Асық ойынына арналған дене шынықтыру әдістемелік құралы

« Шығыс Қазақстан облысы Семей қалалық білім бөлімі » ММ

« №19 жалпы орта білім беретін мектеп » КММ

дене шынықтыру мұғалімі Қ.О. Оралғазыев

АСЫҚ ОЙЫНЫНЫҢ ТҮРЛЕРІ МЕН ЕРЕЖЕЛЕРІ

Әдістемелік құрал

Семей – 2019 жыл

« Шығыс Қазақстан облысы Семей қалалық білім бөлімі » ММ

« №19 жалпы орта білім беретін мектеп » КММ

I-cанаттағы дене шынықтыру мұғалімі

Оралғазыев Қуаныш Оралғазыұлы

Еңбек өтілі – 10 жыл

« Асық ойынының түрлері мен ережелері »

Әдістемелік құрал

ПІКІР

Ұлттық болмыста ешқандай басы артық дүние болмайды. Ол ойын бола ма, әдет-ғұрып,

салт-дәстүр бола ма, бәрі де адамның өзінің өскен ортасына сай, жан-жақты жетілген

азамат болуына көмектеседі. Асық ойыны - көшпелі халықтардың, әсіресе, қазақ ұлтының

ежелгі кезден келе жатқан ойыны. Жалпы балалардың ойыны болып есептелсе де,

оның басқа түрі болмағандықтан ба, әлде өзінің қызықтығынан ба, бірақ оны ағы да, қарасы да,

үлкені де, жасы да, батыры да, биі де ойнаған. Соған байланысты оның далада ойнайтын түрлері,

үйде ойнайтын түрлері деп екіге бөлген. Асық ойыны біріншіден, бірін-бірі достасу-сыйласуға,

бірін-бірі қадірлеуге, ұйымшылдыққа, тәртіпке үйретсе, екіншіден көз мергендігіне, қол мергендігіне үйретеді. Халқымыздың ата-дәстүрлерін жаңғыртып, оны жас ұрпақтың санасына сіңіру мақсатында асықтың түрлері мен ережелерін зерттеу барысында халқымыздың салт-дәстүрі мен ұлттық ойындарына деген қызығушылығым

мен білгенімді осы әдістемелік құралда өз үлесімді қосқым келеді.

« Асық ойынының түрлері мен ережелері » тақырыбындағы әдістемелік құрал мақсаты:

Ұлттық ойын асықтың пайдасы, оның адам денсаулығына пайдалы екендігі, спорттық ойын түрлеріне жатқызу керектігін, асықпен ойыналатын ойын түрлерін мектеп оқушыларына дәріптеу.

Мәңгі ел болуға өз үлесімізді қосайық. Құрметті ұстаздар!

МАЗМҰНЫ

Кіріспе

II. Негізгі бөлім

1) Асық ойынының тарихы мен оның тәрбиелік мәні

2) Асық ойнаудың тигізер пайдасы

3) Асық ойынының түрлері мен ережелері

4) Жетістіктер

III. Қорытынды

IV. Пайдаланған әдебиеттер тізімі

КІРІСПЕ

Асық – төрт түлік мал мен аңдар тілерсегінде болатын, бітісі бөлек, қызметі аса күрделі,

буынға біткен шымыр сүйек. Ешкі, қой, сиыр, түйе асығы үлкен-кішілігіне қарамастан сыртқы формасы бір пішіндес, мүсіндес зат. Асық ойыны – менiң ең сүйiктi ойындарымның бiрi.

Біздің мектепімізде оқушылар мен мұғалімдер арасында қалалық “Алтын сақа” турнирі жыл сайын өткізіліп тұрады. Және де дене шынықтыру пәнiнде, сабақтан тыс уақытымда осы ойынға арнаймын.

Әдістемелік құрал авторы

НЕГІЗГІ БӨЛІМ

1) Асық ойынының тарихы мен оның тәрбиелік мәні

Қазақтың ұлттық ойындарының жалпы қалыптасу кезеңі біздің заманымызға дейінгі VII-IX ғасырлар. Қазақ жеріндегі көшпелі тайпалардың қай-қайсысы болмасын, қай кезеңде дамымасын олар тек өндірістік құралына пайдалануға жарамды тас, ағаш, сүйек тағы басқа табии заттар осы дәуірде қалыптасқан ұлт ойындарында қолданылады АСЫҚ - қазақтың ықылымнан келе жатқан ұлттық спорттық ойындарының бір түрі. Оны қазақтардан басқа қырғыздар, қарақалпақтар,алтайлықтар да ойнады.