қмж, 9 сынып «Қарттың сөзі-ақылдың көзі»

Сынып сағаты

Сынып жетекші:

Күні:

Сынып: 9

Қатысқаны: Қатыспағаны:

Сабақтың тақырыбы:

«Қарттың сөзі-ақылдың көзі»

Қауіпсіздік сабағы (10 минут)

№ 5-САБАҚ

«Егер сіз желіде қорқытуға тап болсаңыз»

Сынып сағатының мақсаты:

- Қарттардың өмірлік тәжірибесі мен даналығын құрметтеуге баулу.- Мақал-мәтел, нақыл сөздер арқылы ой түю, пікір білдіру.- Өзіндік ой айтуға, үлкенді сыйлауға тәрбиелеу.

Қауіпсіздік сабағының мақсаты:

•Оқушыларға кибербуллинг (онлайн қорқыту) туралы түсінік беру

•Желіде қорқыту жағдайында қалай әрекет ету керектігін үйрету

•Интернеттегі қауіпсіздік шараларын меңгерту

Қауіпсіздік сабағының міндеті:

Оқушыларға кибербуллинг туралы Желіде қорқыту жағдайында қалай әрекет ету керектігін үйрету

Құндылықтарды дарыту:

ТӘУЕЛСІЗДІК ЖӘНЕ ОТАНШЫЛДЫҚ:Қазақстанның тарихын,мәдениеті мен дәстүрлерін, оның тәуелсіздігін және оны сақтаудың маңыздылығын түсіну;

Апта дәйексөзі:

«Еңбек – адамның айнасы, тірліктің алтын негізі.»

Сынып сағатының барысы:

Сабақтың кезеңі/ уақыт

Педагогтың әрекеті

Оқушының әрекеті

Ресурстар

Сынып сағатының басы:

10 мин

ҚР Мемлекеттік Әнұраны орындалады

I. Ұйымдастыру кезеңі

Амандасу, оқушыларды шеңберге тұрғызып, «Даналық сөзің – өмірлік азығың» деген тілек айту.

II. Кіріспе бөлім

Мұғалім сөзі:

Мұғалім тақтаға мақал жазады: «Қарттың сөзі – ақылдың көзі»- Сұрақтар: * Бұл мақалдың мәні неде деп ойлайсыңдар? * Үлкендердің айтқан қандай ақылдары есіңде қалды?

Оқушылар әнұран орындайды.

Оқушылар шеңбер болып тұрады

Жұдырық түйістіру арқылы бір-біріне еңбек туралы жақсы тілек айтады.

Көңілді әуен

Сынып сағатының ортасы

Қарттарым аман жүрсінші

Ортамызда жүрген қарияларымыздың бір кезде елі, халқы, келешек ұрпағы үшін жасаған игі істері ерекше орын алады. Қазіргі кезде біздің мемлекетімізде қарттарға үлкен мән беріп, көңіл аударып, жан- жақты үкімет тарапынан қамқорлық жасалуда. Қазақстанның өсіп- өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептейміз. Міне, енді қарттар күні саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан алдыңғы буын ата- әжелеріміздің төл мерекесі. Олардың өмір жолдары бүгінгі ұрпаққа табылмас қазына.

Қарттарды құрметтемейтін, олардың алдындағы перзенттік парызын үлкен ынтамен орындамайтын, әдептілік, кішіпейілділік, сергек сезімталдық көрсетпейтін, бұл қасиеттер қанына сіңіп, жүрегіне ұяламаған ұрпақтан не опа, не қайыр?! Адамның өмірінің мәні мен сұлулығы, адамның келешегіне сенімділігі – баланың ата-анасын ардақ тұтып, өзінің перзенттік қарызын бір сәтке де есінен шығармауында. Үлкендіктен ешкім құтыла алмаған. Бірақ кәріліктің өзінің сәні – мәні бар.

Қарт кісіні құт-береке деп танысақ-ол ұрпақ көрегендігі. Ұрпағы құрметтеген ата-ана әр кезде де бақытты.

Ата- ардақты тұлға. Иә, «Әкеден ұл тусайшы, ата жолын қусайшы» деп халық ұрпаққа атаның мұрасын жалғастыруды уағыздайды. Ата ұрпағының қайырымды,мейірімді,ақылды.іскер болуын тілеп,сол үшін қамқорлық іс-әрекеттерін басы жерге жеткенше дамыта береді,өнеге көрсетеді,өсиет айтады.