Аяз атаны іздеген Аққала жаңа жылдық сценарийі

Жаңа жыл мерекесіне арналған ертеңгілік

«Аяз атаны іздеген Аққала»

Мақсаты: Жаңа жыл мерекесін түсіндіру,сезіндіру. Балаларға көңілді орта қалыптастыру.

Міндеттері:

1.Үйрету:балаларға сахна мәдениетін,әнді нақышына келтіріп орындау мәнеріне үйрету.

2.Тәрбиелеу:балалардың жүріс-тұрысын қадағалау,үлгілі,өнерлі,тәрбиелі болып өсуіне қалыптастыру.

3.Түсіндіру:Балаларға өткізіліп жатқан ертеңгіліктің мағынасын,қандай мерекеге арналғанын ұғындыру.

Көрнекіліктер:түрлі түсті шарлар,мишуралар, дождиктер.

Кейіпкерлер:

1.Жүргізуші

2.Аққала

3.Түлкі

4.Аяз Ата

5.Ақшақар

6. Жаңа жыл- Тауық

Орындалатын әндер:

1.Ән «Шырша жыры» Ә: Л.Хамиди ; С: Ә. Дүйсенбиев

2.Ән «Аққала»

3. Ән: «Шыршаға бардық» Ә: А. Асанов. С: С.Оспанов

Орындалатын би:

«Шыршалар» биі

«Шөжелерім» биі

Блингвальный компонент: Аяз ата-Дед Мороз, Ақшақар- Снегурочка, Аққала- снеговик.

Ертеңгіліктің барысы:

Әдемі әуенмен балалар ортаға шығады.

Тәрбиеші-: Сәлеметсіңдер ме, құрметті қонақтар! Балалар қыс түсті, жер беті аппақ қарға оранды. Көптен күткен жаңа жыл мерекесі де келді. Міне, біз де шыршамызды безендіріп, өзіміз де әсемденіп, жаңа жылды атап өткелі жатырмыз.

Шырқағын балапаным өз тіліңде,

Күнің шықты алдыңнан сен күлімде

Жаңа жылда ән айтып, би билетіп.

Құштар болғын сен өнерге, сен білімге.

Топқа Аққала келеді.

Аққала: Сәлеметсіңдер ме?

Тәрбиеші: Балалар, бұл аппақ болған кім екен? Кім біледі?

Балалар: Аққала!

Аққала: Жарайсыңдар балалар! Мен бүлдіршіндердің сүйікті Аққаласымын!

Өздерің құлпырып кетіпсіңдер ой! Жаңа жылды тойлап жатқан боларсыңдар?

Балалар: Иә!

Тәрбиеші: Балалардың сізге арналған әні бар.

«Аққала» әнін орындап береді. (Осы кезде дорба сүйретіп, жан-жағына алаңдай қарап, ақырын басып түлкі келеді. Келіп шыршаның түбіне дорбаны тастап қашып кетеді).

Ән: «Біз кішкентай баламыз»

Аққала: Ой тамаша! Рахмет сендерге. Менің шыққан себебім, Аяз ата әбден қартайыпты. Жаңа Ақшақарды кездестеріп едім, атам қартайды деді. Балалармен жаңа жылды қарсы алуға барамыз деген екен, онда мен сыйлық әкелу үшін орманға кеттім депті. Содан жоқ дейді. Ақшақар мені іздеуге жіберді.

Тәрбиеші: Аяз ата қартайса адасып кеткен шығар.

Аққала: Мен де солай болған шығар деп іздеуге шыққан бетім еді.

Тәрбиеші: Дұрыс, біздің балалар асыға күтуде, тездетіп іздеп тауып келіңіз.

Аққала шығып кетеді. Аққала кеткен соң түлкі келіп:

-Ммммм, қалайсыңдар? (Қутыңдап, құйрығын бұлғаңдатып) Жаңа жыл мерекесін тойлап жатсыңдар ма?

Барлығы: Иә.

Тәрбиеші: Жорытқанда жолың болсын түлкі ханым! Жай жүрсіз бе?

Түлкі: Мммм, жаңа жыл мерекесін тойлап жатқандарыңды естіп, мен де тамашалайын деп келдім.

Тәрбиеші: Жақсы онда, жайғасыңыз, бүлдіршіндердің өнерін тамашалаңыз!

Ән: «Шырша жыры»: Ә. Л.Хамиди ; С: Ә. Дүйсенбиев

Аппақ, аппақ жапалақтап, қар жауады тынбастан.

Қалың орман маужырайды, маужырайды түнгі аспан.

О, алақай Аяз ата келе жатыр алыстан.

Қане достым, әнге қосыл, әнге қосыл қалыспа.

Қол ұстасып, құшақтасып, үйренейік жаңа жыр.

Құтты болсын, құтты болсын, құтты болсын жаңа жыл!

Түлкі қутыңдап қолын шапалақтайды.

Тәрбиеші: Балалар әлгі Аққала Аяз атаны тапты ма екен? Біздің әсем шыршамызды жағу үшін біз Аяз ата мен Ақшақарды шақыруымыз керек, кәне бәріміз дауыстап шақырып көрейікші?

Барлығы: Аяз атааааа! Ақшақаааар! Аққалаааа! Қайдасыңдар?

Әдемі әуенмен Аяз ата, Ақшақар, Аққала келеді.

Аяз ата:

Балаларым балғыным!

Өмір гүлім шалғыным!

Тілегінім жыл бойы

Сендердің денсаулығың!