Арыстан мен тышқан ертегісіне арналған конспект

Шағын орталық тобының ұйымдастырылған оқу қызметінің конспектісі

Өткізу күні: 07.11.2018 ж

Тәрбиеші: Сеилова А.А

Білім беру саласы: Коммуникация

Пән: Драма

Өтпелі тақырып: «Дұрыс тамақтану. Дәрумендер»

Топ: ересек топ

Тақырып: Арыстан мен тышқан

Мақсаттары:

Тәрбиелік: Арыстан мен тышқанның айырмашылығын айту.Ертегіні әрекет арқылы сомдау.

Дамытушылық:. «Арыстан мен тышқан» ертегісінің мазмұнымен таныстыру, ертегіні оқып беру, тіл байлықтарын молайту,қызығушылықтарын арттыру, ойлау қабілеттерін дамыту. Арыстан мен тышқанның айырмашылығын айту.

Оқыту: Арыстан мен тышқан» ертегісінің мазмұнымен таныстыру, ертегіні оқып беру, тіл байлықтарын молайту, қызығушылықтарын арттыру, ойлау қабілеттірін дамыту

Педогогикалық технологиялар: ойын технологиясы

Ресурстармен қамтамасыз ету: суреттер, атрибуттар, үлгілер,

Билингвалдық компонент: арыстан-лев, тышқан-мышка.

Ұйымдастырылған оқу қызметінің барысы:

Ұйымдастырушылық кезеңі:

Шаттық шеңбері: Балаларды ертеңгісін көніл күйлерін көтеретін, ұйқыдан оятатын, бойларын сергітетін өте көңілді әнмен шаттық шеңбері жасалады.

Көк Тудың желбірегені

Жаныма қуат береді.

Таласқа түссе жан мен Ту,

Жан емес, маган керегі-

Көк Тудың желбірегені.

Негізгі бөлім: -Бүгінгі іс – әрекетімізде«Арыстан мен тышқан» атты латыш ертегісімен танысамыз. Ертегі өте қызықты екен.

Жалпы мазмұнын айта кету.

Ертегіні оқып беру.

Ерте ерте ертеде орман патшасы арыстан тоғайдың қалың беделінде ұйықтап жатады. Бір тышқан ойнақтап, үстінен жорғалап жүргенін сезіпті. Арыстан ұйқысынан ызаланып оянып, тышқанды ұстап алып, өлтірмекші болғанда тышқан жалбарынып: - Тақсыр, мені өлтірмеңізші, бір жолға кешіре көріңіз. Бір күні мен де бір қызметіңізге жарармын, - депті. Арыстан оның сөзіне күліп: - Сен өзің кішкентай бір тышқансың, менің қандай қызметіме жарамақсың,- деп жаны ашып, тышқанды қоя беріпті. Тышқан байғұс қуанып, «арыстан досым»,- деп, жүгіріп ойнап кете беріпті. Күндердің күнінде арыстан жортып ойнап жүріп, аңшылардың құрған тұзағына түсіп қалыпты. Шарқ ұрып тыпырлап, ақырып-бақырып жатса да тұзақтан құтыла алмапты. Сол жерден өтіп бара жатқан тышқан арыстанның бұл халін көріп, қасына келіп қарап тұрса, сонда арыстан тышқанға қарап: - Лажың бар ма бұған қылар? – депті. Тышқан дереу тістерімен тұзақтың жіптерін кеміріп қиып кеп жіберіп, арыстанды тұзақтан құтқарыпты. Тышқан арыстанға: - Мені кішкентайсың,- деп…