Ас атасы нан тақырыбындағы ашық сабақ жоспары

Күні:

Өтпелі тақырып: «Біз еңбекқор баламыз»

Білім беру саласы: Әлеумет. Коммуникация.

Ұйымдастырылған оқу қызметінің түрі: Қоршаған ортамен таныстыру. Сөйлеуді дамыту. Драма.

Тақырыбы: «Ас атасы - нан»

Мақсаты: Балаларға нан туралы білім беру. Балалардың нан туралы түсінігін ертегі арқылы жеткізе отырып, өлеңнің мазмұнын айтып беруге жаттықтыру, Балалардың сөздік қорын молайту, тілін шығармашылық қабілеттерін дамыта отырып, үлкендердің еңбегін ардақтап, бағалай білуге тәрбиелеу және нанның дастарханға қандай еңбекпен келетінін түсіндіру.

Керекті көрнекі құралдар: Көктемгі ағаш

жапырақтары,кароналар,суреттер, ведио ролик.

Билингвальді компонент: нан-хлеб, бауырсақ- колобок,

Мотивациялық қозғаушылық

Шаттық шеңбері:

Қуан шаттан алақай,

Қуанатын күн бүгін.

Қайырлы таң балалар,

Қайырлы таң апайлар!

-Жарайсыңдар, балалар!

-Ойын ойнағыларын келе ме? Ендеше ойнынымызды бастамас бұрын екі топқа бөлініп алайық. Үстел үстіндегі нандарды алыңдар да сол бойынша топқа бөлініп отырыңдар

1 топ. Ақ нан

2 топ Қара нан

Д/о: «Сиқырлы жапырақтар».

-Балалар, мына ортадағы ағашқа қараңдаршы, мынадай ағаш бейнесі жылдың қай мезгілінде болады?

Бұл ағаштың жапырақтары жай жапырақ емес, сиқырлы жапырақ. Жапырақтың астында сұрақтар берілген,Екі топ кезекпен шығып жапырақ алып сол жапырақтағы сұрақтарға дұрыс жауап берсе сол топ бір ұпай жинайды,яғни ағаш сендерге жапырағын сыйлайды.

-Қане, кім жапырақ алғысы келеді?

1.Бүгін аптаның қай күні?

2.Қазір жылдың қай мезгілі?

3.Көктем мезгілінде неше айы бар?

4.Бір жылда неше мезгіл бар?

5.Көктем мезгілінің ерекшелігін ата?

6.Көктем мезгілі туралы тақпақ кім біледі?

-Жарайсыңдар, балалар сиқырлы жапырақтың сұрағына толық жауап бердіңдер.

Олай болса балалар мен сендерге жұмбақ жасырамын, шешуін кім табады?

Ұзын мұртты сарылар,

Қойынында дәні бар. (бидай)

Ал, енді біз не көріп отырмыз? Ұн, макарон, нан түрлері (батон, тәтті бөлке) Міне балалар ұннан түрлі тағамдардың жасалғанын көріп отырмыз. Ендеще осы нанның дастарханға келгенге дейінгі жолдарын айтып берейін. Диқандар көктемде жерге бидай тұқымын себеді. Оны жаз бойы суарып, күтіп баптайды. Күз болған соң жайқалып піскен бидайды комбайнмен жинайды. Одан соң диірменші ұн етіп тартып, қапқа қаптайды. Қапталған ұнды наубайханаға жібереді. Наубайшылар ұннан түрлі тағамдар нан, бауырсақ, бәліш пісіреді. Дайын болған тағамдарды дүкенге жібереді. Мұның бәрі адамдардың еңбегі. Нан-адамның тіршілік қорегі, дастарханға үлкен еңбекпен келеді. Сондықтан дастарханға зор еңбекпен келген нан тағамдарын қастерлеуіміз керек.Нанды жерге тастауға,аяқпен басуға болмайды.