Аяз би ертегісіне арналған ашық сабақ, 6 сынып

Сабақ (2 )

Қазақ әдебиеті

Сынып: 6

Қатысқандар:

Қатыспағандар:

Сабақтың тақырыбы:

«Аяз би» ертегісі

Күні:

Мұғалімнің аты-жөні:

Мектеп:

«М. Төлебаев атындағы орта мектебі»КММ

Бөлім атауы

Туған жерім-аялы алтын бесігім

Осы сабақ арқылы жүзеге асатын оқу мақсаттары

Т/Ж: 6.3.3.1. Әдеби туындыдағы кейіпкерлердің типтерін тек тұрғысынан сипаттау.

Б/С. 6.3.1.1. Шығармадағы кейіпкерлерді өзара салыстыра отырып, тарихи және көркемдік құндылығына баға беру.

Сабақ мақсаттары

Барлық оқушы орындай алады: «Аяз би» ертегісінің мазмұнын біледі, сұрақтарға жауап береді, ертегі кейіпкерлеріне мінездеме бере алады.

Оқушылардың көпшілігі орындай алады: «Аяз би» ертегісіннің кейіпкерлерінің типтерін тек тұрғысынан сипаттайды, талдау жасай алады.

Оқушылардың кейбіреулері орындай алады: «Аяз би» ертегісінің кейіпкерлерін өзара салыстыра отырып, кейіпкерлерге сыни көзқарасын айта алады, ертегінің тарихи және көркемдік құндылығына баға бере отырып, шығармашылық тапсырмаларды орындай алады.

Бағалау критерийлері

«Аяз би» ертегісі кейіпкерлерінің типтерін тек тұрғысынан сипаттау, ертегі кейіпкерлерін өзара салыстыра отырып, тарихи және көркемдік құндылығына баға беру.

Тілдік мақсат

Оқушылар орындай алады: «Аяз би» ертегісінің мазмұнын біледі, сұрақтарға жауап береді, ертегі кейіпкерлеріне мінездеме береді, ертегісі кейіпкерлерінің типтерін тек тұрғысынан сипаттайды, талдау жасайды, ертегі кейіпкерлерін өзара салыстыра отырып, кейіпкерлерге сыни көзқарасын айтады, ертегінің тарихи және көркемдік құндылығына баға береді, шығармашылық тапсырмаларды орындайды.

Пәнге қатысты сөздік қор мен терминдер: Шыншыл ертегі, хан, уәзір, сауысқан, шеңгел, наубайхана, қара қоға, қырғауыл, күлдіреуіш.

Диалог құруға / шығарма жазуға арналған пайдалы тіркестер

Байлық пен кедейлік, жақсылық пен жамандық, тапқырлық пен ақымақтық.

Талқылауға арналған сұрақтар:

1. Мадан хан шығармадағы қандай кейіпкер?

2. Шығарманың басты кейіпкері кім?

3. Уәзірлер ханның тапсырмасын қалай орындап еді?

4. Жаман неге уәзірлердің ойларын өзгертті?

5. Аяз бидің бойынан қандай қасиеттерді байқадыңдар?

Ишара:

Қол соғу, арқасынан қағу, жылы шырай таныту.

Алдыңғы оқу:

Ертегі, ертегі түрлері, шыншыл ертегілер туралы мағлұмат. «Аяз би» ертегісі

Құндылықтарға баулу:

«Мәңгілік Ел» ұлттық идеясы: Ынтымақтастық.

Пәнаралық байланыс

Қазақстан тарихы.

Жоспарланған уақыт

Жоспарланған жаттығу түрлері

Ресурстар

Сабақтың басы (7мин)

І. Сәлемдесу. Оқушылардың сабаққа түгел қатысуына назар аудару .

ІІ. «Мотивация» әдісі арқылы психологиялық

жағымды ахуал орнату

Орындалу шарты: Қатысушылар 2 шеңберге бөлінеді. Ішкі шеңбердегілер қарсы тұрғандарға жеке қасиеттері, дағды, тұлғалары, мінез-құлқы, өздерін ұстауы т.с.с. комплимент айтады. Тыңдаған қатысушы: «Рақмет, мен де солай ойлаймын. Сонымен қоса мен кестені жақсы тіге аламын» деген секілді өз бейімділігі мен ерекшелігін қосып отыру керек. Бұл оқушылардың өздеріне деген сенімдерін арттырып, жаңа жұмысты құлшына атқаруға кірісуге мотивация болады.

ІІІ. Топқа бөлу «Атомдар мен молекулалар» әдісі арқылы топқа бөлу жүзеге асырылады.

Орындалу шарты: Молекулалар атомдардың жиынтығы екендігі баршаға да мәлім. Оқушылар сыныптың бос жеріне жиналады. Ойынды жүргізуші «Атомдар!» деп дауыстағанда, олар бір-бірімен араласып, әрілі-берілі жүруі керек, өйткені олар қазір броундық қозғалыстағы атомдар іспетті. Ал, жүргізуші «Молекулар!» деп айтып, бір санды атаса (мәселен, үш немесе төрт, бес, алты) оқушылар сол аталған сан құрамында топтарға жедел түрде бірігуі керек. Қалыс қалған оқушылар (топ құрамын аталған саннан кем құрғандар) айып ретінде бір тапсырма орындайды: өлең оқиды, ән айтады т.с.с.

Ойынның нәтижесінде құралған топтар сол құрамда парталарға да отыруына болады: олар сабақты осы құрамда жалғастырады.

1-топ -Аяз би

2-топ -Мадан хан

3-топ -Қырық уәзір

ІV. Үй тапсырмасын сұрау «Аквариум» әдісі арқылы жүзеге асырылады.

Ертегі, ертегі түрлері, шыншыл ертегі, «Аяз би» ертегісі бойынша сұрақтарға жауап беру

Орындалу шарты: Аквариумнан балық аулау үшін оқушылар өз еріктерімен ортаға шығады. Аквариумның ішінде балық бейнесіндегі сұрақтар жазылған қималарды алады. Егер қимадағы сұраққа дұрыс жауап берсе, балықты аулады деп есептеледі. Егер сұраққа жауап бере алмай қалса, балықты аулай алмай қалды деп есептеледі.

Дескриптор:

Ертегі, ертегі түрлері, шыншыл ертегі, «Аяз би» ертегісі туралы ақпаратты біледі.

Сұрақтарға жауап береді.

ҚБ: «Жұлдызша» арқылы бағаланады.

Интербелсенді

тақта

Қазақ әдебиеті оқулығы «Атамұра» баспасы, 2018 ж.

7-12-беттер

Сабақтың ортасы

(25 мин)

Оқушыларға жаңа тақырып бойынша жүргізілетін жұмыс барысы жайында қысқаша ақпарат беріледі.

І тапсырма.

Топтық жұмыс: «Аяз би » ертегісінің негізгі ойы мен

кейіпкерлердің типтерін тек тұрғысынан сипаттау.

Тапсырманы орындау «Ой күмбезі» әдісі арқылы жүзеге

асырылады.

Орындалу шарты: Бұл әдіс тақырыптық тапсырмаларды сатылай, деңгейлеп орындауға негізделген. Ол мынадай бағыттарда жүзеге асырылады:

«Ой қазығы» - айтылған ойдың негізгі сөзін тауып, қарапайым түсініктер мен ұғымдардың табиғатын айқындайды;

«Ой желісі» - негізгі сөзден өрбитін ой-пікірді талдап, алған білімді қолдану және жан-жақты зерделеуге мүмкіндік береді;

«Ой өрімі» - оқушылардың пікірлері мен ой түйіндерді жинақтап, салыстыру, дәйектеу, дәлелдеу, өзге ұқсайтын (ұқсамайтын) құбылыстармен салыстыру, ой көркемдігі мен құрылымдық сипатын ашуға, ізденіске бағдар беруді көздейді;