Ауылым – алтын бесігім қазақ тілі мақаласы 10 сынып

Ауылым – алтын бесігім

Міне ,ауыл жайлы сөз қозғасақ ,«Ауылым –алтын бесігім»деген ұлағатты сөздің тегін айтылмағаны-ау деп ойлаймын.

Біздің ауыл Жібек жолы тас жолының астында орналасқан .Бұрын ауылымыз «Бартоғай» бертін келе «Үшінші »,қазіргі уақытта «Достық» ауылы деп аталады .Өйткені ауылымызға соғыс жылдары месхеттік түріктер келген екен және ұйғыр халқы да қоныс тепкен. Олар бір отбасының баласындай, достықта тату-тәтті өмір сүріп жатыр.

Ұлы Отан соғысы жылдарында ауылдан соғысқа көптеген жауынгерлер аттаныпты. Солардың ішінде менің де Тутыбаев Қали деген атам соғысқа кеткен.Бірақ ол кісі 1942 жылы Калининград түбінде ерлікпен қаза тауып ,бауырластар зиратына жерленгені туралы дерек бар. Соғыстан оралған батыр ардагер ағаларымыз: Мусапиров Бақберген, бір көзінен айрылған Ілімбаев Әділжан,Бердібаев Мөкіш,екі рет батырлығымен көзге түскен ұшқыш Нұрғазиев Төлен ,бір қолынан айрылған Ноғайбаев Құдайберген көп жылдар ағарту саласында мұғалім болып қызмет атқарып,қалған өмірлерін аянбай еңбек етуге арнаған бұл кісілерді мен мақтан етемін. Сондықтан осы кісілердің өмір жолын үлгі ету мақсатында батыр жерлесіміз ақын Әділжан Ілімбаевтің «Жаралы солдат»өлең жинағы бойынша Алматы облысы Еңбекшіқазақ ауданында өткен КҒА ғылыми жобалар жарысына қатысып,ол кісінің өмір жолын ,соғыстағы қаһарман ерлігін,соғыстан кейінгі жылдардағы қажырлы еңбегін паш етіп,өлең жинағындағы әскери термин сөздерге талдау жасап,зерттеу нәтижесінде «Зерде » ғылыми жобалар жарысында жүлделі орын алдым.

Мемлекет басшысы Н.Ә. Назарбаевтың «Болашаққа бағдар: рухани жаңғыру» атты мақаласында «Туған жер» бағдарламасын қолға алуды ұсынды. «Менің жерлестерім және олардың біздің қала, ауыл үшін еңбектері. Осы бағдарламаны басшылыққа ала отырып,жұмысымды осы бағытта жаздым.

Туған жеріміздің тарихын,өткен ұлы тұлғаларымызды келер ұрпаққа жеткізу,қастерлеп сақтай білу- біздің парызымыз деп түсінемін .

Мен болашақта өз ауылымды өркендетуге ,оның бір кірпіші болып қаланып,өз үлесімді қосуға міндеттімін .Ауылым –алтын бесігім !

Алматы облысы Еңбекшіқазақ ауданы Достық ауылы , Алтынбике Бертаева атындағы мектептің

10-сынып оқушысы Сұлтан Ескелді Жомартұлы

Жетекшісі Тутубаева Гульзира Султанқызы