Алтын күз ертеңгілігіне арналған сценарий, балабақша

Жүргізуші: Береке бақ дарыған, Жомарт көңіл, жарқын жүз. Сары алтынға малынған, Жетті міне, алтын күз!

Олай болса Ақбота II кіші тобының балаларын қарсы алайық!

(Балалар ән ырғағымен залға кіріп, шеңбер бойынша тұрады. Баланың қолында жапырақ атрибуты болады)

Жүргізуші: Балалар, қош келдіңдер! Қане, айналамызға қарайықшы, қандай әсем безендірілген көзіңнің жауын алады! Балалар маған айтыңдаршы қазір жылдың қай мезгілі

Балалар: Күз мезгілі!

Жүргізуші: Өте дұрыс айтасыңдар қазір жылдың Күз мезгілі! Яғни, айналаның барлығы сары бояуға боялды, күн суытты иа? Олай болса, балалар, бүгін бізде қандай мейрам? Балалар: Күз мейрамы!

Жүргізуші: Балалар күз мезгілінде жапырақтар сарғайып жерге түсе бастайды. Қолындағы жапырақтардың түсі қандай? Ал сендердің қолдарыңда күзгі жапырақтар бар екен мына отырған қонақтарға жапырақтар туралы әндеріңді айтып беріңдерші.

Балаларды жарты шеңберге тұрғызу

Ән «Жапырақтар»

Әннен кейін жапырақтарын жерге тастайды да орындарына отырады.

Жүргізуші: Балалар енді мен сендермен ойын ойнағым келіп тұр кім ойынға шығады?

Ойын: «Жапырақ жинау»

Ойынға: Рамина, Гүлдана, Ясмина Р., Ж.Ясмина, Адия қатысады.

Жүргізуші: Өте жақсы балалар сендер сондай жылдам екенсіңдер, енді қане орнымызға жайғасып әдемі отырсақ! Балалар біз Күз мерекесіне келдік қой олай болса Күз мезгілі жайлы тақпақтарымызды айтып берсек! Біздің Ақбота тобының балалары ұлы ақын –жазушыларымыздың тақпақтарын жаттап келіпті. Ұлы ақын Абай Құнанбаевтың Күз өлеңін оқып беруге ортаға Айдай қызымызды шақырсақ!

Айдай: Сұр бұлт түсі суық қаптайды аспан,

Күз болып дымқыл тұман жерді басқан.

Білмеймін тоңғаныма, тойғаныма,

Жылқы ойнап, бие қашқан, тай жарысқан!

Жүргізуші: Сәкен Сейфуллинің Күз өлеңін оқып беруге ортаға Аяла қызымызды шақырсақ!

Аяла: Алтын Күз бірде шуақ, бірде салқын,

Жер мен көк жалтыраған сап-сары алтын.

Ағашта жапырақтар сылдырлайды,

Төгілген алтын теңге сансыз жалқын!

Жүргізуші: Тұман Молдағалиевтің өлеңін оқып беруге Кәусар қызымызды шақырасақ!

Кәусар: Сап – сары соныменен келді міне,

Ағаштардан жапырақтар төгілді.

Несібесін жинап жатыр ел міне,

Ауыл маңы бұрынғыдан көңілді!

Жүргізуші: Жарайсыңдар балалар, сендер өте ақылды балалар екенсіңдер!

Музыка ырғағымен Маша келеді

Маша: Сәлем достар! Мен сендермен Алтын күз мерекесін бірге қарсы алайын деп келдім.

(Балалар отырады, тарсылдаған жаңбырдың дауысы естіледі)

Жүргізуші: Ой, балалар! Естіп тұрсыңдар ма? Жаңбыр жауайын деп тұр. (жаңбырдың даусы естіледі)

Жүргізуші:Жаңбыр, жаумай тоқтай тұр, Дабылыңды соқпай тұр. Маша: Менің қолшатырым қайда? Жауын жауса су болып қаламын ғой.

Жүргізуші: Маша, сен абыржымай тұра тұр қазір біздің балалар саған өз өнерлерін көрсетіп жаңбыр жайлы ән айтып берсем дейді.

Балаларды жарты шеңберге тұрғызу

Ән: «Жаңбыр»

Маша : Рахмет, балалар! Қандай әдемі ән! Сендер жаңбырдан қорықпайсыңдар ма?

Балалар: Жоқ!

Маша: Аяқтарың су болып қалады деп қорықпайсыңдар ма?

Балалар: Жоқ!

Маша : Қалай сендер барлықтарың батылсыңдар?

Жүргізуші: Міне, біз қандай батылмыз! Келіңдер балалар біз жаңбырдан қалай қорғанатынымызды көрсетейік.

(қолшатырды жазып, балаларды астытына тығылуға шакырады)

Маша :Сеңдердің ойнағыларын келе ме? Олай болса ойнайық

Ойын: «Қолшатыр» ( Барлық балалармен бірге )

Жүргізуші балалармен:Жаңбыр, жаңбыр, жау, жаңбыр! Жаңбыр келіп жауадыТамшылары тамады.

(Әннің ырғағымен балалар жүгіріп ойнайды)

Жүргізуші: Маша өзің көріп тұрғандай біздің балалар өте өнерлі ән айтып тақпақ айтып, енді саған бір би билеп берсем дейді.

Би «Қолшатыр»

Маша :Балалар, сендер барлығын жылдам және шапшаң екенсіңдер және өте өнерлі екенсіңдер! Балалар менің аздап көңіл күйім түсіп тұрғаны.

Жүргізуші: Неге не болып қалды?

Маша: Балалар мен сендерге асығып келе жатқанымда қуыршағымды жоғалтып алдым. Енді сол қуыршағымды таба алмай жүрген жайым бар.

Жүргізуші: Балалар біз Машаға қуыршағын тауып беруге көмектесміз бе?

Балалар: Әрине көмектесеміз! Біздің топта кішкентай сүйкімді қыз бізге көмектесін дейді. Ол бізге саған Маша қуыршақ туралы ән айтып берсем дейді.