Аралар мен құмырсқалар қоғамдық бунақденелілер

Өзін- өзі тану пәнімен интеграцияланған биология сабағының жоспары

Мектеп: М.Горький атындағы орта мектеп Мерзімі: 18.02.2017ж

Тақырыбы:Аралар мен құмырсқалар- қоғамдық бунақденелілер

Құндылығы: Дұрыс әрекет

Қасиеттер:Жауапкершілік, еңбексүйгіштік,қанағатшылдық;

Мұғалім: биология пәнінің мұғалімі: Молдабекова Н.Д.

Өзін- өзі тану пәнінің мұғалімі: Мамреева Г.Н.

7 сынып:

Сабақтың мақсаты: Құмырсқалар мен аралар тіршілігі мен отбасын құру ерекшеліктері және мінез- құлықтары мен түсінігі жайлы мәлімет бере отырып, дұрыс әрекет құндылығының мәнін ұғындыру;

Міндеттері:

Оқушылардың тақырыпқа байланысты қызығушылықтарын ізденушілікке бағытталған тапсырмалар беру арқылы арттыру;

Оқушылардың бойында жауапкершілік, еңбексүйгіштік, қанағатшылдық қасиеттерін дамыту;

Олардың табиғаттағы және адам өміріндегі маңызы жайлы, өмірдегі пайдалы жақтарын білуге және тіршілік иесін қорғай білуге тәрбиелеу;

Сабақ барысы:

Ұйымдастыру кезеңі. Оқуышларды түгендеу. Топтастыру «Аралар», «Құмырсқалар» суреттер арқылы.

5 Т-ні еске түсіру

Тыныштық сәті: «Ойша орманға саяхат» Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңы

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Үй тапсырмасын тексеру: «Миға шабуыл»

Бунақденелілердің қанша түрі бар?

Бунақденелілерді зерттейтін ғылым?

Бунақденелілердің қанша отряды бар?

Бунақденелілердің адам өмірінде қандай маңызы бар?

Ересек жәндіктер қалай аталады?

Сөзжұмбақ

Құрт- құмырсқа, қоңыз, аралар т.б.қандай денелілерге жатады? (Бунақденелілер)

Шала түрленіп дамудың бірінші сатысы қалай аталады? (Жұмыртқа)

Құмырсқаларды зерттейтін ғылым? (Мирмекология)

Құмырсқаның көбею мүшесіне не қатысады? (Аталық)

Ауыз апараты қалай аталады? (Кеміргіш)