Математикалық сандық ойыны сыныптан тыс жұмыс 5 сынып

Қоянды орта мектебі

Тақырыбы: «Математикалық сандық ойыны»

Дайындаған: математика пәнінің мұғалімі

Хадыс Амангул

2017-2018 оқу жылы

Тақырыбы: «Математикалық сандық ойыны»

Мақсаты: Оқушылардың ой-өрісін, ынтасын, қабілеттерін, белсенділіктерін дамыту, пәнге деген қызығушылығын арттыру, математика пәнінен алған білімдерін тереңдету, ұйымшылдыққа, шапшаңдыққа, ептілікке баулу, білімді, озық болуға тәрбиелеу.

Түрі: Сайыс

Көрнекілігі: интерактивті тақта, плакаттар, шарлар, ойынға қажет әртүрлі заттар.

Ойынның барысы:

Таныстыру – топтың аты, эмблемасы

«Қызықты есептер» - логикалық есептер

«Әр қолда-өзінің ісі» - капитандар сайысы

«Сыр сандық құпиясы» - жұмбақ шешу

5. «Ойымды жалғастыр»

6. «Қас-қағым сәт» ойыны

7. «Математика әлеміне саяхат» жасау

8. Қорытынды

Жас болсақ та қиындықтан қашпаймыз,

Сұрақтарды бірден шешіп тоқтаймыз.

Деп отырған болсаңыздар ендеше,

Сайысымызды бастаймыз.

Құрметті ұстаздар мен оқушылар, бүгінгі «Математикалық сандық» деп аталатын сайысымызды бастауға рұқсат етіңіздер! Ойынды бастамас бұрын әділқазыларды сайлап алайық.

Әділқазы ақ қазыға бір сәлем!

Әділдікке бас иеді күллі әлем!

Жүйрік озар сайыстарда неше бір,

Сарапқа сап, әділдікпен шеше біл.

Әрқашан да білім көптік етпеген,

Талапсыз жан мұратына жетпеген.

Сәлем бердік, ұландарға талапкер,

Дос көңілден, адал аппақ ниетпен.

Түсеміз біз білімдердің сайысына,

Жеңсеңдер қол соғамыз табысына.

Талапкердің талабы баудай болар,

Аямас тиіп кетсең намысына.

1-сайыс Топтардың өздерін таныстыруы, ең жоғарғы ұпай 5.

2-сайыс «Қызықты есептер» дұрыс жауапқа 5 ұпай.

Бөлменің 4 бұрышында 4 мысық отыр. Әр мысықтың алдында 3 мысықтан отыр. Сонда бөлмеде неше мысық бар?(4 мысық)

Столдың басында 2 әке және 2 бала отыр. Оларға 3 алманы қалай тең бөліп беруге болады? (атасы, әкесі, баласы)

Аспанда бір қатар үйректер ұшып барады. Біреуі алдында, екеуі артында, біреуі артында, екеуі алдында, біреуі екеуінің ортасында. Барлығы неше үйрек ұшып барады?(3 үйрек)

Сағат 22.00-де жауын жауып тұрса, 24 сағаттан кейін күннің жарқырап тұруы мүмкін бе?(жоқ)

Корзинадағы 7 алманы 7 қызға тең бөліп беру керек және 1 алма корзинада қалуы керек. Бұл қалай?(соңғы қызға корзинамен бірге беру керек)

Отбасында 5 ағайынды бар. Олардың әрбіреуінің 1 апайы бар. Отбасында барлығы неше бала?(6)

Столдың 4 бұрышы бар. Егер 1 бұрышын кесіп тастаса, неше бұрыш қалады?(5)

Тауық бір аяғымен тұрса 2 кг, ал екі аяғымен тұрса неше килограмм болады?(2 кг)

70 мин көп пе, әлде 1 сағ 10 мин көп пе?(тең)

Екі қолда 10 саусақ. Сонда 10 қолда неше саусақ болады?(50)

Әсем поездың басынан есептегенде 7-вагонға отырды. Марина поездың соңынан есептегенде 7-вагонға отырды. Сонда қыздар бір вагонда болды. Поезда неше вагон болған?(13)

86 санын ешқандай жазу жазбай 12-ге арттыр.(98)

Екі адам 2 сағат шахмат ойнаса, олардың әрқайсысы неше сағат ойнаған?(2)