Атомдар мен молекулалар ашық сабағы 7 сынып

Сабақ жоспары

Ұзақ мерзімді жоспар бөлімі:

7.2А Атомдар.Молекулалар.Заттар.

Мектеп: Ахмет Байтұрсынов орта мектебі

Мұғалімнің аты-жөні: Спанқұлова Динара

Сынып: 7

Сабақ тақырыбы

Атомдар мен молекулалар

Осы сабақта қол жеткізілетін оқу мақсаттары (оқу бағдарламасына сілтеме)

7.1.2.1 атомдар мен молекулалардың айырмашылығын білу

Сабақ мақсаттары

Атом мен молекула ұғымын түсініп,айырмашылығын білу

Бағалау крнтерийлері

Атом ұғымының анықтамасын біледі

Молекула ұғымының анықтамасын біледі

Атомдар мен молекулалардың айырмашылығын сипаттайды

Ойлау дағдыларының деңгейі

Білу, түсіну, қолдану

Тілдік мақсаттар

Атомдар мен молекулалардың айырмашылығын сипаттай алады;

Пәнге қатысты лексика мен терминология

Атом, молекула

Диалогқа/жазылымға қажетті тіркестер

Атомнан кіші кез келген бөлшек ..., ... немесе ... бола алады

Екі немесе одан көп атомдар ... түзу үшін қосыла алады

Үш тілдік: атом-атом-atom; молекула –молекула- мolecule

Құндылықтарды дарыту

Өзара қарым-қатынас жасау қабілеті, өзгелердің мәдениетіне және көзқарастарына құрметпен қарау, шығармашылық пен сын тұрғысынан ойлау

Пәнаралық байланыстар

Физика, жаратылыстану, қазақ тілі

АКТ қолдану дағдылары

Компьютер, интебелсенді тақта, ғаламтор

Бастапқы білім

Жаратылыстану пәні. 5 сынып . Заттар және физикалық денелер.

7.1.А Химия пәні. Элемент, қоспалар және қосылыстар.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Сәлемдесу, жағымды ахуал қалыптастыру.

Сыныпта жағымды ахуал тудыру үшін «Көршіге тілек» тренингі жүргзіледі. Оқушылар дөңгеленіп тұрып, әр оқушы көршісіне өзінің атын және атының бас әріпіне қатысты ізгі тілегін білдіреді. Соңғы сөзді мұғалім алады.

Сыныпты топқа бөлу.

Стикерлерге жазылған «элемент», «зат», «дене» деген сөздер арқылы топқа бөлінеді.

(Ж.Т.) Алдыңғы оқу бойынша білімдерін еске түсіру үшін «10 сөз әдісі» қолданылады. Оқушы өзінің дәптеріне алдыңғы оқу бойынша 10 сөз жазады. Санап шығады, басқа оқушылармен салыстырып өзінде кездеспеген тағы 10 сөзді жазады. Орындарына келіп топта талқылайды. Өзін – өзі бағалайды.

Қалыптастырушы бағалау «Басбармақ» әдісі бойынша жүргізіледі.

Стикер

Сабақтың ортасы

1 тапсырма. (Т.)Топтық жұмыс. «STOP-кадр»әдісі, «Бес жолды өлең» әдісі. Салыстыру стратегиясы.

Алдымен интербелсенді тақтадан атом-молекула жайлы бейнефильмнің бір сәтін корсетіп, «STOP-кадр»әдісі арқылы оқушыларды диалогқа тартады.

Диалогқа тартатын сұрақтар:

Стақандағы қандай зат?

Ол заттың сіздер білетін қандай қасиеттері бар?

Ал сол қасиеттерді сақтайтын не деп ойлайсыздар?

Ондай болса, бүгінгі сабақтың тақырыбы заттардың қасиеттерін сақтайтын бөлшектер және сол бөлшектерді құраушылар жайлы болмақ. Олар атомдар және молекулалар.

Сонымен, біздің бүгінгі мақсатымыз қандай болмақ?

Тақырыпты ашып және оның мақсатын қойғаннан кейін, әр топқа атом, молекула туралы ресурс таратырылып беріледі. Мәтінмен танысып және бейнефильмнен көргендерін айта отырып, оқушылар жұптық, топтық талқылау жасайды. Жұмыс нәтижесі ретінде әр топ өздеріне берілген әдістерді пайдаланып, постерге түсіреді. Таныстырылым жасайды.

1-топ «Бес жолды өлең» әдісін пайдаланып атомды сипаттайды.

Дескриптор:

Атом ұғымына сипаттама береді.

2- топ «Бес жолды өлең» әдісін пайдаланып молекуланы сипаттайы.

Дескриптор:

Молекула ұғымына сипаттама береді.

«Бес жолды өлең» әдісі бойынша тапсырманы орындау кезінде оқушыларда ойлау дағдыларының білу, түсіну деңгейі қалыптасып, топтық жұмыс жүреді. Топтық жұмыс кезінде оқушылар топта бірлескен оқу ортасын қалыптастырады және диалогқа түсу арқылы саралау жүзеге асады. Топта оқушылар бір-бірінің тұжырымдарын тыңдап, талқылап, ортақ шешімге келу арқылы қарым-қатынасын реттейді, бір-біріне қолдау көрсетеді. Диалогқа түсу арқылы ойларын саралап, ортақ шешім қабылдайды.

«Бес жолды өлең» /Cinquain әдісі кезінде пәнаралық байланыс жүзеге асады.

1 жол Зат есім

2 жол Зат есімді мінездейтін екі сын есім

3 жол Зат есімге қатысты үш әрекет

4 жол Зат есім туралы ой-пікіріңіз (төрт сөзден тұрады)

5 жол Зат есімге бір синоним (1 сөз) келтіріңіз = 11 сөз

3-топ. (Ж.Жж.Т.) «Салыстыру» стратегиясы бойынша «Венн»диаграммасын толтыру ұсынылады. Мәтінмен жеке,жұпта,топта талқылайды, ортақ пікір шығарады.

Дескриптор:

Атом ұғымын түсінеді.

Молекула ұғымын түсінеді.

Атомдар мен молекулаларды ажырата алады.