Қыздар арасындағы сайыс бағдарламасы, мектепке дейінгі топ

Ақтөбе Облысы

Шалқар ауданы

«Қарлығаш»мектепке дейінгі балалар мекемесі

Тәрбиеші:Бекмурзина Гульнара Жаксылыковна

«Ал,қанекей қыздар-ай»

Мақсаты: Балалардың аналар мерекесіне орай ұйымдастырылған сайыс арқылы қыз балалардың білімін шындау.Топ болып сайсуға үйрету.Аналарына деген сүйіспеншіліктерін арттыру.Ұйымшылдық пен ауызбіршілікпен сайысуға тәрбиелеу.

Залға балалар ән әуенмен кіреді.

Құрметті асыл аналар,қыз-қызғалдақтар,қадірлі балабақша қызметкерлері,сіздерді ү-наурыз аналар мерекесімен құттықтаймыз!

Көктем.Көптен күткен ұлы көктем!Мейрімімен,шуағымен суықтан тонған бізді өз құшағына алып,шапағатын шашар көктем-ана бұл.Жуанның жіңішкеріп,жіңішкенің үзілейін деп тұрған кезінде әл беретін,нәр беретін көктем ару!Көктемдей құлпырған –деп қыз балаларға айтылатын асыл сөз тегінен шыққан жоқ.Иә,қыздар көктемнің әні мен сәні,көктемнің гүлі-көктем аруы!

Бүгінгі біздің сайысымыз осы көктем аруларына арналады.Ал,олай болса ,құрметті қауым көптен бері асыға күтіп жүрген «Ал,қанекей қыздар-ай»атты сайысымызды бастауға рұқсат етіңіздер.

Жүргізуші: Мың бұралған арулар аңдап басып, Келді міне ортаға толқып-тасып. Аруларын сыйлаған халқым менің, Көңілді қошаметпен қарсы алайық-дей отыра «Бәйшешек»тобының аруларын ортамызға шақырамыз.

Ду қол шапалақпен «Қызғалдақ »тобының аруларын шақырайық.

Әділқазы береді, Өздеріңе билікті. Өнерде кім жеңеді, Алады сол сыйлықты,- деп ең алдымен сіздерді әділ-қазылар алқасымен таныстырып өтейік

1 Балабақша меңгерушісі:Сүлеменова Амангүл Шабадынқызы

2 Балабақша әдіскері :Талипова Гүлім Шамшәқызы

3 Ата ана:

Жүргізуші:

Қайсы әнші, кім биші,Талабына қарайықКімдер зерек, кім жылдам,Таланттарын табайық!- деп өнер сүйер қауым бүгінгі сайыстың шарттарымен таныстырып өтейін.

Сайыс шарттары: 1 Тобымды менің сұрасаң . ( таныстыру.) 2 Кім ойға жүйрік(мақал-мәтелді жалғастыру)

Сұрақ қа жауап беру

3 Өнерлі өрге жүзер» (Өз өнерлерін көрсету)

4. Менің анамның жұмысқа дайындығы.

5 Театр бізде қонақта.(театр кейіпкерлерінің ойыншықтарын алып келіп ,солар туралы мағлұмат беру.)

Ақыл - көрік бойларында жетеді,Әлі талай сынақтардан өтедіМына отырған баршаңызды өзіменТез арада таныстырып өтеді - деп сайысымыздың бірінші бөлімі «Тобымды менің сұрасаң...» деп аталады. Сайысқа қатысушыларымыз өздерін таныстырып өтеді.

І-бөлімнің әділ бағасын сұрайық.

Қатысушыларымыз екінші кезеңге дайын болғанша балаларымыздың «Ақ мамам»әнін қабыл алыңыздар.

Екінші бөлім:Кім ойға жүйрік

Қоржыннан қыздарымыз бір қағаздан алады,оның ішінде біреуі мақал,екіншісі сұрақ.Мақалдың мен басын айтамын,аруларымыз жалғасын табады.Екінші сұрақтарға өздері жауап береді.

1.Мейірімділікті анадан үйрен,

Әдептілікті данадан үйрен.

2.Әке асқар тау,

Ана мөлдір бұлақ.

3.Ананың көңілі балада,

Баланың көңілі далада.

4.Гүл өссе жердің көркі,

Ел өссе елдің көркі.

5.Ана жақсылығын ауырсаң білесің,

Қайын жақсылығын қыдырсаң білесің

6.Әке ер,

Ана жігер,

Бір үйде екі кеменгер.

7.Баланың білегі ауырса,

Ананың жүрегі ауырады.

8.Бақыттың басы- баладан,

Баланың нәрі- анадан.

9.Ұл өссе-ұрпақ,

Қыз өссе –ырыс.

10.Астың дәмін тұз келтірер,

Ауыл сәнін қыз келтірер.

2)Сұрақ-жауап

1Дүниедегі ең тәтті не?

Дүниедегі ең жұмсақ не?

3 Қазір жылдың қай мезгілі?

4 Көктем мезгілінің айларын атап бер?

5 Қ.Р президенті кім?

6Қ.Р рәміздерін ата ?

7Табиғат нешеге бөлнінеді?

8 Көктен түседі,Жер ішеді. (Жаңбыр)

9 Гүл-гүл жайнап жер, аспан,Гүрілдейді сайда өзен.Гүлжазира жарасқанГүлдерімен қай кезен? (Көктем)

10Бес алманың үшеуін

Досың сұрап алады

Айтшы сонда нешеуі

Өз қолыңда қалады.

Жүргізуші:Екінші бөлімнің әділ бағасын беріңіздер.

ІІІ-кезең

Ал кімнің өнері бар қаншалықты,Би - билеп, ал біреуі ән салыптыБүгінгі сайыста бәйге алуғаСайыскерлер аянбай жан салыпты,- деп өнер сайысына кезек береміз.