Бәйге ойыны, 5–6 сыныптарға арналған сыныптан тыс шара

Сабақтан тыс шара: «Бәйге» ойыны

Ойының мақсаты:

«Бәйге» ойыны арқылы оқушылардың қазақ тілі сабағында алған білімдерін қайталай келіп, әр түрлі әдіс-тәсілдерді пайдаланып, ойлау қабілеттерін, тілін дамыту, шығармашылыққа баулу, танымдық қабілеттерін дамыту. Қазақ халқының салт-дәстүріне, өнеріне оқушылардың қызығушылық мен сүйіспеншілігін арттыру, құрметтеу.

Түрі, әдіс- тәсілдері: сайыс,топпен жұмыс,сұрақ- жауап, әңгімелесу, интервью алу

Көрнекілігі: «Бәйге» алаңы, сөзжұмбақтар, әріптер жазылған табақшалар, «Бүлінген факс»

Барысы:

- Құрметті қонақтар, оқушылар! Бүгін біздің мектепте «Бәйге» ойыны өтеді. Балалар, кім айтады, «Бәйге» деген қандай ойын? (Скачки-Атжарыс). Балалар, сендер тағы қандай қазақтың ұлттық ойындарын

білесіңдер? («Теңге алу», «Ақ сүйек», «Орамал тастау», «Көкпар»,

«Арқан тарту», асық ойындары т.б.)

-Ал бүгінгі «Бәйге» ойынында сендер, балалар, өздеріңнің қаншалықты

қазақ тілін меңгергендеріңді көрсетіңіздер.

Ойынның шарты:

Ойын «Құлагер» және «Тұлпар» топтары арасында өтеді.

Міне, партаның үстінде кесте жатыр. Кесте 8 тор көзге бөлінген. Әр тор көзде сайыс түрлері жазылған. Сендер асық иіру арқылы қай тақырып бойынша сайысатындарыңды таңдап аласыңдар. Бұл сайыстар бәйге алаңында өтеді. Алаңда екі жол бар. Бірінші жол «Құлагердікі», екіншісі-«Тұлпардікі». Әр сайыста жеңіске жеткен топтың сәйгүлігі мәреге біршама жақындай түседі. Егер, балалар, байқасаңдар - алаң түрлі түсті жолақтарға боялған. 8 сайыс түрі- 8 жолақ. Мысалы, «Құлагер» тобы 1-тапсырманы дұрыс орындаса, ол топтың сәйгүлігін 1-қызыл жолаққа жылжытамыз. Ал егер «Тұлпар» тобы жауап бере алмаса, ол топтың сәйгүлгі орнында қала береді. Сонымен қай топтың сәйгүлгі бірінші болып мәреге жетсе, сол топ жеңіске жетеді. Ойынымызды бастамақ бұрын, әділ-қазылар алқасын таныстыра кетейін.

1. Қазақ тілі мен әдебиеті мұғалімі Нұртазина Б.Е.

2. 10-сынып оқушысы Булгакова Вероника.

-Алдымен топтардың сәлемдесуін тыңдайық.

«Құлагер» тобы:

Гүлденіп жалын атқан бүгін таңда,

Достықтың туын тігіп біз ортаға

Жігірленіп сайысқа біз де жеттік

Құлагерден Тұлпарға сәлем бердік.

«Тұлпар» тобы:

Достармыз бірге жүрген біз талайдан,

Бәйгеде кездестік біз орайдан

Сәлеміңді, Құлагер, қабыл алдық

Біз де жауап береміз Тұлпардан

Екі топ бірге «Кузнечик» әнімен

Кел, балалар, ойнайық,

Ойнайық та ойлайық.

Қандай жұмбақ болса да

Шешпей оны қоймайық.

Кел, балалар, кел, балалар,

Шешпей оны қоймайық.

Ал кәнекей, тыңдайық

Асығыстық қылмайық

Асықпайық дегенге

Бөгеліп те тұрмайық.

Ал, кәнекей, ал кәнекей

Бөгеліп те тұрмайық.

-Өте жақсы, балалар. Жарайсыңдар! Орындарыңа отырыңдар.

Ойынымызды бастайық! Ортаға бір ойыншыны асық иіруге шақырамыз. Асықты үстелдің үстіндегі тапсырмалар жазылған кестеге иіреміз.Асық қай торкөзге түседі,сонда жазылған тақырып бойынша берілген тапсырманы орындау шарт.

Тапсырмалар

1.Сөзжұмбақ шешу

2.Мақал-мәтел сайысы

3.Әрі ойын,әрі оқу

4.Мәтін құрастыру

5.Өнер саысы

6.Табақшадағы әріптер

7.Бүлінген факс

8.Қонақ сұрақтары

1.Сөзжұмбақ шешу

Құлагерге: 1.Лоб 6.Голова

2.Ухо

3.Рука

4.Бровь

5.Рот

Тұлпарға: 1.Яблоко; 2.Пища; 3.Письмо; 4.Нож; 5.Хлеб; 6.Груша

Екі топ жұмбақтарды шешкенше, біз 2-сынып оқушылары Бекболат Бекжан мен Көкежан Есболаттың қызықты әңгімелерін тыңдайық.

1) Әке мен баланың әңгімесі:

-Әке, сені біздің мұғалім өте ұнатып қалыпты

-Оны қайдан білдің?

-Ол кісінің сені тағы көргісі келеді

2)Қожанасыр мен жолаушы.

-Қожеке, айтыңызшы ертең жаңбыр жауа ма, жаумай ма? (Қожеке аспанға бір қарап, жерге бір қарап)

-Жауар жаумасын ертең айтайын.

2.Мақал-мәтелдер сайысы.

Топтар мақал-мәтелдер айтып жарысады. Қай топ мақал-мәтелдер көп айтса, сол топ мәреге біршама жақындай түседі.