Ата-ана махаббаты психологиялық тренингі ата-аналарға

Ата-ана махаббаты

Мақсаты: Ата-ана мен баланың арасындағы қарым-қатынстың ерекшеліктерін психологиялық жаттығулар арқылы көрсету

Міндеттері:

Жаттығулар мен ойындар арқылы ата-аналарға балаларының ішкі жан дүниесіне үңілуге мүмкіндік беру, өз перзентін терең тануға тәрбиелеу;

Тапсырмаларды орындату, ата-ана махаббатын сезіну, балаларымен бірге жұмыстану;

Тренинг барысы: - Сәлеметсіздер ме? Құрметті ата-аналар! Сіздерді көргеніме сондай қуаныштымын. Бүгінгі өткелі отырған «Ата-ана махаббаты» атты тренингке қош келдіңіздер!

1.Танысу.

Ата-аналарды шаттық шеңберіне шақыру. Әр ата-ана өз баласының есімінің бас әрпінен басталатын әріпке сәйкес баласының бойындағы жақсы қасиеттерді айтады.

2.Сұрақ-жауап: «Мадақтау мен жазалау»Мақсаты: Ата-ананың балаға деген көңіл бөлуін байқау.Барысы: Қағазды екіге бөліп, бір жағына баланы мақтау кезінде қолданылатын сөздерді, ал екінші жағына, сөгіс жариялау кезінде қолданылатын сөздерді жазыңыз.Қай бөлікте сөздердің көп болғандығы жайында сараптама жасалып, ата-аналарға қорытынды жасау ұсынылады.3 . «Сиқырлы тәттілер» психологилық диагностикалық ойын

Мақсаты: баланың отбасындағы психологилық жай-күйін анықтау.

Ережесі: балаларға ортаға бір ыдыспен кәмпиттер ұсынылады. Балалар ешқандай ойын ережесінен бейхабар тәттілерді жейді. Ата-аналар мен психологтар бұл процесті бақылап отырады. Балалардың кәмпитті жеп болғасын оның қағазын қайда қойғанын көңіл бөлу қажет.

Ойын кілті:

Кәмпиттің қағазын үстелдің үстінде қалдырса, баланың отбасында ешқандай қысым көрмейтінін білдіреді;

Қағазды тәрелкенің астына жасырса, отбасында балаға қысым болғанымен, бала ол қысымды қабылдамайтынын көрсетеді;

Қағазды қалтасына жасырса, отбасындағы қысымның бала психологиясына әсер ететінін білдіреді;

Қағазды мүлдем жоюға әрекет болса, отбасындағы балаға деген қысымның өте жоғары және оның бала психологиясына қауіпті екенін білдіреді.

Қортынды:

Әрбір бала өз отбасында еркіндікті сезініп, барлық жақсыны, әдеміні көріп,татып өсуге құқылы. Өз отбасында барлық жақсыға көзі тойған бала ешқашан аш көз болмайды, үйден тыс жерде өзін ондай игіліктерден тәуелсіз ұстайды, өзгенің затына қызығушылық танытпайды. Барлық тәттіге еркін қолы жеткен бала, өз бойындағы жақсы қасиеттерін де еркін көрсетеді. Ал жақсы, тәттілер баладан жасырылса, ол да өз жақсы жақтарын жасырып өседі.

4. «Ата-анаңды қолынан таны»

Мақсаты: ата-ана мен бала арасындағы махаббатты сезіну. Көзі байланған бала анасының қолдарын сипап сезу арқылы танып білу.