Ата-баба аманаты қазақ әдебиеті ашық сабақ материалы

Алматы облысы, Көксу ауданы, Жеңіс негізгі орта мектебі

Тәрбие сағаты

Тақырыбы:

Дәстүрімен дара,

салтымен дана

қазақпыз!

2018 – 2019 оқу жылы Тәрбие сағатының тақырыбы: «Дәстүрімен дара, салтымен дана қазақпыз!»

Тәрбие сағатының мақсаты:Оқушылардың бойына халқымыздың көнеден келе жатқан салт-дәстүрін ұлықтап, рухани қадір – қасиеттерін бойға сіңдіру, үлкенді сыйлай білуге, салт- дәстүрлерімізді қадірлей білуге баулу; Шәкірттерімізді салт- дәстүріміздің озық үлгілерінен нәр алып өсуіне, адамгершілікке, аталы сөзден ғибрат алуға тәрбиелеу.

Көрнекіліктері: Суреттер, бүктемелер, мақал-нақыл сөздер, шарлар мен гүлдер.

Жүргізуші: Армысыздар, құрметті қонақтар, ұстаздар мен оқушылар! Сіздер бүгін мектеп оқушылары дайындаған «Дәстүрімен дара, салтымен дана қазақпыз!» атты ашық тәрбие сағатына қош келдіңіздер! Сөз кезегін мектеп директорының тәрбие ісі жөніндегі орынбасары Булантаева Гүлжанат Рахметоллақызына береміз. Булантаева Гүлжанат Рахметоллақызы: Құрметті кешіміздің қонақтары! Бүгінгі «Ата – баба дәстүрі ұрпаққа аманат!» атта бағдарлама аясында өткізгелі отырған ашық тәрбие сағатымызға қош келдіңіздер! Тәрбие сағатымыздың мәні мен мақсатына келер болсақ, халқымыздың көнеден келе жатқан салт-дәстүрін ұлықтап, рухани қадір – қасиеттерін бойға сіңдіре отырып өсіп келе жатқан жас ұрпаққа рухани бағыт беру. Шәкіттерімізді адамгершілікке, аталы сөзден ғибрат алуға тәрбиелеу.Кешімізді көріп тамашалаңыздар!

Жүргізуші:Олай болса кезекті мектебіміздің 5-сынып оқушысы Әкіманбекқызы Балнұрдың өз жүрегінен шыққан туындысына берейік!

Мұсақан Сұңғаттың орындауында «Қазақ осы» әнін тамашалаңыздар! Қазақстан –қазақ халқының қасиетті атамекені ,кіндік қаны тамған жері.Тәңірі жер қайысар мал беріп ,асты-үсті байлыққа тұнып

тұрған осындай өлкені бұйыртқан халқымның арманы жоқ. Ендігі кезекті оқушыларға беремін.

1-оқушы:(Фархат 9-сынып) - Біз қазақ деген - мал баққан елміз,ешкімге соқтықпай жай жатқан елміз.Елімізден құт – береке қашпасын деп ,жеріміздің шетін жау баспасын деп найзаға үкі таққан елміз. Ешбір дұшпан басынбаған елміз,басымыздан сөзді асырмаған елміз, дәм-тұзды ақтай білген елміз, дәстүрімізді сақтай білген елміз! 2-оқушы: (Ертай 9-сынып) Танымасаң танып ал, мен қазақпын, Жаным жайлау,көңілім кең қазақпын! Ұлысым бай, жері нұр, ақ пейілді, Салтына сай, керегесі тең қазақпын!

3-оқушы: (Толғанай 5-сынып) Мен қазақ, қазақпын деп мақтанамын, Ұранға «Алаш» деген атты аламын! Сүйгенім – қазақ өмірі, өзім қазақ Мен неге қазақтықтан сақтанамын! 4-оқушы: (Арай 4-сынып) Мен қазақпын, мың өліп, мың тірілген, Жөргегімде таныстым мұң тілімен! Жылығанда жрегім күн тұтылып, Қуанғанда күлкімнен түн түрілген! 5-оқушы: (Жансая 4-сынып) Мен қазақпын, биікпін, байтақ елмін, Қайта тудым, өмірге қайта келдім! Мен мың да бір тірілдім мәңгі өлмеске, Айта бергім келеді, айта бергім! 6-оқушы :(Аяулым 6-сынып ) Мен қазақпын, ажалсыз анамын мен, Құрсағыма сыйдырдым даланы кең. Пәк сәбимін бесікте уілдеген, Дәуірлермен құрдаспын, данамын мен! 7-оқушы :(Арнұр 6-сынып) Мен жігітпін ,айқасқа,сынға асықпын, Жүрегі бар кеудемде шын ғашықтың! Жанартаудай жойқынмын, жұлқынғанда, Шарықтасам қыран боп шыңға шықтым! 8-оқушы :(Арнұр 2-сынып) Қазақпын мен, қазақтың тентегімін, Жау шебінде сыналған семсерімін!