Арманын өлеңіне өрнек еткен тұлға туралы мақала

Арманын өлеңіне өрнек еткен...

Ақындық әркімге беріле бермейтін ,табиғаттың ерекше берген сыйы. Жүрегінен шыққан сөз асылдарына өлең жолдарынан орын беріп, ойы мен сезімін жыр шумақтарында айшықтаған ерекше дарын иесіне тән қасиет.

Осындай ерекше талантқа ие болған Түркістан облысы, Ордабасы ауданы А.Шерімқұлов атындағы жалпы орта мектебінің оқушысы ,дарынды, ұшқыр ойлы, шабыт иесі Таңсықбаева Феруза Нұрланқызы . Феруза өлең жазуды 6-сынып оқып жүрген кезінен жанына серік етті. Сол кезден бастап аудандық , мектепішілік байқауларға қатысып өзінің шынайы талантын байқата бастады. Ұлы ақын Абайдың ,өрен талант Мұқағалидың шығармаларын үлгі тұта отырып, өлеңге,өзіне қоятын талап пен талғамы биіктей берді. Поэзия мен прозаны жанына жақын тұтқан Ферузаны аққанат армандары өнер айдынына еріксіз жетелей берді.

Бүгінде сөзге, ойға жүйрік Феруза жаңа заманға лайықты жыр жолдарымен ,ерекше сөз саптауларымен республикалық, облыстық, халықаралық байқауларға қатысып биік белестерді бағындырып жүр. Атап айтар болсам, «Мөлдір бұлақ» республикалық журналының редакторы Саят Қамшыгердің ұйымдастыруымен өткен Республикалық жас ақындар байқауына қатысып ІІ орынды және байқау дипломымен марапатталып, «Мөлдір бұлақ » журналының тілшісі куәлігіне ие болды. Қырғыстандық «Кырчын»журналының ұйымдастыруымен өткен «Ынтымақ-бұзылмайтын қорғаным!» атты халықаралық шығармалар байқауында ақындық жаныры бойынша І орынды және байқау кубогын жеңіп алды. Ферузаның ақындық жолда ең табысты болған байқауы өзі үлгі тұтқан, күллі қазақтың жүрегінен орын тапқан Абайға арнауы облыстық « Абай оқуларында» «үздік» деп танылып, Шығыс Қазақстан облысы Абай ауданы Жиделібайда, ақын ауылында өтетін республикалық байқауға жолдаманы қанжығасына байлауы болды. Ферузаның қуанышында шек болмады. Әрине, мыңмен жалғыз алысқан , «Қалың елім, қазағым, қайран жұртым» деп жырлап өткен қазақтың біртуар ақыны Абай ауылына барып, көзбен көріп, жақын танысу бақыты бұйырғаны Феруза үшін зор мүмкіндік еді.,

Тәуелсіз еліміздің талантты жас ақыны, мектебіміздің мақтанышы болған Ферузаның қазіргі таңдағы асыл арманы өткір тілді, ұшқыр ойлы,халықтың жүрегінен жол табатын журналист болу,Ферузаның аққанат армадарының орындалып, елінің мақтанышы болуын шын жүректен тілеймін.