Аяз атаның қолғабы жаңа жылдық ойын сценарийі

Аяз-атаның қолғабы.

Музыка әуенімен залға балалар кіреді. Шырша алдында шеңбер болып тұрады.

Жүргізуші:

Жасыл шырша төгілген алдымызда,

Қош келдіңіз көрермен шыршамызға.

Аман болсын отбасымыз деп алайын,

Ізгі тілек тілейміз баршаңызға.

Ортада таңдандырып талайды,

Шыршамыз жасарып жайнайды.

Құбылып, құлпырып айнала,

Сиқырлы сәулелер тарайды.

Балалар қараңдаршы қандай әсем шырша! Ойыншықтар қандай әдемі! Айтыңдаршы балалар біз қандай мерекені тойлауға келдік?

Балалар: Жаңа жыл!

Жүргізуші: Дұрыс балалар! Біз бүгін жаңа жыл мерекесін тойлаймыз. Жаңа жыл мекересі құтты болсын! Ендеше біздің балалардың жаңа жыл мерекесіне арналған тақпақтары бар екен, кәне тыңдап көрейік!

Іңкәр: Жаңа жыл,Жаңа жыл,

Жаңа жылда-жаңа жыр.

Жасыл шырша жанында,

Билеп барлық бала жүр.

Нұртас: Тамаша, тамаша,

Шыршамыз тұр жараса.

Басында әсем жұлдызы,

Көз тоймайды қараса.

Сабина: Аспан жерге төгеді,

Ақ күмісін уыстап.

Жаңа жылда келеді,

Бізге қарай жылыстап.

Кәусар: Жаңадан тақпақ,

Аламыз жаттап.

Жаңа жыл келді,

Жаңа жыл аппақ.

Гүлдей: Жаңа жылым мол болсын,

Басқан қадам оң болсын.

Төрле-төрле жаңа жыл,

Бізге құтты жыл болсын.

Нұршат: Қуантып елді,

Жаңа жыл келді.

Өсетін болдым,

1-жасқа енді.

Аяна: Жаңа жылда жаңаша,

Тақпақ айтамыз.

Болсын риза балаша,

Аппақ атамыз.

Ажар: Жүзімізге күлкі ойнап,

Қанаттанды жанымыз.

Жаңа жылда біз тойлап,

Шаттанамыз бәріміз.

Айдана: Жаңа жылды қарсы алып,

Жасаймыз той жылда бір.

Жарқын-жарқын ән салып,

Жалғасады жырға жыр.

Махаббат: Жасыл желек жамылған,

Асыл моншақ тағынған,

Келді сұлу шыршамыз,

Көптен күтіп сағынған.

Гүлсезім: Жаңа жылмен, жаңа жылмен,

Құттықтаймыз әрине.

Әкемізді, анамызды,

Қонақтардың бәрінде.

Расима: Әдемілеп біз ілген,

Ойыншықтар тізілген,

Қандай жақсы шыршамыз,

Ән шырқайық баршамыз.

Мұхаммеджан: Міне тағы келіп тұр,

Жаңа бір жыл балалар.

Жадыратып жер үстін,

Төрімізге ол шыққан.

Әділет: Біз тілейміз жаңа жылдың шаттығын,

Біз тілейміз жаңа жылдың пәктігін.

Александра: Оралды өлкеме,

Жаңа жыл армысың.

Оранды ақ көрпе,

Асқар тау, қарлы шың.

Ән: « Жаңа жыл келді»

(Шырша астында үш қолғап жатады.)

Жүргізуші: (қоянның қолғабын алып) Балалар қараңдаршы шырша астында қолғап бар екен. Кімдікі екен сендер білмейсіңдер ме?

Балалар: Жоқ білмейміз!

(Музыкамен залға қоян жылап кіреді)

Қоян: Сәлеметсіңдер ме, балалар! Мен Қоянмын! Шырша жанында билеп, мен қолғабымды жоғалтып алдым! Сендер көрген жоқсыңдар ма?

Жүргізуші: Сәлеметсіңбе Қоян! Қарашы мүмкін мынау сенің қолғабың шығар! Кәне, киіп көрші! ( Қоянға кигізеді)

Қоян: Ия, бұл менің қолғабым! Рахмет! Балалар айтыңдаршы сендерде қандай мереке болып жатыр?

Жүргізуші: Біз балалармен жаңа жыл мерекесін тойлап жатырмыз.

Қоян: Жаңа жыл мерекесі құтты болсын! Ал мен көңілді Қоянмын, мен билеуді ұнатамын, кішкентай достарымды билеуге шақырамын.

Би: «Сұр-көжек»

Жүргізуші: Рахмет саған Қоян сен біздің балалардың көңілдерін көтердің, енді біздің балалардың тамаша әнін тыңда.

Ән: «Шырша»

Қоян: Балалар менің кететін уақытым болды, мерекені жақсы өткізіңдер, сау болыңдар.

Жүргізуші: (Аюдың қолғабын алып)

Балалар бізде тағы бір қолғап қалды, кімдікі екен?

(Музыкамен залға аю мұңды болып кіреді)

Аю: Сәлеметсіңдер ме, балалар! Кеше осы шырша алдында ойнап жүріп қолғабымды жоғалтып алдым! Сендер көрген жоқсыңдар ма?

Жүргізуші: Сәлеметсіңбе Аю! Қарашы мынау сенің қолғабың емес пе, кәне киіп көрші. (Аюға кигізеді)