Асыл сөз авторлық бағдарламасы 3-сыныпқа арналған

«Асыл сөз»

«Асыл сөз» арнаулы курс бағдарламасы бастауыш сыныпқа арналып негізделген. Баланың шығармашылық шеберлігін дамытуға арналған. Қазақтың асыл сөздерін жақсы меңгеріп, мәнерлеп оқуға және баланың бойына асыл – қасиет, озық әдет – ғұрып, салт – дәстүрді сіңіретіндей имандылыққа, шешендікке, ізгілікке баулу мақсатында ұйымдастырылған

Пайдаланылған әдебиеттер:

«Әдебиеттік оқу» хрестоматиясы 2,3,4 сыныптар

Ана тілі хрестоматиясы. Т.Әбдікәрімова, Б.Қабатаева. 3 сынып. Алматы «Атамұра» 2010

Ана тілі хрестоматиясы. П.Қ.Жаманқұлова, Г.С.Құрманбай, Ш.Т.Таубаева. 4 сынып. Алматы «Атамұра» 2011

Жыл – он екі ай. Балаларға арналған журналдар. 2010 - 2014 жыл

Әліппе серігі «Алматыкітап» 2012

Әдебиеттік оқу кітабы 2014

Ата -баба мұрасы

Мақсаты:

-балалар әдебиетінің озық үлгідегі шығармаларын жүйелі оқыту, оқырмандық мәдениетке баулу, оқушының әдеби сауатын ашу, рухани дүниесін байыту, көркемдік – эстетикалық талғамын арттыру, оқушылардың ой – өрісін кеңейту, тіл байлығын арттыру, шешендікке баулу, оқу қарқынын реттейтін қарапайым тәсілдерді меңгерту, ойлау қабілетін дамыту, өз ойы мен пікірін еркін жеткізе алатын етіп тәрбиелеу, мән – мағыналық кідірістерді айқындау, мәтін мазмұнын өз бетінше түсіну барысында ертегілер мен мысалдардың мәнін анық жеткізу, әңгімедегі кейіпкердің мінез – құлықтық ерекшеліктерін байқата оқу.

Міндеттері:

Оқушылардың сөйлеу тілін қалыптастыру;

Өмірге көзқарасын ояту;

Жақсыға үйретіп, жаманнан жиренуге тәрбиелеу;

Әуенді – сазды ерекшеліктерді сақтап оқыту;

Сөз екпінін дұрыс қойып оқыту;

Ой екпінін дұрыс қойып оқыту;

Кейіпкердің көңіл – күйін сезіне оқыту.

Ұлтымыздың асыл қасиеттері – үлкенді сыйлау, кішіні қамқорлау.

Білім, білік, дағдылары:

Оқу: дұрыс оқи білу, көркем әдеби шығармаларды түсіне білу, шапшаң, дұрыс, мәнерлеп оқи алу.

Сөйлеу: тілдік сөздік қорын байыту, дұрыс, толық ойын айта білу. Фольклор шығармаларын ажырата алу. Оқыған шығармасының тақырыбыман негізгі ойын анықтай алу. Көркем әдебиеттің жанрларын ажырата алу.

Күтілетін нәтиже

Дұрыс оқи білу, көркем әдеби шығармаларды түсіне білу, дауыстап, дұрыс мәнерлеп оқи алу;

Тілдік сөздік қорын байыту, дұрыс толық ойын айта білу. Фольклор шығармаларын ажырата алу;

Оқушының оқу дағдылары дамиды, ізденеді, ойларын ашық жеткізеді;

Танымдық іс – әрекеті, тапқырлығы артады, қызығушылығы оянады;