Ашу дұшпан, ақыл дос тақырыбына 4-сынып ашық сабақ

Өзін-өзі тану пәні

«Ашу – дұшпан, ақыл – дос»

Латипова Гүлбану Әбдіқадірқызы

Қызылорда облысы, Қазалы қаласы

Ғ.Мұратбаев атындағы №17 орта мектеп мұғалімі

Тақырыбы: Ашу – дұшпан, ақыл – дос.

Құндылық: Ішкі тыныштық

Қасиеттері: Сыпайылық, ашуланбау, ой тыныштығы, шыдамдылық.

Сабақ түрі: Аралас сабақ

Сабақ әдісі: Сұрақ-жауап, әңгімелесу, баяндау

Мақсаты: Оқушылар «ұстамдылық», «сабырлық» адами қасиеттер туралы түсініктерін кеңейтеді.

-Ұстамдылық, сабырлылық, ақылдылықтың мәнін түсінеді.

-Өзара жағымды қарым-қатынас жасау іскерліктерін дамытады.

-Ұстамдылыққа, сабырлылыққа тәрбиеленеді.

Ресурстар: (мәліметтер, дәйек сөздер), (суреттер, үнтаспа)

Сабақтың барысы:

І. Ұйымдастыру кезеңі.

5Т-ережесі

1.Тәртіп

2.Талап

3.Тыныштық

4.Тазалық

5.Татулық

-Балалар ережені есімізге түсіріп, сыныптық тәртібін сақтап, оқып-білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті. «Мейрімділік алаңы»

Ыңғайланып отырыңдар, денелеріңізді түзу ұстаңыздар. Аяқ-қолдарыңызды айқастырмаңыздар, қолдарыңызды тізеге немесе үстелге қоюға болады. Көздеріңізді жұмуларыңызды өтінемін.

-Мен сендерді сиқырлы саяхатқа шақырамын. Біз бүгін мейрімділік алаңына саяхаттаймыз. Елестетіңіздерші сендер сиқырлы мейрімділік алаңына келе жатырсыңдар. Жарқырап күн сәулесі күлімдеп тұр. Тап-таза ауа. Алаңнан неше түрлі әсем үйлер көрінеді. «Қуаныш үйі», «Бақыт үйі», «Шуақты үйі», «Нәзік үйі», «Ғажайып үйі». Өздеріңе ұнаған үйге кіріңіздер. Өзімізге керекті қасиеттерді алып шығамыз. Барлығымыз сиқырлы алаңда кездестік. Мұндағы адамдарда өте мейрімді, әдепті, сабырлы. Олар бірін-бірі көргенде өте қуанышты, бір-біріне жақсы сөздер айтады.

Біз де іштей мен сабырлы боламын, айналама қуаныш сыйлаймын, адамдарға мейріммен қараймын деп іштей қайталайық.

Осындай жақсы көңіл-күймен сыныпқа ораламыз.

үнтаспа

ІІ. Үй тапсырмасын тексеру.

Ғ.Жұмабаевтың «Бізге ашық күн керек» өлеңін жатқа сұрау.

слайд

ІІІ.Әңгімелесу

Тақырыптың мәнін ашу үшін сұрақтар қойып, әңгімелесу жүргізу.

› Балалар, өлеңдегі «Жеңдіріп біз ашуды,

Ақылға әркез келеміз»,-

дегенде нені түсінесіздер?

› Сендердің ашуланған кездерің болды ма?

Не себепті ашуландыңыздар?

› Сол уақытта қандай күйде болдыңдар?

› Сол күйден шығу үшін қандай жолды іздестірдіңдер?

› «Ашу – дұшпан, ақыл – дос» деген мақалды қалай түсінесіңдер?

(Оқушылардың жауабын тыңдау, ойларын түйіндеу)

ІV. Дәйексөз

Ақыл – адам көрігі, ақылдық сабыр серігі

М.Әуезов

›Дәйексөздің мағынасын қалай түсінесіздер?

›Сабырлы болудың адам өміріндегі маңызы қандай?

›Ішкі тыныштықты қалай орнатуға болады?

(Дәйексөзді балалардың ойымен келісе отырып, өз ойымен қорытындылаймын)

-Ашуды жеңудің ең тиімді жодары-ақылға салу, сабыр сақтау, ұстамды болу. Ақылды, кішіпейіл, әділ, батыл, қайырымды, мейірімді адамдарда ішкі тыныштық қалыптасады. Ашуын ақылына жеңдіреді. Сондықтанда М.Әуезов «Ақыл – адам көрігі, ақылдық сабыр серігі»,-деп дұрыс айтқан.

слайд

V. Мәтінмен жұмыс

(Оқушыларға сабақ тақырыбының мәнін түсіндіру мақсатында әңгімелеу ұйымдастырады).

Сурет

Ж.Дәуренбеков

Мұғалім апай бәріне үй тапсырмасын берді.

-Қалаған суреттеріңді салып келіңдер,-деді

Азамат үйге келгесін түрлі түсті бояғыш қаламдарын алып ақ қағазға сурет салуға кірісті. Әуелі ауладағы үйшігінің алдында шуақтап жатқан Бөрібасарды салып көрді. Онысын үшінші сыныпта оқитын ағасы Саматқа көрсетіп еді, ол сәл таңғала қарады да:

-Ұқсамайды!-деді бірден.

Азамат енді бояу қаламымен терезе түбінде қыт-қыттап жрген әтешті салды. Өзін сарала етіп, айдарын қып-қызыл қып бояды. «Мұндай әтеш болмайды!»-деп Самат тағы да басын шайқады.

Азамат әбден абдырады. Сосын ойланып – ойланып, төрдегі портретіне қарап әжесіне салды.

Мұны көрген Саматтың ішек-сілесі қатып күлген-ай:

-Әжемнің түріне қара! Құбыжық қой мынауың?!-Ыза болған Азамат жыларманға келді. Ренжіп даладағы сәкі үстінде домбыра шертіп отырған атасына барып шығынды. Не салса да Саматтың мазақтай беретінін айтты.

Атасы шертуін доғарып, сақалын сипап ойға қалғандай болды да:

-Әзкентай, қағазыңды бері әкелші,-деді. Азамат аппақ қағазды астына қатты мұқабалы кітабын төсеп алдына қойды. Атасы тамырлары білем-білем, буындары шоранған добалдай саусақтарын жайып. Ақ қағаздың бетіне салды.

-Енді менің алақанымды сызып шықшы,-деді атасы.

Азамат бояу қаламын тарбиған әр саусақтың арасымен жүргізе отырып сызып шықты.

Атасы алақанын көтеріп еді, ой ғажап-ай, ақ қағаз бетінде үп-үлкен алақан пайда болыпты.

Азамат таңқала қарады, қуанып кетті. Жүгіріп Саматқа барып көрсетті.

-Міне, атамның алақаны,-деді.

Самат үндемей қалды. Ертеңіне апайы да мақтады.