Ашу-дұшпан, ақыл-дос тақырыбындағы сабақ жоспары, 4 сынып

Өзін-өзі тану сабағының жоспары.

Бекітемін; Мерзімі № 11 сабақ

Тақырып: Ашу-дұшпан,ақыл-дос.

Құндылық: Дұрыс әрекет

Қасиеттер: Сабырлылық,ақылдылық,шыдамдылық.

Сынып 4

Сабақтың мақсаты: Оқушылардың «сабырлылық», «ұстамдылық»адами қасиеттер туралы түсініктерін кеңейту.

Сабақтың міндеттері:

Білімділік: ұстамдылық,сабырлылық,ақылдыдылқтың мәнін түсіндіру;

Дамытушылық; өзара жағымды қарым-қатынас жасау іскерліктерін дамыту;

Тәрбиелік:ұстамдылыққа ,сабырлылыққа тәрбиелеу;

Сабақ барысы:

Ұйымдастыру сәті. Сәлемдесі «5 Т»ережесін еске түсіру. Тыныштық сәті.

Жайлы, баяу музыка қойылады.

Нұрға бөлену

Денемізді тік ұстап, орындықта еркін отырамыз.Көзімізді жұмамыз.Көз алдарыңда көк шалғынды дала. Жұмсақ самал есіп тұр.Аспанда күн нұрын ерекше төгіп, сенің маңдайыңнан өтіп жүрегіңе құйылды. Нұрға бөленген жүрегің жаңа ашылған гүлдей сүйіспеншілік қауызын ашады. Сүйіспеншілікке толы жүректен күннің нұры сенің аяғыңа түседі.Сенің аяғың тек жақсы жерлермен ғана жүру үшін.Аяғыңнан күннің нұры қолыңа барды, тек жақсыны ғана ұстау үшін. Күннің нұры қолыңнан аузыңа барды, жақсыны ғана айту үшін. Аузыңнан күннің нұры құлағыңа барды, тек жақсыны сөз есту үшін. Күннің нұры құлағыңа барды, тек жақсыны көру үшін. Сенің бүкіл тұла бойың сүйіспеншілік нұрына бөленді. Сен осы сүйіспеншіліктеріңді досыңа жібер. Ата - анаңа жібер.Сен сол сүйіспеншілік нұрын туған-туыстарыңа жібер.Барлық мектептегі таныстарыңа жібер.Айналаң сүйіспеншілік нұрына бөленіп тұр. Біздің бөлмеде нұрға бөленіп сүйіспеншілікке толды. Көзімізді ептеп ашайық.

Ресурстар:

( кітап,дәптер, сюжетті суреттер,ноутбук)

1.Үй тапсырмасын тексеру.

«Жеңдіріп біз ашуды

Ақылға әр кез келеміз», - дегенді қалай түсіндіңдер?

Сендердің ашуланған кездерің болды ма? Не себепті ашуландыңдар?

Сол кезде қандай күйде болдыңдар? «Ашу - дүшпан, ақыл - дос» деген мақалды қалай түсінесіңдер?

2. Дәйексөз.

Ақыл - адам көрігі, ақылдың сабыр серігі.

М. Әуезов

/Қыздар 1 рет қайталайды,Ұлдар 1 рет қайталайды/

- Ақыл-адам көркі деген сөздің мағнасы қандай?

- Ақылды неге сабырдың серігі дейді?

- Ақылды адам қандай болады деп ойлайсыңдар?

- Өздерің ақылды,сабырлы болу дегенді қалай түсінесіңдер?

3.Әңгімелеу-сұғбат;мұғалім сыйы

Сурет

Ж.Дәуренбеков

Мұғалім апай бәріне үй тапсырмасын берді. - Қалаған суреттеріңді салып келіңдер, - деді. Азамат үйге келгесін түрлі түсті бояғыш қаламдарын алып, ақ қағазға сурет салуға кірісті. Әуелі ауладағы үйшігінің алдында шуақтап жатқан Бөрібасарды салып көрді. Онысын үшінші сыныпта оқитын ағасы Саматқа көрсетіп еді, ол сәл таңғала қарады да:

- Ұқсамайды! - деді бірден.

Азамат енді бояу қаламымен терезе түбінде қыт-қыттап жүрген әтешті салды. Өзін сарала етіп, айдарын қып-қызыл қып бояды. «Мұндай әтеш болмайды!» - деп Самат тағы да басын шайқады.

Азамат әбден абдырады. Сосын ойланып-ойланып отырып, төрдегі портретіне қарап әжесін салды.

Мұны көрген Саматтың ішек-сілесі қатып күлге-ні-ай: