Аулада жаңа жыл мерекесіне арналған материал

Бекітемін: ____________

МКҚК « Айшуақ»

балабақшасының

меңгерушісінің уақытша қызметін

атқарушы Ж.С Сабанбаева.

«Аулада Жаңа Жыл!»

Балалар залға көңілді әуенмен кіріп, шеңбер құрып тұрады.

Жүргізуші: Армысыздар, құрметті ата-аналар, тәрбиешілір және балалар! Сіздерді келе жатқан Жаңа жыл мерекесімен шын жүректен құттықтаймыз!

Жаңа жылдың таңы неткен арайлы,

Ақ мамыққа бөлеп алды маңайды.

Жаңа жылмен құттықтаймын бәріңді,

Бақыт, шаттық, молшылықпен тыныштық,

Бәрімізге әкелсін мына жаңа жыл.

Жүргізуші: Балалар, Жаңа жылды қарсы алуға бәрің дайынсыңдар ма? Олай болса, бүгін Жаңа жыл мерекесіне арналған тақпақтарымыздан шашу шашайық.

М. Алинұр: Жаңадан тақпақ ,

Айтамын жаттап.

Жібек : Жаңа жыл келді,

Жаңа жыл аппақ.

Бекасыл: Аяз ата жол салып,

Ақборан мен алысқан.

Наргиза : Далада қар борайды,

Ақ мамыққа орайды.

Мұз болады қатады,

Жып-жылтыр боп жатады.

Айсұлтан: Жүзімізге күлкі ойнап,

Қанаттанды жанымыз.

Жаңа жылды біз тойлап,

Би- билейік бәріміз.

Айбат: Сәлем бізден баршаға,

Құттықтаймыз жар сала.

Бүгін бізде жаңа жыл,

Қош келіпсіз шыршаға.

Жүргізуші: Жаңа жыл, Жаңа жыл,

Төгілсін жаңа нұр.

Сыйлығын сүйретіп,

Келді міне, Жаңа жыл!

Ән саламыз би-билеп,

Жырдан шашу төгілді.

Бүгін біздің Жаңа жыл,

Қандай қызық көңілді. Дей отырып келесі кезекті әнге берейік.

Ән: «Аяз ата»

(Ән аяқтала бере сырттан әндетіп, көтеріңкі көңілмен, жан-жағына алаңдай қарап, бір қолына түрлі-түсті шар, бір қолына хат ұстаған қоян кіріп келеді).

Қоян : Ой, ой Жаңа жыл мерекесі басталып кеткен бе ? Мен кешігіп қалдым ба?

Жүргізуші: Иә, кешігіп қалдың, сен қайдан жүрсің. Мерекеміз басталып кетті.

Барлық бала күтіп қалды. Аяз ата мен Ақшақар көрінбе ме? Олардан хабар жоқ па?

Қоян: қымбатты балалар, мен Аяз атаның жедел хатын алып келдім. Бірақ ол хатты ашу үшін сендер мен жайлы айтып беріңдерші.

Жүргізуші : Балалар, Қоян қайда өмір сүреді?

Қоян не жегенді жақсы көреді?

Ал қоянның балаларын қалай атаймыз?

Қоян: Дұрыс айтасыңдар балалар, олай болса мен көжектеріммен бірге бір көңілді би- билеп берейін.

Би : «Көжектер» биі.

Қоян: Ой мен би-билеп көңіл көтеріп жүріп хатты ашуды ұмытып кетіппінғой.

Ашып сендерге оқып берейін. Балалар мен сендердің балабақшаларыңды таба алмай басқа бақшаға кіріп кетіппін. Көп кешікпей сендерге де жетемін.

Сендер жаңа жылыд тойлай беріңдер.Міне балалар, көрдіңдер ме, Аяз ата мен Ақшақарда жақындап қалды.

Жүргізуші: Ал балалар, бәріміз бірге дауыстап Аяз ата мен Ақшақарды шақырайық.

Бәрі қосылып: «Аяз ата, Аяз ата! Ақшақар, Ақшақар!» деп шақырыды. Залға әуенмен Аяз ата мен Ақшақар кіреді.

Аяз ата : Жаңа жылдарыңмен,

Жаңа жылдарыңмен!

Балаларым, балғындарым,

Өміргүлім, шалғыным.

Тілегенім жыл бойы,

Сендердің денсаулығың,

Амансың ба ұлдарым,

Аппақ ару қыздарым.

Мен сендерге әкелген,

Құтты болсын жылдарың!