Ас атасы – нан тақырыбындағы балабақша конспектісі

№ 30 Ересек «Балдырған»тобының ұйымдастырылған оқу қызметінің конспектісі.

Күні: 08.04.2020

Тәрбиеші: Тоқбаева Қ.Б.

Білім беру саласы: «Таным» Жаратылыстану

Тақырыбы: «Ас атасы нан»

Мақсаты:

Тәрбиелік: Үлкендердің еңбегін бағалауға, қасиетті нан тағамын қастерлеуге тәрбиелеу. Балаларды еңбекқорлыққа, ұқыптылыққа баулу.

Дамытушылық: Оқу іс-әрекет кезінде жүйелі сөйлеу, терең ойлау зейін аудара білу қабілеттерін дамыту. Өлең,мақал-мәтелдер арқылы шығармашылық қабілеттерін арттыру, тіл байлықтарын жетілдіру.

Оқыту: «Ас атасы – нан» деген мақалдың мағынасын түсіндіру. Балаларға нанды қастерлеу керектігін түсіндіре келе, диқаншылар еңбегімен таныстыру. Нанның адам еңбегімен келетінін, оған көп күш жұмсалатынын түсіндіру.

Көрнекіліктер:Нанның түрлері, комбайн, диірменнің көріністерінен слайд, әр балаға иленген қамыр.

Сөздік жұмыс:Наубайхана, диірменші, қауыз, диқан.

Алдын ала атқарылатын жұмыс:Нан жайлы өлең, мақалдар жаттау, «Нан қайдан шығады?» тақырыбына әңгіме жүргізу.

Билингвальды компонент:Бидай – пшеница-wheat,таба нан –хлеб-bread, ұн-мука-flour, тұз-соль-salt, ашытқы-дрожжи-yeast, су-вода-water.

Әдіс-тәсілдері:түсіндіру,әңгімелеу.

Педагогикалық технологиялар: Ойын технологиясы, Акт, ойындар,

Ұйымдастырылған оқу қызметінің барысы:

Ұйымдастырушылық кезен:

Жұмбақ жасыру.

Алтын сары тоны бар

Қауызында дәні бар. (Бидай)

Асты тас, үсті тас,

Ортасында піскен ас. (Нан)

Негізгі бөлім:

Неліктен біз нанды «Ас атасы – нан» деп айтамыз?

Қазақта «Ас атасы – нан» деген сөз бар, яғни, астың, дәмнің үлкені нан. Бала ақ пен қараның ажыратып, танимай тұрып-ақ, оған оң қолына нан ұстауды, нанды баспауды, жерге тастамауды үйретеді. Нан қасиетті. Адам кез-келген тамақты екі күн жесе, ол қанша нәрлі болғанымен, сол тамақтан жалығады. Бірақ, адам баласы наннан өмір бойы шықпайды. Нан- сән салтанаттың асыл діңгегі.

Слайдпен жұмыс.

-Балалар бірінші суреттен нені көріп тұрмыз? Балалар көктемде бұл тракторлар жерді жыртып, оны тырмалап, жерге мынадай бидай дәнін себеді.

-Екінші суретте нені көріп отырсыңдар? Егінді орып жүрген комбайн, ол бидайды орып, тазартып, көлікке салып береді.

-Үшінші суретте нені көріп отырсыңдар? Диірменнен ұн тартылып жатыр.

-Төртінші суретте нені байқап отырсыңдар? Ұннан наубайханада әртүрлі нандар пісіріп шығарады, оны дүкендерге, балабақшаларға жібереді.