Ата-ана алтын тұғырың тәрбие сағаты

Өзін –өзі тану сабағының жоспары

Мектеп: Жамбыл атындағы орта мектебі

Күні: 27.01.2019 ж.28.01.2019 ж

Тақырып: «Ата-анаң алтын тұғырың»

Құндылық: Сүйіспеншілік Қасиеттері: мейірімділік, қамқорлық, жақсы азамат болу.

Мұғалімі: Дюсекенова Шолпан Кальмухановна Сыныбы: 11«а,ә» сынып. Оқушылар саны:18

Сабақтың мақсаты: Ата-анаға деген риясыз сүйіспеншілік құндылығы туралы түсініктерін кеңейту.

Міндеттері:

Білімділік: Ата-анаға деген мейірімділік ата-ананы құрмет тұтуға үйрету;

Дамытушылық: Ата-ананы қадірлеу, ардақтау, ата-ананың үмітін ақтауға баулу;

Тәрбиелік: Махаббатқа, мейірімділікке, қамқорлыққа тәрбиелеу.

Ресурстар (құралдар, мәліметтер)

Слайд, нақыл сөздер, видио фильм

Сабақтың барысы:

Ұйымдастыру кезеңі.

Тыныштық сәті.

Тыныштық сәтi. «Нұрға бөлену»

Ыңғайланып отырыңыздар, денелеріңізді түзу ұстаңыздар.Аяқ- қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады.Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді.Балғын таза, әсем гүл сіздің әр ойыңызды, әр сезіміңізді, эмоцияңызды тілек қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ой мен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.

Одан әрі нұр сіздің аузыңызға,тіліңізге тарады.Тіліңіз тек шындықты және жақсы, ізгі сөздер ғана айтады.Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті.Көзіміз тек жақсыға қарап, бәрінен жақсылықты ғана көреді.Сіздің басыңыз түгелдей нұрға бөленіп, басыңызға тек ізгі, сәулелі ой келеді.Нұр бірте- бірте қарқынды және шұғылана бастайды, сіздің денеңізден шығып, жан- жағыңызға сәуле шашады.Осы нұрды туысқандарыңызға, мұғалімдеріңізге,достарыңызға,таныстарыңызға бағыттаңыз.Нұрды уақытша түсініспей, ренжісіп жүрген адамдарға да бағыттаңыз.Олардың да жүрегі нұрға толсын.

Осы нұр бүкіл әлемге: барлық адамдарға, жан- жануарларға, өсімдіктерге,тірі жанға таралсын... Ғаламның барлық түкпір- түкпіріне нұр бағыттаңыз.Ойша айтыңыз: «Мен нұрлымын...Нұр менің ішімде...Мен Нұрмын »Осындай Нұр,Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде.Оны осындай әсем қалыпта сақтаңыз.Жаймен көзіңізді ашуға болады.Рахмет! Қандай сезімде болдыңыздар? Ойларыңызбен бөлісіңіздер.

ІІ Үй тапсырмасын сұрау

«Отбасы әдебі» туралы шығарма. 73,75 беттегі 1-тапсырма

ІІІ Жағымды ой пікір (Дәйексөз)

Суретті болжау.

Балалар тақтадағы суреттерге қарай отырып, біз бүгінгі сабағымыздың тақырыбымен дәйек сөзін құрастыра аламыз. Суретке назар аударыңыз. Тау,бұлақ, құрақ.

Дәйек сөз. Әке-асқар тау, ана-бауырындағы бұлақ, бала-жағадағы құрақ. Олай болса оқушылар біздің бүгінгі сабағымыз «Ата-анаң алтын тұғырың» деп аталады.

ІҮ Оқиға айту (әңгіме мұғалім сыйы)

«Боз орамал» бейне фильм көрсету

Бала тәрбиесіне кім тікелей қатысты? Әке ме? Ана ма?

Ата-анаңмен сырласып, ой бөлісесіздер ме? Қандай тақырыпта?

Ата-анаң саған қай кезде риза болады?

Ата-анаңды қандай қылықтарыңмен ренжітесің?

Ата-анаңды қатал, шыншыл деп ойлайсың ба?

Ренжігенде ата-анаңнан кешірім сұрайсың ба?