздан тұрып жауап береміз.Қайсы топ тәттіпті бұзса сол топтың жұлдызшаларын азайтамыз.

Тәрбиеші: ал балалар олай болса өз топтарымыздың топ басшысын сайлап алайық.

Тұлпар тобының топ басшысы: Балқыбек Ақбаян.

Сұңқар тобының топ басшысы: Құдияр Жарқынай.

Қане енді топбасшылырымыз өз топтарын таныстырып, ұрандарын айтсын.

Б. Ақбаян : біздің тобымыздың аты «Тұлпар» тобы,

Ұранымыз: Асау тұлпар жидей ескен дарынды,

Оқу менен еңбекке сал барыңды.

Қ.Жарқынай: біздің тобымыздың аты «Сұңқар» тобы,

Ұранымыз: Білім алып, бүгін алтын ұяда,

Ертең әлі шарқыраймыз қияға.

Тәрбиеші: тамаша балалар жарайысыңдар мен сендерге сәттілік тілеймін.

Бірінші тапсырма: Қазыр жылдың қай мезгілі?

Күз мезгілінің айларын атаңдар.

Күз мезгілінде табиғатымызда қандай өзгерістер болады?