Асыл сөзді іздесең ашық сабағы 7 сынып

Сабақтың тақырыбы: Асыл сөзді іздесең...

Сабақтың мақсаты:

Қазақ халқының ұлы ақыны Абай Құнанбаевтың философиялық тұжырымдары - қара сөздерімен таныстыру, ой - өрістерін кеңейту, рухани -жан дүниелерін қалыптастыру.

Сабақтың міндеттері:

Оқушылардың мәнерлеп айту, жатқа айту, түсініп, талдау дағ дыларын дамыту. Абай атамыздың ұлылығын, оның қара сөздерінің тереңдігін сезіндіру, туған елін сүюге, адамгершілік, еңбекқорлық, саналылыққа баулу.

Мұғалімнің кіріспе сөзі:

«Қол жазуды ермек ет, жатпа бекер,

Бұл көңілсіз дүниеден көп жыл өтер.

Өзі қысқа, өзі асау тентек өмір,

Арттағыға бір белгі қойса нетер?!» - деп ақын атамыз өзі айтқандай, бүгінгі сабақта біз Абай атамыздың даналық сөздері – қара сөздерін талдаймыз.

Абайдың толық жинағында 1890 - 1898 жылдар аралығында жазылған шығармалары «қарасөз» деп аталады. Абайдың қарасөздері – философиялық шығармасы. Жалпы саны - 45. Бұған «Бірер сөз қазақтың түбі қайдан шыққандығы туралы» деген тарихи мақаласы да қосылады.Абай қарасөз жазудағы мақсатын өзінің 1 - сөзінде былай деп береді:«... Ақыры ойладым: осы ойыма келген нәрселерді қағазға жаза берейін, ақ қағаз бен қара сияны ермек қылайын, кімде - кім ішінен керекті сөз тапса, жазып алсын, я оқысын, керегі жоқ десе, өз сөзім өзімдікі дедім де, ақыры осыған байладым, енді мұнан басқа ешбір жұмысым жоқ». Бұл - ел қамын ойлаған ұлы ойшылдың өмір, қоғам, тіршілік, адамдар арасындағы қарым - қатынас жөніндегі көзқарасының жиынтығы, философиялық ой топшылауы еді.1956 жылы Абайдың қарасөздерін алғаш жеке зерттеу обьектісі ретінде қарастырып, оны ХІХ ғасырдағы жазба әдебиетте үлкен орны бар прозалық шығарма деп бағалаған – Х.Сүйінішәлиев.

С. Мұқанов, Қ. Бейсенбиев, Т. Әлімқұловтардың зерттеу еңбектері де бар. Ұлы ақынның бұл философиялық мұраларын шет тілдеріне аударған Ғ.Мұқанов,

С.Санбаев.

1933 жылы М. Әуезов Абай қарасөздерін мағынасына қарай өзінше жүйелеп орналастырған.Мәтінмен жұмыс. Топтарға Абайдың қарасөздерін бөліп оқыту.1 - топ тапсырмасы: Абай қарасөздерінен қандай ерекшеліктерді байқадың?Тұжырым жасау. Сөйлемдері қысқа, мағынасы терең; Оқушыға ой саларлық, ғибрат беруді көздей құрылған; Қарасөздерінің көпшілігінде философиялық сұрау беріп, сол сұрауға өзі жауап беруге тырысады; Кейбір…