Бағдаршам біздің досымыз ашық сабақ мектепке дейінгі топқа

Мақсаты: Жалпы жол белгілерімен балаларды таныстыруды жалғастыру,жол белгілерін айыра білу дағдыларын қалыптастыру.Іс жүзінде қолдануға қызығушылықтарын тудыру,жолда жүру тәртібін сақтауға тәрбиелеу.

Қолданылатын көрнекіліктер: Жол белгілері,бағдаршам,ойыншық машина,велосипед.

Шаттық шеңбері: Жол тәртібін білейік, Есен-аман жүрейік! Ережені біз жаттап Тәртіпті ұлан болайық Жалғайтын достастырым бар елменен Жолдардан тұрады ғой әлем деген Бүгін бізге келген қонақтарға

Тәрбиеші: Балалар біздің бүгінгі оқу қызметіміз өзгеше,біз бүгін «Жол ережесі бағдаршам біздің досымыз» саяхатқа барамыз,ол жерден көп нәрсені көзбен көріп, жақсы әсер аламыз деп ойлаймын.Балалар жол сапар барысында көп жол қиылыстары кездеседі, жол ережесін мұқият сақтауымыз керек.

Есік қағылады. Гаи инспекторы мен қоян кіріп келеді.

Инспектор апай: Сәлеметсіңдер ме балалар! Балалар жолға қарап тұрсам, велосипед тепкен қоянды көрдім, жолдан дұрыс өтпей барлық ережелерді бұзып, машина қағып кете жаздады. Қоянды тоқтатып, қайда барасың деп сұрасам, «Құлыншақ» балабақшасына балаларға барамын деп өтінгесін, сендерге алып келдім.Балалар сендер жол ережесін білесіңдер ме?

Балалар: Ия білеміз.

Инспектор апай: Ендеше қоянға үйретіңдерші, ал қоян сен жол ережесін үйренбей мен саған велосипедіңді бермеймін, ал мен жұмысыма барайын.

Тәрбиеші: Қоян сен ренжіме, біздің балалар саған жол ережесін айтып,түсіңдіреді, сен жол ережесін үйренгесін велосипедіңді қайтарып береді.

Қоян: Жарайды балалар маған жол ережесін айтып, мен үйреніп алайын.

Тәрбиеші: Қоян қазір біздің балалардан сұрайық,жауаптарын тыңдап есіне сақта!

-Велосипедті қай жерде тебу керек?

-Балалар алаңында тебу керек.

-Допты қай жерде ойнау керек?

-Спорт алаңында ойнау керек.

-Бағдаршамның неше көзі бар?

-Бағдаршамның үш көзі бар. Түстерін атайды.

-Бағдаршамның қай көзі біздің досымыз?

-Жасыл түсі біздің досымыз,ол бізге әрқашан көмектеседі.

-Көше тәртібін бағдаршамнан басқа кім басқарады?

-Демеуші инспектор басқарады.

Тәрбиеші: Қоян балалардың айтқандарын есіне сақтадың ба, бұл ережелерді білсең, сен әрқашан қауіпті боласың.

Қоян: Рахмет балалар ,мен айтқан ережелерінді есте сақтаймын.

Тәрбиеші: Қоян біз балалармен жол белгілер еліне саяхатқа баруға жиналғанбыз, бізбен бірге барасың ба?

Қоян: әрине, менде барайыншы балалар ?

Тәрбиеші: Қоян сен жолда мұқият бол, балалардан үйрен.

(Муз әуенімен балалар бір-бірінің артынан жүреді)

Тәрбиеші: Балалар алдымызда екі жол айрығы жатыр, бірі-жіңішке, екіншісі-жалпақ жол.

-Қалай ойлайсыңдар қандай жол жаяу жүргінші?

-Жіңішке жол жаяу жүргінші.

Тәрбиеші: Міне, біз бірінші жол қиылысына жеттік.Жолдан өту үшін ненің көмегіне жүгінеміз?

-Бағдаршам көмегі қажет.(тақпақ айтады балалар)