Ата-анаң сая бағың тренингі бастауыш сыныпқа

Тақырыбы: «Ата- анаң сая бағың»

Мақсаты: 1) Ата- ананың бойына адамгершілік сезімдерін ұялатуға және сол . сезімдерді бала тәрбиесінде шеберлікпен қолдана білуге үйрету.

2) Ата- ананың баласына деген сүйіспеншілік сезімдерін дамыту, баланың , ана еңбегін ардақтап, құрметтей білуіне ықпал ету.

3) Ата- ананың бақытты, мейірімді, табысты бала тәрбиелеуіне бағыт беру.

Көрнекілігі: үнтаспа , слайд «Анаға сәлем», бейнесюжет, жүректен шыққан хаттар, . жағдаяттар,кітапша, қобдиша, айна, «Мейірімділік ағашы», алмалар, . сурет көрмесі «Отбасының ең бақытты күні».

Жоспары:

І Психологиялық ахуал

ІІ Бейнесюжет көру

ІІІ Бейнесюжетті талдау

ІV Тыныштық сәті

V Тосын сый «Жүректен шыққан хат»

VІ Жағдаяттар шешу (слайд көрсету)

VІІ Сергіту сәті «Ғажайып қобдиша»

VІІІ Рефлексия

І Психологиялық ахуал. Музыка «Анаға сәлем»

Ал, енді құрметті ата-аналар, қазір бәріміз бір-біріміздің қолымыздан ұстап, жылылығымызды сезініп, шаттық шеңберіне тұрайық . мына тұрған бәрімізде анадан тудық, барлығымыз анамыз. «Анаға сәлем» әнін білмейтін адам кемде кем шығар, енді қазір бәріміз бірігіп, анамызды еске ала отырып, осы әнді шырқап жіберейік.

ІІ Бейнесюжет көру.

Ал, енді құрметті ата-аналар! Бар көңілімізді, назарымызды мына шағын бейне- сюжетке аударсақ.

9 ай 10 күн көтеріп, көптен күткен сәбиды шыр етіп, дүниеге келді.

Ата-анасымен бірге бала да көңілді, еш уайымсыз. Ата-анасының да қуанышында шек жоқ.

Уақыт жылжып өтіп жатыр. Сәбиде ер жетті, оқу білімнің жолына түсті.

Жаны қалаған суретші мамандығын алды

Атағы өсіп, елге танымал суретші болды.

Шыққан қара шаңырағын ұмытты. Ата-анасы сарғайып, екі көздері төрт болып, баланың жолын тосты.

Күте-күте қайғыдан әкесі де көз жұмды.

Жылдар жылжып, уақыт зымырап өтіп жатты.

Әлі де баладан хабар жоқ .

Анасы сарғайып,терезеден көз алмай, үмітін үзбей баласын тосуда.

Теледидардағы баласының бейнесіне қарап өзін жұбатып отыр.

Соған да риза.Үмітін үзер емес.

Жылдар жылжуда, уақыт тоқтар емес, баяғы ағаш қасында баласының жолын тосып сорлы ана жүр.

Уакыт шіркін қояр ма, тоса-тоса анасы да дүниеден өтті. Баласы ата-анасының қабірінің басына келді. Қателігін кеш түсінді. Қолын мезгіленен кеш сермеді.…