Бабалар сөзі – даналық көзі тақырыбы, 3 сынып

Тақырыбы: БАБАЛАР СӨЗІ – ДАНАЛЫҚ КӨЗІ

Мақсаты: балалардың «даналық» құндылығы туралы түсініктерін кеңейту.

Міндеттері:

Даналық, ақылдылық туралы ұғымдарын қалыптастыру;

Ойлау іскерліктерін дамыту;

Ата-баба даналығынан өнеге алуға тәрбиелеу.

Көрнекі құралдар: оқулық, дәптер, даналардың суреттері.

Ұйымдастыру кезеңі

Тыныштық сәті:

Су асты патшалығына ойша саяхат.

Үй тапсырмасын тексеру.

«Ана қиялы» (аңыз).

Ана қиялы қандай ниетпен пайда болды деп ойлайсыңдар?

Сендердің қандай қиялдарың арманға ұласты? Ол қалай жүзеге асты?

Дәйексөз.

«Әдептілікті данадан үйрен».

Әңгімелесу.

Сендер үлкендерден естіген қандай дана сөздерді білесіңдер?

Даналық сөздерден не үйренуге болады?

Мәтінмен жұмыс.

«Ата өсиеті». Ә.Табылдиев.

Сендер «талап», «еңбек» деген сөздердің мәнін қалай түсінесіңдер?

Терең ой, қанағат, рақым сөздерінің мәнін қалай түсінесіңдер?

«Ақыл - жастан» дегенді қалай түсінесіңдер?

Тапсырма.

Көп нүктенің орнына тиісті сөздерді қойып, санамақты оқыңдар.

«Санамақ». Ө.Ақыпбекұлы.

Ойын.

«Даналық сөздер».

Мұғалім Ақботаның қоржынына қатты қағаздан жасалған әріптерді салып қояды. Оқушылар кезегімен шығып, қоржынның ішіне қарамай, әріптердің бірін алады. Қандай әріп шықса, сол әріптен басталатын даналық сөздерді айтуы тиіс. Мысалы: Ұ – «Ұяда не көрсең, ұшқанда соны ілерсің», А – «Ашуды ақылыңмен жең» т.б.

Жаттығу-ойлану.

Әр топ өздеріне берілген өлең жолдарына ұқсас өлең құрастырады.

1-топ:

Нені білу парыз?

Туған жерді сүю – парыз,

Сүю үшін білу – парыз...

2-топ:

Дүниеде не қымбат?

Әлпештеген анам қымбат,

Еркелеткен атам қымбат....

Күтілетін жауаптар:

Отанды қорғау – парыз,

Күзетінде тұру – парыз.

Білім берген ұстаз қымбат,

Ақыл берген досым қымбат.

Жаңа ақпарат.

Адамзаттың сан ғасырлық жинақтаған білімі мен тәжірибесі даналық деп аталады. Даналық адамның өмірде дұрыс шешім қабылдауына септігін тигізеді.

Топпен ән айту.

«Ғылым таппай мақтанба». Абай.

Дәптермен жұмыс.

1-тапсырма: дәптерде берілген ақын М.Әлімбаевтың өнегелі батасын аяқтап жазыңдар.

2-тапсырма: дәптерде берілген өлеңді оқып, мәнін түсініңдер, ұнаса жаттап алыңдар.

Қорытынды.

Балалар, бүгінгі сабақтан түсінгендей ата-бабаның өнегелі, нақыл сөздері бізге тәлім, білім беретіндіктен даналықтың көзі болып табылады. Сондықтан да ол өшпес мұра. Оны оқып, біліп өскен біз әрі жақсы, әрі дана адам болып өсеміз.…