Арайлы күз, алтын күз ертеңгілігіне сценарий

«Арайлы күз,алтын күз»

Мақсаты: Балаларды күз жыл мезгілімен? Оның ерекшелігтерімен таныстыру. Мерекеге сай баланың көңіл күйін көтеру.Күз келбетін сезіну, әсер алу қабілеттерін жетілдіру. Жұмбақ жасыру, өлең орындау, би билеу арқылы балалрдың сөйлеу қабілеттерін дамыту. Жақсылыққа, достықа бір-біріне бауырмалдық көрсете білуге тәрбилеу.

Балалар залға музыканың сүйемелдеуімен кіреді де жартылай шеңбер жасап тұрады.

Жүргізуші:Армысыздар халайық,

Бармысыздар халайық

Күзгі тойды, жұп жазбай

Келіңіздер қарсы алайық.

Сәлеметсіздер ме құрметті қонақтар,ата-аналар,әріптестер.Бүгінгі «Ақ көгершін»тобының,«Арайлы күз,алтын күз»атты мерекесіне қош келдіңіздер.Ел байлығын арттырған берекелі де мерекелі күз мерекесі құтты болсын.

-Балалар мінеки күз мезгілі де келіп жетті

-Айтыңдаршы балалар күз мезгіліне қандай айлар жатады екен?(қыркүйек,қазан,қараша)

-Ал күзде қандай өзгерістер болып жатыр екен?

(жаңбыр жауады,жапырықтар сарғайып түседі,жылы кимімізді киеміз,құстар жылы жаққа ұшып кетеді.)

Жарайсыңдар балалар.

Ендеше балалар күз туралы тақпақтарымызды айтып жіберейік

1 бала(Айханым) Күздің қазан айында

Алма,алмұрт піседі

Жапырақтар сарғайып

Сылдырлайды түседі

2 бала(Томирис) Келді міне,алтын күз

Сары шашты жарқын күз

Мол өнімді жинайтын

Алтын,алтын,алтын күз

3 бала(Темірлан)Алқаптан бидайды

Қоймаға ел жинайды

Тырнасы тізілген

Ұнатам күзді мен

4 бала(Аянұр) Жайдарлы күз жарқын күз

Арайлы күз,алтын күз

Дәнге толы кең далам

Дариядай шалқып күз

5 бала(Айсұлу) Алтын,сары,қызыл,көк

Алуан,алуан жапырақ

Күзгі бақта күлімдеп

Көз тартады атырап

6 бала(Ерсұлтан)Көктемде егін егетін

Күзде жинап беретін

Біздің далабай дала

Алтын астық айнала

7 бала (Еркеназ): Қуантып біздерді

Мерекелі күз келді

Кел,жемісті алтын күз

Кемелденсін халқымыз

8 бала(Раййан) Жапырақтар сарғайып

Күн бұлтты болады

Жаңбыр жиі жауады

Құстар ұшып барады

9 бала(Инабат) Күзім,күзім,күзім

Пісті алма,жүзім

Тұрғанда бәрін күз беріп

Кел алайық біз теріп.

10 бала(Нұрасыл) Жемісі мол теретін

Күз дос екен бізбенен

Бәрін тауып беретін

Жомарт екен күз деген

Жақсы,жарайсыңдар балалар

Жүргізуші:Жомарт күздің біздерге

Берерін алып,шашпайық

Алтын күз тойын сіздерге

Өлеңменен бастайық

Ән:«Күз Жомарт»

Жүргізуші: Жақсы балаларЖарайсыңдар !Балалар тыңдаңдаршы,бір дыбыс естіледі.Тыңдаңдаршы Бұл ненің дыбысы?(жаңбыр),Тағы да шу естіп тұрсыңдар ма(жапырақ)(Осы кезде әдемі әуенмен күз ханшайымы келеді )

Күз ханшайымы:Сәлеметсіздер ме балалар!

Балалар:Сәлеметсіз бе !

Күз ханшайымы:Уа,халайық,дархан далам Армысың!

Табиғатым,жаны жайсаң тал мүсін.

Ханшайымы күздің бүгін келіп тұр,

Алмақшы боп бар халқының алғысын.

Мен-Күз Ханшайымымын,сіздерді көргеніме қуаныштымын.

Жүргізуші: Қымбатты Күз ханшайымы Қощ келдіңіз!Біздің балалар өте өнерлі.Сіз жайланып отырып,балалардың өнерін тамашалаңыз.

Балалар сендер қандай ертегілер білесіңдер?

Балалар:Бауырсақ,Үш аю,Шалқан ертегілері.

Жүргізуші: Ендеше Шалқан ертегісін сахналап көрейік.

Ерте,ерте,ертеді ата мен апа болыпты.Атасы есігінің алдына шалқан егіпті.

Күннің ыстық сәулесімен шалқан үлкен болып өсіпті.

Темірлан(ата):Шалқаным үлкен болып өсіпті ғой.

Жүргізуші: Осылай ата шалқанды әрі тартады,бері тартады шалқанды жұла алмайды.

Сөйтіп көмекке кімді шақырады екен балалар?

Балалар:Апасын

Темірлан(ата):Апа,апа кел көмекке

Томирис(апа):Кел тартсақ тартайық

Жүргізуші:Осылайша апа,атаның артынан ұстап әрі тартады,бері тартады шалқанды жұла алмапты.

Сөйтіп апа көмекке кімді шақырады екен балалар?

Балалар:Немересін

Томирис(апа):Немерем,немерем бізге көмекке келші.

Еркеназ(немересі):Жарайды апа көмектесейін.

Жүргізуші:Осылайша немересі,апасының артынан ұстап әрі тартады,бері тартады шалқанды жұла алмапты.

Сөйтіп көмекке кімді шақырады екен балалар?

Балалар:Күшігін

Еркеназ(немересі):Күшігім,күшігім көмекке келші

Күшік:(Берік):Аф,аф,аф көмектесейін

Жүргізуші:Осылайша күшігі немересің, артынан ұстап әрі тартады,бері тартады шалқанды жұла алмапты.

Сөйтіп күшігі көмекке кімді шақырады екен балалар?

Балалар:Мысығын

Күшік(Берік):Мысық,мысық бізге көмекке келші.

Мысық(Раййан):Мяу,мяу,мяу көмектесейін

Жүргізуші:Осылайша мысық,күшіктің артынан ұстап әрі тартады,бері тартады шалқанды жұла алмапты.

Сөйтіп мысығы көмекке кімді шақырады екен балалар?

Балалар:Тышқанды

Мысық(Раййан):тышқан кел көмекке

Тышқан(Жандаулет):Пи,пи,пи әрине көмектесіп жіберем

Жүргізуші:Барлығы бірге ары тартады ,береді бері тартады шалқанды жұлып алады.