Ата-аналар жиналысын жоспарлау және өткізу кеңестері

Жас мамандар кеңесі

Тақырыбы: «Ата-аналар жиналысын жоспарлау және өткізуге кеңес беру.»

Мақсаты: Жас мамандарға жиналысты өткізу алдында күн тәртібін құруды үйрету. Ата-аналармен тығыз байланыста жұмыс жасауды, өзін-өзі ата-аналар алдында жақсы ұстауды және ата-аналармен тренинг өткізуді үйрету.

Күн тәртібі:

1.Трениг

2. Баяндама «Ата-аналар жиналысын жоспарлау және өткізуге кеңес беру.»

3. Әр-түрлі сұрақтар.

4.Ата-аналарға өткізетін трениг түрлерімен таныстыру.

5.Трениг «Сен кімсің»

2. Баяндама

Балабақша қабырғасындағы «ата-аналар жиналысы» деген ұғым әрбір бала мен ата-ана үшін жақсы таныс. Дегенмен қазір ата-аналар жиналысы десе, үйдегілердің шеке басы тырысып, қаша бастайды. Ол ата-ананың баласына деген селқостығы емес, балабақша жиналыстың өз деңгейінде өтпеуі. Сіздерге ата-аналар жиналысын есте қалатындай етіп өткізу үшін бірер кеңес береміз. Ата-аналар жиналысы не үшін керек?

– балалар туралы қысқа әрі нақты ақпарат алу үшін;

– топ ішімен таныстыру, балалардың қандай кеңістікте білім алатынан көрсету;

– ата-аналарға балалары туралы толық ақпарат беру. Оның ішінде денсаулығы турасында, тәртібі, білім сапасы, сөйлеу мәдениеті мен өзін ұстау дағдысын айту үшін;

– демалыс кезінде бос уақытты тиімді пайдалану үшін пайдалы кеңестер алу үшін;

–балалар арасында орын алған қатыгездікке жол беретін жайттарды айта отырып талқылау, алдын алу үшін;

– балалардың жетістігі мен шығармашылығы туралы айту үшін;

– психологиялық тренинг ретінде өткізе отырып, ата-ана мен бала арасындағы қарым-қатынасты нығайту үшін; Жиналысқа дайындалу:

– негізгі тақырыпты белгілеу, күн тәртібіндегі басты мәселені анықтау;

– уақыттың тиімділігін пайдалану;

– ата-аналарға шақырту жасау, сыпайы әрі мәдениетті жүргізуге дайындалу;

– ата-аналар келген кезде күтіп алу және олардың сырт киімдерін ілуге дейін дайындап қою;

– ақпараттық материалдарды дайындау;

– жиналыстың өту барысына қарай арнайы мамандар шақыру;

– ата-аналардың алдында өзіңізді жақсы жағыңыздан көрсету үшін, өзіңіздің сырт киіміңізге мән беріңіз.

Ата-аналар жиналысын өткізуге арналған шағын жоспар: Жиналыс белгіленген уақытта басталуы керек. Ата-аналарды кешікпеуге үйрету. Жиналыстың өту ұзақтығы – 1 не 1,5 сағат.

– Тәрбиеші сөйлеу уақыты – 5 мин.

– ата-аналарға арналған сауалнама жүргізу – 5-7 минут.