Арайлы алтын күз іс-шарасы, 9 сынып

Арайлы алтын күз

1-жүргізуші: Армысыздар, қымбатты ханымдар мен мырзалар.

2- жүргізуші: Қайырлы күн, ұлағатты ұстаздар, ата –аналар, жалынды да, жігерлі жас достарым мен қонақтар.

Кездескен соң күзімен

Бұтағынан үзілген

Ақ жапырақ – сары алтын

Айналаның бәрі алтын .

Берекелі де, мерекелі алтын күз мерекелеріңіз құтты болсын.

1-жүргізуші:

Қош келдіңіз көрермен,

«Күзгі бал» сын-кешіне

Отырыңыз қол соғып,

Шат күлкіге бөлене.

Көбейді құт-береке,

Астық толы қоймамыз

Құтты болсын мереке,

«Алтын күзді» тойлаймыз.

2- жүргізуші:

Алтын күз біз бен сізге шуақ шашсын,

Көңілді серіппелі күйін ашсын.

Бақ пенен шаттық бірге қатар қонып,

Береке бірлікпенен ортақтассын.

1-жүргізуші:

Уа, халайық, халайық.

Мұнда назар салайық!

Мерекесі халықтың

Алтын күзге арналған

Кешімізді бастайық.

2- жүргізуші:

Ал енді бүгінгі «Арайлы алтын күз» кешінің сұлу, сүйкімді жас ханшайымдар мен салмақты да сымбатты ханзадаларымызды қошеметпен ортаға шақырайық.

Күз келіп, хан мен ханшайым

Өткізді күзгі бал айын

Ханшайым тапқыр қыз болды,

Ағызар сөйлеп сөз майын

Ал ханымыз ақылды,

Барша жұртты шақырды

Би де билеп, ән айтты,

Қуаныштан шалқыды.

1-Жүргізуші:

Әділ қазы, ақ қазыға бір сәлем

Әділдікке бас иеді күллі әлем

Жүйрік озар сайыстарда неше бір

Сарапқа сал, әділдікпен шеше біл деп, бүгінгі әділ – қазылар алқасымен таныс болыңыздар.

2- жүргізуші: Бүгінгі «Алтын күз»! мерекесінің бағдарламасымен таныс болыңыздар. Бағдарламада:

1. Таныстыру

2. Өнерлі өрге жүзер (ән немесе би)

3. Көркем сөз (Мәнерлеп оқу)

4. Актёрлық шеберлік (КВН немесе көрініс)

5. Күзгі сән үлгісі

6. Күзгі экибана

1-Жүргізуші:

1.Таныстыру

Ендеше, құрметті көрермендер қатысушыларымызға сәттілік тілей отырып, «Арайлы алтын күз» атты сайысымыздың бірінші бөлімді таныстыруға кезек берейік. Қол соғып қошеметтеп қарсы алыңыздар, біздің сұлу да сүйкімді ханшайымдарымыз бен салмақты да сымбатты ханзадаларымыз өздерін таныстырсын. (қатысушыларға сөз беріледі)

Ортаға 8- сынып ханшайымы мен ханзадасын шақырамыз.

Ортаға 9- сынып ханшайымы мен ханзадасын шақырамыз.

Ортаға 10- сынып ханшайымы мен ханзадасын шақырамыз.

2- жүргізуші:

2.Өнерлі өрге жүзер /ән немесе би/

Ал кімнің өнері бар қаншалықты,