Ата-аналарға арналған психологиялық тренинг сабағы

Шеңбертал орта мектебі

ПСИХОЛОГИЯЛЫҚ

ТРЕНИНГ

Тақырыбы: Ата-аналарға арналған тренинг-сабақ

Уақыты: Қараша айы

Өткізген: С.Баймұханов мектеп психологі

2014-2015 оқу жылы

Ата-аналарға арналған тренинг-сабақ

Мақсаты:

Отбасы тәрбиесінде ата-ананың балаға тәрбиелік ықпалын арттыру, тәрбиелік ықпалының ерекшеліктерін ашып көрсету;

Ұрпақ тәрбиесінде халық педагогикасының жүйелері, яғни жүрек пен ақыл тәрбиесі арқылы тәрбиелеудің маңызын ашып көресту;

Тәрбиенің ең тамаша жері отбасы екенін, олардың бала тәрбиесіндегі мүмкіндіктерінің жоғары екендігін және бүгінгі заман талабынан шығатынын дәлелдеу.

Тренинг барысы:

Тренинг мақсатын түсіндіру.

-Сәлеметсіздер ме, құрметті ата-аналар! Біздің мақсатымыз-балаларыңызбен қарым-қатынастарыңызды бұрынғыдан да жақсартып, бала тәрбиесіне көп көңіл бөлудің маңыздылығын дәлелдеу.

Тренинг барысы:

1-бөлім. Топқа бөліну, түске қарап психологиялық мінездеме беру.

Әр ата-ана, түсіне орай топқа бөлініп отырады.

Сары түсті таңдағандар «ӘКЕ» тобы.

Өте әсершіл, сезімтал, көпшіл, ерік күші мол, қайсар, түрлі идеяларға толы адамсыз. Сіз бала тәрбиесіне үлкен жауапкершілікпен қарайсыз. Балаңыздың өсіп дамуына үнемі көңіл бөліп отырасыз. Балаңыздың болашағынан үлкен үміт күтесіз.

Қызыл түс-«АНА» тобы.

Бірбеткей мақсат-мұратыңыз үшін күреске дайынсыз. Балаңызға көп талап қоясыз, қатал қарайсыз. Айтқаныңызды орындатасыз.

Көк түс-«БАЛА» тобы.

Сіз ақкөңіл, бейқамшыл, табысқа құмар адамсыз. Бала тәрбиесіне кей уақытта немқұрайлы қарайсыз. Балаңыздың оқуын бақылауға алғаныңыз дұрыс.

2-бөлім. Ата-анаға кеңес. «Баламен сөйлесудің он ережесі»:

Үйге ашығып келмеңіз. Ашыққан адам шыдамсыз, мазасыз болады;

Қатты шаршап, қажымаңыз. Шамадан тыс физикалық, ақыл-ой жүктемелер өзіңізді жайсыз сезінуге әкеледі. Жұмыстағы қиындыққа бала кінәлі емес;

Қызметіңіз туралы айтқанда бала қызметтің одан маңызды екенін сезінбесін. Қызметіңіз сізге ұнайды, баланы жақсы көресіз;

Баламен сөйлесу бәрінен де маңызды. Ас дайындауда немесе басқа жұмыс барысында қасыңызға келген баланы итермеңіз. Бала-адам, ал кешкі ас пен жұмысты күтуге болады;

Бала көмекші әрі отбасының тең құқылы мүшесі. Үйдегі ең ұнамсыз жұмыстарды тапсырып, баланы жалықтырмаңыз;

Бала арқылы мен білемге салмаңыз. Сіз ересексіз, сондықтан көп білесіз. Егер де балаңыз басқалармен салыстырғанда өзіне, өз күшіне сенімді болсын десеңіз, бала ересектердей ой түйетінін сезетіндей сөйлесіңіз;

Жұмыс-бұл жанұяны қамтамасыз ететін құрал. Егер өз өміріңіз үшін жұмыс маңызды болса, бала өзін бақытсыз сезінеді және ержетуге асығады;

Тыңдай біліңіз. Көпшілігіміз баланың ісі шала, сөзі маңызды емес деп санаймыз. Негізінде оның ісі мен сөзі өзіміз сияқты маңызды. Егер балаға сондай көзқарас танытсаңыз, онда ешқандай сенімділік болмайды;

Баламен кеңесіңіз. Өз ойларыңыз, уайымыңызбен бөлісіңіз. Ақыл-кеңес сұраңыз және соған жүгініңіз;

Тілім нан үшін қинай бермеңіз.Балаңыз Сізден материалды тәуелді екенін айтудан қашыңыз. Балада сізге ауыртпалық түсіремін деген ой туады,бұл баланы жаралайды... Қарттық шағыңызда осындай жағдайлардан ұялуыңыз әбден мүмкін.

Соңында әрбір ата-анаға «Баламен сөйлесудің 10 ережесі» парақшасы таратылып берілді.

3-бөлім. «Өзіңді білгің келсе». Жобалық тест.

Сурет салу: күн, тау, үй, ағаш, қапшық, жол, сақина, жылан.

- Күн дәл ортасына салынса – жастық шағы қызықты, ал шығысқа салынса – балалық шағы қызықты, батысқа салынса – кәрілік шағы қызықты;

- Тау дөңгелек салынса – мінезі жұмсақ, мейірімді, сенгіш. Егер тау ұшты болса, өкпелегіш, тік мінезді адам. Егер аралас салынса – басында қар болса, өзгермелі адам;