Аяз би ертегісіне арналған сабақ жоспары 6 сынып

Қысқа мерзімді жоспар

Ұзақ мерзімді жоспардың тарауы:

Туған жерім - аялы алтын бесігім

Мектеп:

К.Мендалиев атындағы ОЖББМ

Мұғалім:

Манкишева Айымжан Мендіханөызы

Сынып: 6

Қатысқандар: 19

Қатыспағандар: 0

Тақырыбы:

«Аяз би» ертегісі

Осы сабақ арқылы жүзеге асатын оқу мақсаттары (оқу бағдарламасына сілтеме)

Т/Ж2. Әдеби шығармада көтерілген әлеуметтік-қоғамдық мәселені идеясы арқылы түсіндіру

Сабақтың мақсаты:

Барлық оқушылар:

Әдеби шығармадағы көтерілген әлеуметтік-қоғамдық мәселені түсінеді

Көпшілік оқушылар:

Ертегідегі әлеуметтік-қоғамдық мәселелерді идеясы арқылы түсіндіруде өз ойларын дәлелді пікірмен келтіре алады.

Кейбір оқушылар:

Әңгімедегі әлеуметтік-қоғамдық мәселені түсіндіруде өзіндік көзқарасы тұрғысынан ой қорытып, талдай алады.

Бағалау критерилері:

әдеби шығармада көтерілген әлеуметтік-қоғамдық мәселені идеясы арқылы түсіндіреді;

әдеби шығарманың идеясын өз көзқарасы арқылы жеткізеді.

Тілдік мақсат:

Оқушылар орындай алады: өз ойларын сыни тұрғыдан айтады.

Пәнге қатысты сөздік қор мен терминдер:

Нашарлар - кедей, тұрмысы нашар адамдар.

Күлдіреуіш - шаңырақтың орталығындағы айқыш-ұйқыш етіп бекітілген жіңішке ағаштар.

Уәзір - көмекші; шығыс елдерінің ел билеуші ханның немесе патшаның ақылшысы, кеңесшісі.

Қанын жүктемеу - біреудің өліміне себеп болмау.

Тәңірі жазса - Құдай қаласа.

Диалог құруға/ шығарма жазуға арналған пайдалы тіркестер: Көп жасаған білмейді, көпті көрген біледі. Ақылды жетер мұратқа, ақылсыз қалар ұятқа. Ақыл - ердің қорғаны.

Жаман образы - арманнан туған жинақы бейне; Аяз би – тарихи кейіпкер. Менің байқағаным... Менің пайымдауымша... Мен ойлаймын...

Талқылауға арналған сұрақтар:

1. Жаман өмірде болған адам ба? Әлде халық арманынан туындаған кейіпкер ме?

2. Өзін адамның жаманы санаған Жаман хан болуға лайық па?

3. Жаңа заман адамынының бойында Жаманның қай қасиеттері көп кездесе бермейді деп ойлайсың? Неліктен?

Құндылықтарға баулу

«Аяз би» ертегісін оқыту арқылы оқушыларды жақсыдан үйреніп, жаманнан жиренуге, сөз қадірін түсінуге, адамгершілікке, адал да әділ болуға тәрбиелеу.

Пәнаралық байланыс

Мақал- мәтел, тұрақты тіркеске орай қазақ тілі пәнімен, оқиға кезеңін айқындау арқылы тарих, өлкетану пәнімен, өсетін өсімдіктер мен жан-жануарлар дүниесіне орай география, биология пәндерімен байланыстырамын.

Алдыңғы оқу

Ертегі, шыншыл ертегілер туралы біледі.

Аяз би ертегісінің мазмұнын біледі.